මන්ද විවිධාකාර ජෝතිෂ්‍ය කටයුතු වෙනුවෙන් රටේ සෑම පලාතකම වාගේ යන්නට සිදුවෙන බැවින් ඒ අත්දැකිම මා හට ඇත.
එසේම සියලුම දෙනාගේ අධිෂ්ඨානය තමන්ට කියා හෝ වාහනයක් මිලදී ගැනීමයි. එදා වේල හරිහම්බ කරගන්නා පවුලකට සිතෙන්නේ තමන්ට කියා අඩු තරමින් ත්‍රිරෝද රථයක් හෝ මිලදී ගැනීමටය.
එසේම පාසල් යන පුතුන් පවා පතන්නේ ඉක්මණින් මෝටර් සයිකලයක් ගැනීමටයි.
අප බලමු වාහන ලාභ හිමිවීමට බලපාන ජෝතිෂමය සාධක කුමක්ද කියා...
* ලෞකික සැප සම්පත් අතර වාහන ලාභ ප්‍රධාන තැනක තැබීමට පුලුවන.
මෙම යාන වාහන සම්බන්ධව බලපවත්වන ප්‍රධානම ග්‍රහයා වන්නේ “සිකුරු/ශුක්‍ර“ ය.
★ මෙම සිකුරු යම් කිසි කෙනෙකුගේ කේන්දරය තුල 4 වැන්නේ බලවත්ව සිටී නම්, එය විශේෂයෙන්ම කටක, ධනු, කුම්භ යන ලග්න වලට 4 වැන්නේ සිකුරු සිටී නම් එය ඉතාම බලගතු වෙයි.
★ එසේත් නොමැති නම් සිකුරු 4 වැන්නාධිපතියා වී යම්කිසි කෙනෙකුගේ ජන්ම පත්‍රයේ 6, 8, 12 ස්ථානයක හැර බලවත් වී සිටි නම් ඒ අයට රථ වාහන ලැබීමේ වාසනාව ඇත.
★ මා එසෙ පැවසුවද 8 වැන්නේද විපරීත ආකාරයෙන් බලවත්ව සිටිය හොත් විශේෂයෙන්ම සිංහ ලග්න, මීන, තුලා ලග්න වලට බොහෝවිට විවාහයෙන් පසුව තමාගේ භාර්යාවගෙන් ලැබෙන දායාදයෙන් හෝ එසේ නැත්නම් විවාහ වන ස්වාමි පුරුෂයාට තමාගෙන් නිකුත්වන වාසනා කිරණ කදම්බය නිසා හෝ සුඛෝපභෝගී වාහන ඇතුලුව අනිකුත් සැප සම්පත්ද හිමිවන්නේ නිරායාසයෙනි.
එසේම සිකුරු ග්‍රහයා මෙම තත්වය මනාව පරිපාලනය කරනු ලබයි.
★ එසේම සිකුරු යම් ග්‍රහයෙක් සමග ගුරු හෝ කුජ සමග සිටී නම් ඔහුට නිල වාහන හිමිවේ. එසේම මෙහි සෙනසුරු සමග සිටී නම් සිකුරු සංයෝග නම් වාහන නිසා ඔවුන් අමාරුවේත් වැටේ.
* මෙය පොදු සිද්ධාන්තයක් බව මතක තබාගන්න. ඔබගේ ජන්ම පත්‍රයේත් මෙවන් ග්‍රහ පිහිටිම් සහ යෙදුම් ඇත්නම් වාසනාව හිමිවේවි විමසිලිමත් වන්න.
No comments:
Post a Comment