ධන යෝග සහ....

කෙනෙකුට ජීවිතයේ ධනය අත්‍යාවශ්‍ය සාධකයක් වෙයි. එයින් කියන්නෙ ධනවත්වීම හෝ මුදල් තිබීම ජිවිතයේ සතුටට හේතුව බව නොවේ.
ධනය තිබීම බොහෝ කටයුතු වලදී පහසුවක් වේ. 

ජීවත් වන ඕනෑම කෙනෙකුට ධනවත් වීමට ක්‍රම බොහෝ තිබේ. 

1. දෙමාපිය ධනයෙන්, විවාහයෙන්.
2. තම මහන්සියෙන් කැපවීමෙන්.
3. වාසනාව 

කරුණු 3ම මගින් ධනවත්විය හැක. 1ක් මගින් වුවද විය හැකි අතර මිශ්‍රව වුවද විය හැක.

කේන්දර සටහනක මූලිකව ධනය ගැන කියවෙන්නෙ 2 වැන්නෙනි. එය ධනස්ථානය ලෙස හැඳින්වේ. එසේම ධනය ගැන කතා කිරීමේදී 11 වැන්න වන අයස්ථානයද ඉතා වැදගත් වේ. 
එසේම අධ්‍යාපනය සහ දරුවන් ගැන මූලිකව කියවෙන 5 වැන්නද ධනය සම්බන්ධව වැදගත් වේ.
10 වැන්න වන කර්මස්ථානය එනම් කරන රැකියාව ගැන කියවෙන තැනද ධනයට අදාලව වැදගත් වේ.

* මීට අමතරව ධනය ගැන කතා කිරීමේදී 8 වැන්නද සුවිශේෂි වේ. එය බොහෝ දෙනෙක් අමතක කලද 8 වැන්නේ ඇති වැදගත්කම් බොහෝය.
8 වැන්නේ විපරීත බලයකින් සිකුරු බලවත් වීමෙන් බොහෝ ධනයට හිමිකම් කිව හැක.
8 වැන්නේ ඇති වැදගත්කම් ලෙස 8 වැන්න විවාහයෙන් 2 වැන්න වේ. එනම් විවාහයේ ධනය ගැන කියවෙන්නේ 8 වැන්නෙනි. සිකුරු වැනි ග්‍රහයෙකු 8 බලවත්ව සිටීම විවාහයෙන් දායාද ලැබීම හෝ විවාහ වන කෙනා අනුව ධනවත් බලවත් වන පිහිටීමකි.