“ රාහු මහ දසාව “ - 01 ලිපිය

රාහු ගැන කිව්වාමත් ඇතිවන්නේ ඒතරම හොඳ සිතිවිල්ලක් නෙමෙයි.

නාග හිසකින් සහ දේහධාරි පුරුෂ ශරීරයකින් හෙබි රාහු ග්‍රහයාගේ මහ දසාව ගැන, මතක් වන විට සියලුම දෙනාට මතක් වෙන්නේ අවුල්කාරි ගැටළුකාරි සිතිවිල්ලකි. මේ තත්වය නිසාම ඉගෙන ගන්නා දරුවන්ට විශේෂයෙන්ම අපලකාරි තත්වයක් බලපායි.

● මෙම මහ දසාව පොදුවේ ගත්කල අවුරුදු 40න් පසුව ලබනවා නම් පුද්ගලයන්ගේ සමාජ, ආර්ථික දියුණුව ඇතිවේ. දේශපාලන ක්සෙත්‍රයේ සිටින බොහෝ අයට, කලා ක්ෂෙත්‍රයේ අයට ප්‍රසිද්ධිය ජනප්‍රියත්වය ලබාදීමට රාහු පසුබට නොවේ.
මේ අතින් බැලුවොත්, රාහු ප්‍රබල ග්‍රහයෙක් කියල ඔබට තේරේවි.

* උපතේදි රාහු බලවත් නම්, ආර්ථික දියුණුව, ජනප්‍රියත්වය, ලොතරැයි වාසනාව ආදිය ලැබේ.
* හදිසි ධනලාභ දීමේ මහා පොදු සාධකය වෙන්නෙත් “ රාහු “ තමයි.
ගුරුට, සිකුරුට දෘෂ්ඨි වැටෙන එකෙන් ක්ෂණිකව පොහොසත් වෙනව.
හැබැයි පොඩි දෙයක් තියෙනවා කියන්න, රාහු-සිකුරු දෘෂ්ඨිය හොඳයි තමයි, හැබැයි ලග්නාධිපතියා ශුභයෙක් වෙලා විශේෂයෙන්ම ගුරු වගේ වෙලා චන්ද්‍රයා හොඳ තැනක හිටියොත් හරි. නැත්නම් ඒ පුද්ගලයා තෘප්තිමත් නොවන කාමාශාවක් ඇති කරන්න පුලුවන්.

* රාහු අපලයට නාගර්ජුන යන්ත්‍රය තමයි ප්‍රසිද්ධ.
ඒක කිව්වාම හැමෝම අහනවා නාගර්ජුන යන්ත්‍රය ගැන. නාගර්ජුන යන්ත්‍රය පලදින්න ඕන තමන්ගේ කේන්දරය අනුව ඊට සුභ වෙලාවල් බලලා, ඒ අනුව ජප සංඛ්‍යාව තීරණය කරලා වගේ තවත් ගොඩක් කරුණු බලල.
හැමතැනම වගේ කලින් හදපු හරි, එකපාරට 100කට විතර හදන නාගර්ජුන වලින් ඇතිවෙන්නේ සුභ ඵල බොහෝම ටිකයි. අන්තිමට මිනිස්සු හිතනවා නතර වෙන්නෙ ජ්‍යොතිෂ්‍යය බොරු කියල.

( ලිපිය කියවන අයට කියන්නෙ, ඕනෑම යන්ත්‍රයක් ඉරු සේවයේ අපි කරන්නෙ කේන්දරය සූක්ෂමව බලල ඒ අනුව තියෙන තත්වයන් වලටයි. ඒනිසා යන්ත්‍රයක්, ශාන්ති කර්මයක් කියපු ගමන් ඒකෙ ගාන අහන්න එපා...
ජ්‍යොතිෂ්‍යය සේවාවන් කියන්නේ කඩේට ගිහිල්ලා බඩුවක් ගන්නව වගේ දෙයක් නෙමෙයි)

නාගර්ජුන යන්ත්‍රය ගැන,
https://www.facebook.com/irusewaya/photos/a.850896334927447.1073741830.833656709984743/1834094616607609/?type=3&theater

* ඔබ දන්නවද, අපි දැකල තියෙනවා ලසිත් මාලිංග වඩා වේගෙන් පන්දු යවන්න පුලුවන් අය. හැබැයි ඒ අය නෙමෙයි ඉදිරියට ඇවිල්ලා බැබලෙන්නේ. ඒකටත් ප්‍රධාන හේතුවක් වෙනවා, අවශ්‍ය ප්‍රසිද්ධිය. ඒ ප්‍රසිද්ධිය ලැබෙන වාසනාවටත් “ රාහු ලොකු හේතුවක් “.

*** රාහු මහ දසාවේ අතුරු දසා ගැන ඊලග ලිපියකින් !
077 2238041
irusewaya@gmail.com

_ සබැඳි ලිපි _

* රාහු හෝ කේතු 7 ද ?
https://www.facebook.com/photo.php?fbid=225750774286601&set=a.234978960030449.1073741848.100005550390980&type=3&theater



* හදිසි ධනවත් වීම්
https://www.facebook.com/pg/irusewaya/photos/?tab=album&album_id=1006313519385727

* Youtube
https://www.youtube.com/channel/UCiCfvboe_q7nz58JRj_YppA

* Instagram
https://www.instagram.com/iru_astrology/

#Rahu #kalaya #srilanka #lka #kendara #hadahana #palapala

බුධ මහ දශාවේ හැටි - 2 ලිපිය

බුධ ග්‍රහයා ඔබ අප සියලුම දෙනා දන්නා ආකාරයට ඉතාම සෞම්‍ය ගුණෝපේත ග්‍රහ ලොව සුරතලා වශයෙන් විරුදාවලිය ලැබූ ග්‍රහයාය.

බුධ මහ දශාව වසර 17ක් ඉදිරියට පවතින මහ දසාවක්ය.
බුධ මහ දසාව කෙනෙකුට ලබන්නේ සෙනසුරු මහ දසාව අවසන් වීමෙන් අනතුරුවය. සෙනසුරු මහ දසාවේ ඇති කලාවූ මහා පීඩාකාරි තත්වයන් පරදා බුධ ග්‍රහයාගේ ශුභ සෙත සැලසෙන මෙම දසාව එම සෙනසුරු මහ දසාවෙන් පීඩාවිඳි අයෙකුට නම් ඉතාම සහනය ගෙන දෙන බව කිව යුතුය.

අප මේ සදහන් කරන්නේ බුද මහ දසාවේ කාල පරිච්ඡේදයන් තුලදි සිදුවන දළ සංක්ෂිප්තය සහ ක්‍රියාවලියයි. මෙහිදි ඔබ සිහි තබාගත යුතුයි, උප්පත්ති ග්‍රහචාරය අනුව එම ග්‍රහයන්ගේ බල දුබලතා අනුව මෙය සමහරවිට යම් යම් වෙනස් වීම් ඇතිවිය හැකි බව.
තවද සදහන් කල යුතු විශේෂ කාරණාවක් වන්නේ මෙම ග්‍රහයා තවත් ග්‍රහයන් සමග එකතු වි සිටිමෙන් (බුද- සිකුරු, බුධ - රවි, බුධ - ශනි ආදි ), මෙම බුධ ග්‍රහයා තමා සමග සංයෝග වන ග්‍රහයාගේ ලක්ෂණ ගනී.
 කුඩා දරුවෙක්ට උපමා කර ඇත්තේ කුඩා දරුවෙක්ද තමා සමග සම්බන්ධ වන වැඩිහිටියන්ගේ ලක්ෂණ ගන්නා නිසාය.
උදා :- බුධ - සිකුරු සංයෝග නම් බොහෝ හුරතල් කතා ඇති වාග් චාතුර්ය ඇති කෙනෙක් වේ.
බුධ - කුජ නම් කපටි සිත් ඇති අයෙක් වේ.

* බුද මහ දසාවේ අතුරු දසා විග්‍රහය දැන් බලමු.

● බුධ මහ දසාවේ බුධ අතුරු දසාව

- වසර 02 මාස 04 දින 27කි.

මෙම අතුරු දසාවෙදි පුද්ගලයාගේ පුද්ගල සංවර්ධනය ඉතාම යහපත්ව සිදුවේ. බුද්ධිමත්ව කටයුතු කරගැනීමට හැකිවන මෙම කාලයේදී විශේෂයෙන්ම ව්‍යාපාර වස්තු වලින් ඉතාම ලාභ ලබයි. තවද අධ්‍යාපනය ලබන අයට බුද්ධිය දියුණු වී වාසනාව සෙත සැලසෙන කාලයකි. ප්‍රීතිමත්ව සිටිමට අවස්ථාව උදාවේ.

● බුධ මහ දසාවේ කේතු අතුරු දසාව

- මාස 11 දින 27කි.

හම ආශ්‍රිත රෝග වැළදීමට ඉඩ ඇත. යම්කිසි උදරාබාධ සැත්කම් ආදියට භාජනය විය හැක. විශේෂයෙන්ම අන් අය රැවටීමට හැකියාව ඇති කාලයකි. එසේම කරගෙන ආ වැඩකටයුතු වල යම් මන්දගාමි ස්වරූපයක් ඇතිවිමට ඉඩ ඇත. ආර්ථික දියුණුව පහතට වැටේ. මාස 11ක කෙටි කාලයක් වුවද වසර 2ක පමණ පසුබෑමක් සමහරවිට පුද්ගලයන්ගේ හඳහන් අනුව ඇතිවේ.

● බුධ මහ දසාවේ සිකුරු අතුරු දසාව

- වසර 02 මාස 10කි.

ඉතාමත්ම වාසනාවන්ත කාලයකි.  ව්‍යාපාර වස්තු වල දියුණුව සැලසෙන මෙම කාලයෙදි හවුල් ව්‍යාපාර කටයුතු වල දියුණුව ඇතිවේ. තමන් ඉතාම ජනප්‍රිය වේ. උරණ වී සිටි නෑදෑයන් මිත්‍රයන් තමන් කරා පැමිණෙන කාලයකි. විවාහ වන වයසේ අයට මෙම කාලයෙදි මංගල යෝග උදා වේ. ඉතාම හොද කාලයකි.

● බුධ මහ දසාවේ රවි අතුරු දසාව

- මාස 10 දින 06කි.

මෙම කාලයෙදි ජන්මියාගේ බුද්ධිය දියුණු වන අතර සමහර දේ උපාය මාර්ගිකව අත්පත් කරගැනීමට ජන්මියාට වාසනාව උදා වේ. ඉතාම බුද්ධි ගෝචරව කටයුතු කරන මේ කාලයෙදි ඉගෙන ගන්නා වයසේ අයට බොහෝ අධ්‍යාපනික ජයග්‍රහණ හිමි කරගැනීමේ භාග්‍යය පවති. පොදුවේ ගත්කල හොද කාලයක් වශයෙන් සදහන් කල හැක.

● බුධ මහ දසාවේ චන්ද්‍ර අතුරු දසාව

- අවු 01 මාස 05

මෙම කාලය තුල ජන්මියාට වනිතා පක්ෂයෙන් උදව් උපකාර ලැබේ. ඔවුන් සමග සංගම් වැඩිවේ. මෙම කාලයෙදි ඉතාම කෙලිදෙලෙන් සහ ප්‍රීතියෙන් සිටින බව කිව යුතුයි. කිසිම බරක්පතලක් නොතේරේ. හොද කාලයකි.

● බුධ මහ දසාවේ කුජ අතුරු දසාව

- මාස 11 දින 27

උප්පත්ති කේන්දරයේ ලග්නයට කුජ පාපියෙක්ව සිටියහොත් අභ්‍යන්තරික වශයෙන් ඉන්ද්‍රීය දුර්වලත්වය ඇතිවන්නට පුලුවන්. තවද ජන්මියාට හම ආශ්‍රිතව දූෂිත වන රෝග ඇතිවිය හැක. මෙම ග්‍රහයන් 2 යහපත්ව සිටි නම් විශාල ආදායම් මාර්ග ලැබීමට, ආර්ථික දියුණුවට උපායමාර්ගිකව විශාල දියුණුවකට වාසනාව පවති.

● බුධ මහ දසාවේ රාහු අතුරු දසාව

 - වසර 02 මාස 06 දින 18

මෙම කාලය තුලදී බුද්ධිමත්ව කටයුතු කිරිමට අපහසුතා ඇතිවේ. බුද්ධිය දුර්වල වේ. කලබල වේ. සමහරවිට උන්හිටිතැන් අතැර වෙනත් ප්‍රදේශවලට යෑමට සිත් වේ. ඒ අතරතුර විදෙස්ගතවීම්, විදේස රැකියා, විදේශ අධ්‍යාපනික කටයුතු වලට වාසනාවද හිමිවිය හැක. මෙය උප්පත්ති ග්‍රහචාරයේ බුධ සහ රාහුගේ තත්වය අනුව තීරණය වේ. එම ග්‍රහයන් 2 දුර්වල නම් බොහෝසෙයින් කරදර පැමිණිය හැක.

● බුධ මහ දසාවේ ගුරු අතුරු දසාව

- වසර 02 මාස 03 දින 06

මෙම කාලය ඉතාම යහපත් බව කිව යුතුය. දියුණුව ඇතිවේ. ධන-ධාන්‍ය තත්වය දියුණු වේ. ආර්ථික පදනම යහපත් වේ. එසේම සමාජයේ හොද පිලිගැනීමක් ඇතිවේ. විශේෂයෙන්ම කිව යුතුයි, පදවි - නිලතල - තාන්න මාන්න ලැබෙන සුභ කාලයකි.
අපගේ අත්දැකීමේ හැටියට මෙම ග්‍රහයන් 2 කුමන තත්වයක කේන්දරයේ සිටියත් මෙම කාලය ඉතා හොද කාලයක් බව කිව යුතුයි.

● බුධ මහ දසාවේ ශනි අතුරු දසාව

- අවු 02 මාස 08 දින 09

බුද මහ දසාවේ අවසාන අන්තර් දශාවයි. බුද්ධිමත්ව කටයුතු නොකලහොත් බුධ මහ දසාවේ අනිත් කාල වල ලබාගත් ශුභ පල මෙම කාලයෙදි නැතිවිමට පුලුවන්. එසේ නම් වස්තුව දේපල යාන වාහන , නිශ්චල චංචල දේපල සියල්ල ආදියයි.
ජන්මියා බුද්ධිමත්ව කටයුතු නොකලහොත් යම්කිසි ගැටළු සහගත තත්ව ඇතිවෙන කාලයකි. විමසීමෙන් සිටිය යුතු කාලයකි.


* මෙම සියලු කාරණා තම කේන්දර සටහන අනුව වෙනස් වීමට ඉඩ ඇත.

බුධ මහ දශාවේ හැටි - 1 ලිපිය

බුධ ග්‍රහයා ඔබ අප සියලුම දෙනා දන්නා ආකාරයට ඉතාම සෞම්‍ය ගුණෝපේත ග්‍රහ ලොව සුරතලා වශයෙන් විරුදාවලිය ලැබූ ග්‍රහයාය.
නවග්‍රහයන් අතර කුඩාම ග්‍රහ තාරකාව වන මේ ග්‍රහයා සූර්යාගේ ලගම ඉන්න ග්‍රහයෙක්. නිතරම සූර්යා සමග යෝග වෙන නිසා රවි-බුධ කියන ඒ යෝගය යෙදෙනව.

* බුධ ග්‍රහයා තමයි සුරතලා. කුඩා ළමයි නියෝජනය කරනව.
ඒවගේම දැන් අපිට ඉගෙනීම සම්බන්ධව බැලීමේදී ඒ කියන්නෙ අපේ දුවා දරුවන්ගේ සහෝදර සහෝදරියන්ගේ ඒවගේම අපේ, ඉගෙනීම ඒවගේම බුද්ධිය, මතක තබා ගැනීමේ ශක්තිය මේ ආදි සියලුම කාරණා වලට ප්‍රමුඛත්වයේ ලා සලකන කාරණය තමයි බුධ කියන්නෙ.
 යම්කිසි කෙනෙකුගේ බුධ බලවත් වීම, ඉගෙන ගැනීමට අධ්‍යාපන කටයුතු සාර්ථක කරගැනීමට ප්‍රධානම
හේතුවක්.

සමහරුන්ට මේ ලෝකෙ වැඩක් බෑ. කරපු මගුලකුත් නෑ. ඒකියන්නෙ රටේ ජනතාවට කරපු දෙයක් නෑ. හැබැයි ඉතින් කතා කරනකොට නම්, තව්තිසාව අල්ලේ මවල මිනිස්සුන්ට පෙන්වන්නේ, දේශපාලඥයන්ගේ කතා අහනකොට ඒක හොදට දැනිලා ඇතිනේ...

ඒ අයට බුධ ග්‍රහයා බලවත්.
● බුධ බලවත් කෙනා අනිත් කෙනාගේ සිත ඇදෙන විදියට කතා කරනව. ඒවගේම තමයි ඕනම බුද්ධිමතෙක්ව ගොනාට ඇන්දවීමේ බලය කතාවෙන් ඒකියන්නෙ, මේ පුද්ගලයන්ට තියෙනව.

* ඒකනේ ඔය නීතිඥයන්ගෙ රවි-බුධ එහෙම 2වෙනි කොටුවෙ ඉන්නෙ - ගොරක දඩමස් කරන්නත්, දඩමස් - ගොරක කරන්නත් මේ අයට පුලුවන්.
*  නිවේදකයන්ට, ඔය ප්‍රවෘත්ති කියන අය, එක එක ප්‍රසන්ටර්ස්ලා, මාධ්‍යවේදීයෝ මේ අයටත් බුධ බලවත්වීමෙන් ප්‍රසිද්ධිය පවා ලැබිල තියෙනව.
* බුධ ග්‍රහයා යම්කිසි කෙනෙකුගේ නරක විදියට පිහිටියොත් ඒ කියන්නෙ කුජ-බුධ වගේ යෝගයක් තිබුනොත්, එහෙම නැත්නම් කුජගෙන් 4වැන්නේ බුධ සිටියොත් ඒ අය හරිම කට්ටයි.
මේ වගේ කෙනෙක් නම් දේශපාලනේට ගියොත් ආයේ ස්විස් බැංකුවේ සල්ලි පුරවාවි කොහොම හරි මාටියා ගහල..
*  බුධ - ශනි යෝගය එකට හිටියොත් ඒ අය නපුංසක අය වෙන්න ඉඩත් තියෙනව. ඒ අයට ලිංගික ශක්තිය හීනයි. ඒ අය හුඟක් වෙලාවට ගෑණු ළමයි විදියට තමයි හැසිරෙන්නෙ. එහෙම තියෙන කේන්දරයක් පහුගිය කාලේ බැලුවා මතක ඇතිනේ,
(https://www.facebook.com/photo.php?fbid=303361476525530&set)

●● බුධ ග්‍රහයා හොඳ ග්‍රහයොත් එක්ක හිටියොත් හොඳ පල දෙනව වගේම, නරක ග්‍රහයන් එක්ක හිටියොත් නරක ඵල තමයි දෙන්නෙ.
ඒක හරියට පොඩි ළමයෙක් හොද අය එක්ක හිටියොත් හොදට හැසිරෙනවා, නරක අය එක්ක හිටියොත් නරක විදියට ඉන්නවා. අන්න ඒවගේ. ඒකයි බුධට පොඩි ළමයෙක් වගේ කියන්නෙ..

● බුධ මහ දශාව වසර 17ක් ඉදිරියට පවතින මහ දසාවකි. 
බුධ මහ දසාව කෙනෙකුට ලබන්නේ සෙනසුරු මහ දසාව අවසන් වීමෙන් අනතුරුවය. 
සෙනසුරු මහ දසාවේ ඇති කලාවූ මහා පීඩාකාරි තත්වයන් පරදා බුධ ග්‍රහයාගේ ශුභ සෙත සැලසෙන මෙම දසාව එම සෙනසුරු මහ දසාවෙන් පීඩාවිඳි අයෙකුට නම් ඉතාම සහනය ගෙන දෙන බව කිව යුතුය.

බුධ මහ දසාවේ අතුරු දසා විස්තරය ඇතුළු අනිකුත් විස්තර බලාපොරොත්තු වන්න.

සෙනසුරු මහ දසාවේ හැටි - 2

සෙනසුරු මහ දසාව ආරම්භ වන්නේ, ගුරු මහ දසාව අවසන් වූවායින් පසුවයි. එසේ නම්, එම මහ දසාව සුභදායකව සිටි ජිවන තත්වයකින් මිදී කටුක තත්වයට පැමිණීම ගැන නිරන්තරයෙන්ම ඔබට සිහියට නැගෙනු ඇත.
සෙනසුරු මහ දසාව වසර 19ක් තිස්සේ පවති. මෙම මහ දසාව පුද්ගලයාගේ පූර්ව ආත්ම වල අකුසල් පඩිසන් දීමේ යම් කාලයක් ලෙස ජ්‍යොතිෂ්‍යෙදිය හඳුන්වයි.
නමුත් සෙනසුරු මහ දසාව පුද්ගලයෙකුගේ ධෛර්යය, පෙරට යාමේ ගතිය, නොසැලෙන ගතිය ගැන යම්කිසි ප්‍රක්ෂේපණයක් ගැනීමට පුලුවන් කරයි.

සෙනසුරුගේ සෙනසුරු අතුරු දසාව.
අවු 03, මාස 0 දවස් 03
ඉතාම දුක්සහිත කාලයකි. කරන කියන කටයුතු අඩපණ වෙයි. ව්‍යාපාර කරන අයගේ ඒවා බංකොලොත් වෙයි. විවාහක අයගේ යුග දිවියට අයහපත් බලපෑම් ඇති කරයි. තවද නිශ්චල චංචල දේපල නැතිවිමට මේ කාලය බලපෑ හැක. එසේම සෙනසුරු නරක තැනක සිටිනවා නම් අතපය කඩා බිඳ දැමීමට පවා මේ ග්‍රහයා පසුබට නොවේ.

සෙනසුරුගේ බුධ අතුරු දසාව
අවු 02 මාස 08 දින 09
ඉතාම හොද කාලයකි. තිබුන අපල වල තරමටම තමාට යම් සහනයක් හිමිවෙයි. තමාගේ කටයුතු වලට යම් අස්වැසිල්ලක් ලැබෙයි. නවතා දැමූ ඉගෙනීම ආයෙත් ආරම්භ කරන කාලයකි. එසේම නවතා දැමූ ව්‍යාපාරික කටයුතු නැවත කරගෙන යාමට හැකියාව ලැබෙයි.

සෙනසුරුගේ කේතු අතුරු දසාව
අවු 01 මාස 01 දින 09
ඉතාම අයහපත්ය. බොහෝසෙයින්ම පීඩිතයි. මානසික ව්‍යාකූල භාවය ඇතිවෙයි. ශාරිරික දුබලතා ඇතිවෙයි. කායික බෙලහීනතාවය ඇතිවෙයි. ලිංගික රෝගද, බඩවැල් ආශ්‍රිතව ආහාර ජීර්ණ පද්ධතිය ආශ්‍රිත රෝග ඇතිවිය හැක. නින්දා ලැබේ. මහා මූසල කාලයකි.
රටතොට ජනප්‍රියව ප්‍රසිද්ධව සිටි අය පවා මේ කාලයෙදි ආගිය අතක් සොයාගැනිමට බැරිව සැගවි යයි.

සෙනසුරුගේ සිකුරු අතුරු දසාව.
අවු 03 මාස 02
මේ කාලය තිබුනාට වඩා එක් ආකාරයකට හොද කාලයකි. යම් අස්වැසිල්ලක් ලැබේ. පෙම් සබදතා නැවත ගොඩ නැගේ. එසේම විවාහ වීමට යම් අවස්ථාවක් ලැබෙයි. ප්‍රේම බන්ධන නැවත ඇතිවෙයි. නැතිවු ජනප්‍රියත්වය ක්‍රමානුකූලව නැවත ඇතිවෙයි . එසේම දියුණුව සම්බන්ධව යම්කිසි තීරණයකට එළඹීමට පුලුවන් කාලයකි.

සෙනසුරුගේ රවි අතුරු දසාව.
මාස 11 දින 12
තරමක අයහපත් කාලයක්. පියා සමග ගැටළු ඇතිවෙයි. සෞඛ්‍ය තත්වය අයහපත් වේ. ඇවිදිලි අධික වෙයි. පදිංචි ස්ථාන අතැර යාමට සිදුවේ. මුදල් අගහිගකම් මෙන්ම ණයතුරුස් නිසා නින්දා ඇතිවිය හැක. මානසික ආතතිය තදින්ම බලපායි.

සෙනසුරුගේ සදු අතුරු දසාව
අවු 01 මාස 07
ඉතාම කෙටි කාලයක් ලෙස ගත වෙන මේ කාලයේ මව්ට යම්කිසි අපල උපද්‍රව සිදුවේ. ඒරාෂ්ඨකයකට සමානයි. එසේම තමාගේ කටයුතු වලට යම් බලපැමක් ඇතිවෙයි. ඒ ගැන සැලකිලිමත් විය යුතුයි.
හදිසි අනතුරු වලින් පරිස්සම් විය යුතුයි. විශේෂයෙන්ම තරුණ වයසෙදි මේ දසාව යනවා නම් විශේෂයෙන්ම පිරිමි දරුවන් ඔවුන්ගේ කේන්දරයන් පරික්ෂා කල යුතුයි. නොදන්නා ස්ථාන වල දියනෑමෙදි මිය යෑමේ අවදානමක් පවති.

සෙනසුරුගේ කුජ අතුරු දසාව
අවු 01 මාස 01 දින 09
ශරීරයට තද වේදනා ගෙන දෙන තුවාල ඇතිවෙන කාලයකි. ලේ කෝප වෙයි. අසාත්මිකතා ඇතිවෙයි. සිතට කේන්තිය පාලනය කරගැනීමට ඉතාම අමාරු කාලයකි. ඔබගේ විවාහ කටයුතු වලදී අයහපත් විදියට බලපායි. දෙදෙනා අතර සමගියට බාධා ඇතිවේ. ප්‍රබල බලපෑම් ඇත.

සෙනසුරුගේ රාහු අතුරු දසාව
අවු 02 මාස 10 දින 06
තදබලව ඇවිද්දවන කාලයකි. සමහරවිට විදේශ රටවල ඇවිද්දවයි. නමුත් මෙහි හොද නම් සෙනසුරු ගෙවෙන කාලයක් නිසා දියුණුවට යම් මංපෙත් විවර විමයි. නිවසේ නම් සිටිමට ඒ තරම් කාලයක් හිමි නොවෙයි. බුද්ධිමත්ව කටයුතු කලොත් මේ කාලය ඇතුලත යම්කිසි ජිවිතයේ විශාල දියුණුවකට හිමිකම් කිව හැක. තවද විශේෂිත පුද්ගලයන් මුණ ගස්වයි.

සෙනසුරුගේ ගුරු අතුරු දසාව
අවු 02 මාස 06 දින 12
මෙම කාලය ඉතාම හොදයි. මේ කාලය පටන් ගත්තා කියන්නේ සෙනසුරු මහ දසාව අවසන් වූවා හා සමානයි. මෙම කාලයෙදි නැවත නැගිටිමට පුලුවන්. එසේම මිල මුදල් තත්වය ගැන සුභදායක බලාපොරොත්තු ලැබෙයි. එසේම බොහෝසෙයින්ම තමන්ගේ අනාගතයට යම් හොද බලාපොරොත්තු ඇතිවී ඒ තුලින් වාසනාව ලැබෙයි.

** අප මේ මහ දසාව තුලින් සදහන් කරන්නේ සෙනසුරු මහ දසාවෙදි පුද්ගලයෙකුට බලපාන පොදු පලාපල විස්තරයකි. පුද්ගලයාගෙන් පුද්ගලයාට කේන්දර වල ඇති ශනිගේ සහ අන් ග්‍රහයන්ගේ විචල්‍යභාවය නිසා මෙම තත්ව යම්කිසි වෙනස් ආකාරයකට ප්‍රතිඵල දීමේ හැකියාවක් ඇත. එසේ හෙයින් ගතානුගතිකව මේවායේම එල්වාගෙන නොසිට කේන්දර පරික්ෂා කරවාගෙන මේ ගැන තීරණ ගැනිම පාඨක ඔබට භාරයි.
මන්ද අපගේ ලිපි කියවන සමහරක් අය, අපට කේන්ද්‍ර උගන්වීමට පටන් ගනී - ගොන් තර්ක ගෙනෙයි. ඔවුන්ගේ කාලයද අපගේ කාලයද විනාශ කරගනී. නමුත් බුද්ධිමත්ව යම්කිසි කටයුත්තකට කතා කරන්නේ නම් යම් දෙයක් කියාදීමටද අප පසුබට වන්නේද නැත. බුද්ධියෙන් විමසා කටයුතු කරන්න.

සෙනසුරු මහ දසාවේ හැටි - 1

සෙනසුරු මහ දසාව ආරම්භ වන්නේ, ගුරු මහ දසාව අවසන් වූවායින් පසුවයි. එසේ නම්, එම මහ දසාව සුභදායකව සිටි ජිවන තත්වයකින් මිදී කටුක තත්වයට පැමිණීම ගැන නිරන්තරයෙන්ම ඔබට සිහියට නැගෙනු ඇත.
සෙනසුරු මහ දසාව වසර 19ක් තිස්සේ පවති. මෙම මහ දසාව පුද්ගලයාගේ පූර්ව ආත්ම වල අකුසල් පඩිසන් දීමේ යම් කාලයක් ලෙස ජ්‍යොතිෂ්‍යෙදිය හඳුන්වයි.
නමුත් සෙනසුරු මහ දසාව පුද්ගලයෙකුගේ ධෛර්යය, පෙරට යාමේ ගතිය, නොසැලෙන ගතිය ගැන යම්කිසි ප්‍රක්ෂේපණයක් ගැනීමට පුලුවන් කරයි.

සෙනසුරු දුකට සහ එම අවබෝධයට අධිපති ග්‍රහයාය. පුද්ගලයාගේ කටුක ජිවන රටාව, දුක, කඳුල, අධිෂ්ඨානශීලි බව, ඔරොත්තු දීම යන ගුණාංග පෙන්වන්නෙ සෙනසුරුය.
සෙනසුරුට අයත් දිශාව දකුණු දිශාවයි. ශනිට අයත් පාට තද නිල් පාටයි. සෙනසුරුගේ වාහනය කපුටා වෙයි.

මහ දසා කාලය තුලදී බෝධි පූජා පැවැත්වීම, විෂ්ණු දෙවියන්ට භාරහාර වීම, යාචකයන්ට සංග්‍රහ කිරිම, එසේම ශනි දින නිරාහාරව සිට/උපවාසයෙන් යාචකයන්ට දානය දීම අපල දුරුවීමට ප්‍රධාන හෙතුවකි.
නීල මණ්ඩල යන්ත්‍රය මහ දසාවටත්, සෙනසුරු ඒරාෂ්ඨක සමග යෙදුනු කල ශනි මාතුංජයක් කරගැනිමට හේතුයි. එයින් අසුබ පල අඩුවි සුඵ පල වැඩිවේ. එසේම මරණයට කැපවූ ගවයන් නිදහස් කිරීමත් ඉතාම හොදයි.
විිශේෂ තත්වයක් නම් බොහෝදෙනා උනන්දු වන මාතෘකාවක් වන දේශපාලන කටයුතු වලදි සෙනසුරුගෙන් ලැබෙන බලය ගැන අමුතුවෙන් කිවයුතු නැහැ. මන්ද මහජනතාව නියෝජනය කරන්නේද සෙනසුරු ග්‍රහයාය.
යම්කිසි කේන්දරයක සෙනසුරු උච්ච ස්වක්ෂෙත්‍රව යහපත්ව තැන්පත් වුවොත් ඔහුට මහජන බලය ලැබෙන්නෙ නිරායාසයෙනි.
රණසිංහ ප්‍රේමදාස හිටපු ජනාධිපතිතුමාද එවන් කෙනෙකි. ඔබත් පරික්ෂා කරගෙන බලන්න.

මෙම දසාව තුලදී බොහෝ දේවල් අසාර්ථක වීම මෙන්ම සමහරවිට ගුරු මහ දසාවට වඩා හොඳින් දියුණු වීමටද අවස්ථාව ඇති.
සෙනසුරු ග්‍රහයා කල් අල්ලන රෝග සාදයි. සුව වන්නේ ඉතාම හෙමිනි. සෙනසුරු මහ දසාවේ මුල් කාලයේ ප්‍රවේසම් වුවහොත් ඔහුට දියුණු විමේ හැකියාව ඇත.

සිකුරු මහ දසාව සහ පලාපල - 2

ග්‍රහලොව මනාලිය යනුවෙන් හඳුන්වන සිකුරු හෙවත් ශුක්‍ර ග්‍රහ තාරකාව ජ්‍යොතිෂ්‍යයට අනුව පුද්ගලයෙකු බලපෑම් ඇති කරන්නේ කෙසේද ?

සිකුරු ග්‍රහයා මනුෂ්‍යයාගේ ලෞකික ජිවිතයේ සුඛ විහරණය සහ කාම සම්භෝගය ප්‍රධාන වශයෙන්ම නිවේදනය කරයි. එසේම සත්‍යවාදි බව, අලංකාර බව, පිරිසිදුවට සිටීමට කැමති බව ශෘංගාරාත්මක බව ඇති කරන්නෙ සිකුරු ග්‍රහයාය.

1 ලිපිය -
https://www.facebook.com/photo.php?fbid=369657676562576&set=

සිකුරු මහ දසාව ගත වන්නේ කෙසේද ?

සිකුරු මහ දසාව වසර 20ක් පවති. මෙම සිකුරු මහ දසාවේ එක් එක් කාල වල පුද්ගලයෙකුට ඇති කරන්නාවු තත්වය කෙසේද කියා අප බලමු.

ලෞකික ජිවිතයේ සියලුම අංශ විනෝදාස්වාද නියෝජනය කරන්නේ සිකුරුය. සිකුරු මහ දසාවෙදි කෙනෙකුට යාන වාහන, ඉඩකඩම් මෙන්ම විවාහයට සුදුසු වයසේ සිටින්නේ නම් එම කටයුතුද සාර්ථක වෙයි.
එසේම යහපත් විවාහයක් සිදු කිරීම කෙරෙහි සිකුරු ඉතාම යහපත් බලපෑමක් සිදුකරයි. ඔබ මගතොටේදි දැකල ඇති හිටි හැටියෙ පෙනුම ඇවිත් ලස්සන වෙන සමහර උදවිය....
කීමටත් කියනවානේ සිකුරු ලබල කියල...

●   සිකුරු මහ දසාවේ සිකුරු අතුරු දසාව - වසර 3 මාස 04

මෙම කාලයෙදි ඉඩකඩම් යාන වාහන ලැබෙන අතර, තත්වය උසස් වේ. විශේෂයෙන්ම රැකියා කටයුතු දියුණු වෙයි. විවාහ වීමට සිටින අයෙකුට නම් විවාහය සිදුවේ. විවාහ වී සිටින අයගේ අඹුසැමි ප්‍රේමය වර්ධනය වේ. වාසනාවන්ත දරු උපත් සිදුවන්නේද මෙම කාලයේදීය.

●   සිකුරු මහ දසාවේ රවි අතුරු දසාව - වසර 01

උරුමහරුමකම් ලැබෙන අතර කාමාශාව ප්‍රබල වෙන කාලයකි. ලොකු වරදක් නැත, රවිට කේන්දරයේ නරකට සිටියොත් අක්ෂි රෝග සාදයි.

●   සිකුරු මහ දසාවේ සඳු අතුරු දසාව - වසර 01 මාස 08

සැපයෙන් සැහැල්ලුවෙන් සිටින කාලයකි. මෙම කාලයේදීද මංගල යෝග ප්‍රබල වෙයි. විදේශ චාරිකා ආදිය, විනෝද ගමන් බහුල වෙන කාලයකි. එසේම ආර්ථික වශයෙන් දියුණුව ඇතිවේ.

●   සිකුරු මහ දසාවේ කුජ අතුරු දසාව - වසර 01 මාස 02

කාය ශක්තිය වැඩිවෙන කාලයකි. කම්සැප ඇතිවෙන කාලයකි. අනියම් කම්සැප පවා ලැබේ. එසේම ඒ අංශයේ සියලු කාරණා සාර්ථක වෙයි. නරකට පිහිටා තිබ්බොත් විශේෂයෙන්ම කාන්තා පාර්ශවයට හැඟීම් වලට වහල් වී ජිවිතය අඳුරු කරගැනීමට පවා ඉඩ තිබේ.

●   සිකුරු මහ දසාවේ රාහු අතුරු දසාව - වසර 03

මෙම කාලය නම් එතරම් යහපත් කාලයක් යැයි සඳහන් කිරිමට නොහැක. මන්ද මෙම ග්‍රහයන් 2නාගේ ස්වභාවයන් ගැන සැලකීමේදී දෙදෙනාම දෙවිදියකට කටයුතු කරන නිසාය. වැඩිහිටි ඥාතියෙකුට කරදර වේ. මෙම කාලයෙදි විදේශ ගතවිම යහපත් වන අතර, අමුතු අමුතු දේවල් සිත් සතන් වලට එයි. ඒ ගැන කල්පනාකරගත යුතුය.
තවද විශේෂ වශයෙන්ම ගත්කල ඥාතින් සමග උරණ වීමට හේතුවිය හැක. ලෙඩ රෝග ගැන සැලකිලිමත්කමෙන් සිටිය යුතුය.

●   සිකුරු මහ දසාවේ ගුරු අතුරු දසාව - වසර 02 මාස 08

මෙම කාලයෙදි පුද්ගලයාගේ දියුණුව ඇතිවෙයි. එනම් භෞතික දියුණුව යාන වාහන, ඉඩකඩම්, ගෙවල් දොරවල් ආදි දියුණුව ඇතිවේ. රැකියා නිලතල වලින් උසස් වෙයි. යහපත් පුද්ගලයන් ආශ්‍රයට ලැබෙයි. හොද දුවාදරුවන් ලැබෙයි. සත්පුරුෂයන්ගේ ආශ්‍රය ලැබෙන වාසනාවන්තම කාලයකි.

●   සිකුරු මහ දසාවේ සෙනසුරු අතුරු දසාව - වසර 3 මාස 02

මෙම කාලයෙදි තරමක පිරිහීමක් පෙන්වන අතර, කලකිරීම් ඇතිවිය හැක. රැකගත් ධනය නිකරුනේ වැයවීමට ඉඩ තිබේ. ශරීර සෞඛ්‍ය හීන වීමට පුලුවන. විශේෂයෙන්ම මානසික ආතතිය, කලකිරිම ආදිය ඇතිවිය හැක. එතරම් යහපත් කාලයක් ලෙස සදහන් කල නොහැක.

●   සිකුරු මහ දසාවේ බුධ අතුරු දසාව - වසර 2 මාස 10

ඉතාම හොද කාලයකි. ලෙහෙසියෙන් පහසුවෙන් තමාගේ කටයුතු කරගැනීමට පුලුවන් වේ. ඉගෙනීමේ කටයුතු දියුණු වෙයි. විශේෂයෙන්ම හොද කාලයකි. සෙනසුරු අතුරු දසාවේ සිදුවු අයහපත් තත්වය මගහැරෙයි.

●   සිකුරු මහ දසාවේ කේතු අතුරු දසාව - වසර 01 මාස 02

මේ කාලය එතරම් යහපත් නොවන අතර තමාගේ කටයුතු වලට බාධක ඇතිවෙන කාලයකි. යක්ෂ ප්‍රේත භය ඇතිවිමට පුලුවන. කරන කියන කටයුතු වල දුර්වලකම් ඇතිවෙන කාලයකි. හොදක් වෙන්නේ කලාතුරකිනි. ජන්ම කේන්දරයේ බලවත් නම් සහ නිසි ශාන්ති කර්ම අනුව සිටිමෙන් යහපතින් සිටිය හැක.

සිකුරු මහ දසාව සහ පලාපල - 1

ග්‍රහලොව මනාලිය යනුවෙන් හඳුන්වන සිකුරු හෙවත් ශුක්‍ර ග්‍රහ තාරකාව ජ්‍යොතිෂ්‍යයට අනුව පුද්ගලයෙකු බලපෑම් ඇති කරන්නේ කෙසේද ?

සිකුරු ග්‍රහයා මනුෂ්‍යයාගේ ලෞකික ජිවිතයේ සුඛ විහරණය සහ කාම සම්භෝගය ප්‍රධාන වශයෙන්ම නිවේදනය කරයි. එසේම සත්‍යවාදි බව, අලංකාර බව, පිරිසිදුවට සිටීමට කැමති බව ශෘංගාරාත්මක බව ඇති කරන්නෙ සිකුරු ග්‍රහයාය.

●   යම්කිසි කෙනෙකුගේ ජන්ම පත්‍රයේ සිකුරු ග්‍රහයා බලවත්ව සිටිම, එසේ නම් උච්චව, ස්වක්ෂෙත්‍රව සිටිම ඔහුට හෝ ඇයට මහා සැප සම්පත් ඇති කරන යෝගයකි. එය ඉතාම ප්‍රබල තත්වයක් වශයෙන්ද හඳුන්වයි.
* සිකුරු ස්වක්ෂෙත්‍රව වෘෂභයේ පිහිටීම - “ විෂ්ණු යෝගයයි“
* සිකුරු උච්චව මීනයේ පිහිටීම -  “ මහෞෂධ යෝගයයි“
මෙසේ උච්ච හෝ ස්වක්ෂෙත්‍ර වන්නේ 1, 4, 7, 10 තැනක නම් එය “මාලවී යෝගයයි“. පංච මහා පුරුෂ යෝගයක් වන රාජ යෝගයකි.
* එම මාලවී යෝගය සුපිරි සනත් ජයසූරියට, ලක් සිනමාවේ රැජිණිය ලෙස හඳුන්වන මාලිනී ෆොන්සේකාට, ලංකාවෙ හිටපු ජනනායකයෙකු වූ ඩී.බී ජයතිලකයන්ට, නිදහස් ඉන්දියාවේ මුල්ම අගමැති ශ්‍රී ජවහල්ලාල් නේරුතුමාට සහ ලෝකයේම ආදරය දිනාගත් සුප්‍රසිද්ධ ඩයනා කුමරියට තිබී ඇත.

●  එසේ ග්‍රහ පිහිටිම තිබෙන අයට යාන වාහන, ගෙවල් දොරවල්, යහපත් ස්වාමිපුරුෂයෙක්/භාර්යාවක්, සැපෙන් පිරුණු ජීවිතයක් හිමිවේ.
නමුත් ඒ සදහා සිකුරු ග්‍රහයා දුෂ්ට ග්‍රහයෝග වලින් පාප පීඩිත නොවී තිබිය යුතුය. පාප පීඩිත වුවහොත් එම ග්‍රහ බලය අවම වේ.

●   එසේම සිකුරු ග්‍රහ තාරකාව යම් කෙනෙකුගේ කේන්දරයේ නීච නම් ඔහුට හෝ ඇයට ලෞකික සැප සම්පත් හා ඉහත කී යම් යම් දේ ලබාගැනීමේ ප්‍රබල දුෂ්කරතාවයන් පවති.
* සිකුරුට අයත් රාශි 2ක් විශ්වයේ ඇත.
සිකුරුට හිමි තුලා රාශිය සිකුරුගේ දිවා බල රාශියයි. සිකුරුගේ රාත්‍රි බල රාශිය වන්නේ වෘෂභ රාශියයි.
* සිකුරු ග්‍රහයා උච්ච වන්නේ මීන රාශියේදීය. එසේම එයින් 7 වැනි රාශියේ එනම් කන්‍යා රාශියේ සිකුරු ග්‍රහයා නීච තත්වයට පත්වෙයි.

* සිකුරු ග්‍රහයා දුර්වල වීම නිසා ශර්කරා රෝග, ශරීරයට සැපය වැඩිවිම නිසා ඇතිවන රෝග සහ මුත්‍රා ආබාධද ප්‍රධාන වෙයි.

●   විශේෂයෙන්ම කෙනෙකුගේ ප්‍රජනන ශක්තියට සිකුරු ග්‍රහයා ඇති කරන බලපෑම අති විශාලය.

*  සිකුරු ග්‍රහයා දුර්වල පුරුෂයෙකුට ලිංගික ප්‍රාණවත් වීම එසේම ලිංගික සම්බන්ධතා වලට අවශ්‍ය වන එම හෝමෝන ශ්‍රාවයන් ශ්‍රාවය නිවරදිව නොවිම  ආදිය පවති.
තවද සහකාරිය තෘප්තියට පත්කිරීමේ හැකියාව අඩුය. එමනිසා විශේෂයෙන්ම මේ අඩුපාඩුකම් තිබේ.
එසේම ගැහැණු කෙනෙකුට නම් ඊට හාත්පසින්ම වෙනස් දේවල් සිදුවේ.

* ස්ත්‍රියකට විශේෂයෙන්ම සිකුරු ග්‍රහයාගෙ බලපෑම අයත් වන්නේ, කාන්තාවකගේ ලිංගික උද්දීපනයට, එසේම ශරීරයේ සිදුවෙන ඊස්ට්‍රජන් හොමෝනයට එසේම ආදරය, කරුණාව වැනි ආධ්‍යාත්මික මානුෂීය ගුණ ධර්ම වලට මෙම ග්‍රහයාගේ බලපෑම ඇත.

ඔබගේ කේන්දරයේද සිකුරු සිටින තැන අනුව, මේ ආකාරයට කල්පනා කර බලන්න සිකුරු ඉන්නා තැන අනුවද කල්පනා කර බලන්න.

සිකුරු මහ දසාව සහ එහි පලාපල ඊලග ලිපියෙන්.
_______________________________________

ගුරු මහ දසාව - අතුරු දසා වල පලාපල - 2

නවග්‍රහයන් අතරේ, ශුභ පල දෙන හා විශ්වාසයෙන් යුතු හා විශ්වාස කල හැකි එකම එක සුභ ග්‍රහයා වන ගුරු හෙවත් බ්‍රහස්පති ග්‍රහයා සම්බන්ධව අද විමසා බලමු.

* මෙම මහ දසාව වසර 16ක් පුරාවට පවතී.
පුද්ගලයෙකුට අවශ්‍ය මනා පෞරුෂය සහ සත්‍යවාදි බව, සිල්වත් ගුණවත් බව සහ අනුකම්පා සහගත බව එසේම ලෞකික ජිවිතයේ අවශ්‍ය කරන සකලවිධ සැප සම්පත්, උසස් පිලිගැනීම් සහිත ජිවිතය ලබාදෙන්නේ ගුරු ග්‍රහයාය. 

ප්‍රසිද්ධ පැවිදි උතුමන්ද, විවිධ පූජකවරුන්ද, උපදේශකවරුන්ද ගුරු බලවත් වූවෝ වෙති.

මෙම මහ දසාව ගත වෙන අයුර අප දැන් සලකා බලමු.

● ගුරුගේ ගුරු අතුරු දසාව - වසර 2 මාස 1 දින 18

ඉතාම ශුභ කාලයකි.
සැප සම්පත් ලැබෙන අතර සමාජයේ ඉහල පිලිගැනීමක් ලැබෙයි. සියලුම කරදර නිමාවෙන කාලයකි. සුඛෝපභෝගි ජිවිතයක් හිමිවෙයි. ශරීර සෞඛ්‍ය යහපත් වෙයි. පුත්‍ර ලාභ බලාපොරොත්තු වන අයට එම පැතුම් ඉටු වෙයි. ඉගෙනීමේ කටයුතු වැඩි වර්ධනය වෙයි. 

● ගුරුගේ ශනි අතුරු දසාව - වසර 2 මාස 6 දින 12

මේ කාලය තරමක ශුභපල වල පොඩි අඩුවීමක් පෙන්නුම් කරයි.
නමුත් ග්‍රහයන් 2ම කේන්දරයේ බලවත් නම් එම දෝෂය මගහැරේ. කෙසේ වෙතත් හොද දේ නම් ඉගෙනීමට හිත යොමුවීම, භූමිය සම්බන්ධ කටයුතු කිරිම එසේම මුලදි මහන්සියෙන් අමාරුවෙන් පටන් අරන් ඉදිරියට දියුණු වන දේවල් වලට ආයෝජන කිරිම සහ ශාරිරිකව මානසිකව ඒ වෙනුවෙන් කැපවීමේ මේ කාලයෙදි හොදයි.

● ගුරුගේ බුධ අතුරු දසාව - වසර 2 මාස 3 දින 06

මේ කාලයෙදි විශේෂයෙන්ම ඉගෙනීමේ කටයුතු වලට දියුණුවක් ලැබෙයි. ඥානය සහ බුද්ධිය මෙහෙයවා කරන සියලුම කටයුතු සාර්ථක වෙයි. එසේම ආර්ථික තත්වය යහපත් වෙයි.
ඉගෙන ගන්නා වයසේ සියලුම දුවාදරුවන්ට හොද කාලයක්. නැන්දලා මාමලාගෙන් දියුණුවට අති විශේෂ සහයෝගයක් ලැබෙයි.

● ගුරුගේ කේතු අතුරු දසාව - මාස 11 දින 06

තරමක ශුභාශුභ මිශ්‍ර කාලයකි.
පතල් කැණීම්, පොලව සම්බන්ධ දේ කිරිමෙන් ධනවත් විමට පුලුවන්. ගුප්ත ශාස්ත්‍රිය කටයුතු වලින් දියුණුවක් ලැබිය හැක. එම කටයුතු ඉගෙනීමටද හැකියාවක් ලැබෙයි.
ගුරු සහ කේතු කේන්දරේ අයහපත් නම් කලාතුරකින් ශල්‍යකර්ම වලට භාජනය වීමට හැක - විශේෂයෙන්ම එය කාන්තාවන්ට බලපායි.

● ගුරුගේ සිකුරු අතුරු දසාව - වර්ෂ 2 මාස 8

තවත් එක වාසනාවන්ත අතුරු දසාවකි.
ගුරු මහ දසාවේ මධ්‍ය කොටසෙදි පටන් ගන්නා මේ කාලය හේතුවෙන් පුද්ගලයා අතිශයින්ම දියුණුවට පත්වෙයි. එසේම දියුණුවෙන් දියුණුවටම පත්වෙයි.
සුඛෝපභෝගි වාහන ලාභයද උසස් විවාහයද මෙම කාලයෙදි සිදුවෙයි.

● ගුරුගේ රවි අතුරු දසාව - මාස 09 දින 18

පියාගේ උරුමහරුමකම් ලබන අතර, සමාජයේ පිලිගැනීමට ලක්වී ඉහල තත්ව වලට ලක්වෙයි.
දේශපාලන ක්ෂෙත්‍ර වල සිටින අයට මෙය හොදයි - රවි උච්චව සිටියොත් එසේම වේවි. නරක කාලයක් නොවෙයි.

● ගුරුගේ සදු අතුරු දසාව - අවු 1 මාස 4

විශේෂයෙන්ම මේ කාලයෙදි ජනප්‍රියත්වය ඇතිවෙයි.
මංගල යෝග ක්‍රියාත්මක වෙයි. දූවරුන් බලාපොරොත්තු වෙනවා නම් පින්වත් දූවරුන් ලැබෙයි. හොද කාලයකි. කරදරයක් නොමැත. 

● ගුරුගේ කුජ අතුරු දසාව - මාස 11 දින 06

මේ කාලය දේශපාලන ක්සෙත්‍රයේ අයට හොදයි.
බලය සහ කීර්ති නාමය දිගටම ලැබෙයි. මෙම දෙදෙනාම බලවත් බැවින් ලෞකික දියුණුව දිගටම ලැබේ. භූමි ලාභ සහ වාහන ලාභ ලැබේ. නව වෙලද ව්‍යාපාර ඇරඹීමට සුභ කාලයකි.
යහපත් කාලයකි.

● ගුරුගේ රාහු අතුරු දසාව - වසර 2 මාස 4 දින 24

මේ කාලයෙදි දියුණුව උදෙසා විදෙස් ගතවිම සිදුවේ.
එසේම දුරබැහැර ගමන් බිමන් යෙදෙන අතර වන්දනා ගමන්ද යෙදේ. ආගම දහම දැඩිව සිත නැඹුරු වන අතර ඒවා වෙනුවෙන් දුරබැහැරට යාමටද සිදුවෙයි. ස්වාමින් වහන්සේලාට මේ කාලයෙදි ධර්ම ප්‍රචාරක කටයුුතු වලට සහභාගි විමට පුලුවන. 

_______
‍

ගුරු මහ දසාව සහ පලාපල - 1

නවග්‍රහයන් අතරේ, ශුභ පල දෙන හා විශ්වාසයෙන් යුතු හා විශ්වාස කල හැකි එකම එක සුභ ග්‍රහයා වන ගුරු හෙවත් බ්‍රහස්පති ග්‍රහයා සම්බන්ධව අද විමසා බලමු.

*  ගුරු 1 වැන්නේ, 11 වැන්නේ සිටීම බොහෝ යහපත් තත්වයකි.
* ගුරු උච්ච වීමෙන් ජයසිඳු යෝගයද ගුරු ස්වක්ෂෙත්‍ර වීමෙන් භූමිපාල යෝගයද යෙදේ.
*  ගුරු එසේ බලවත් වන්නේ 1, 4, 7, 10 තැනක නම් එය “ගුරු හංස යෝගය“ නම් පංච මහා පුරුෂ යෝගයයි.
*  ගුරු - සඳු සප්තම දෘෂ්ඨි ලැබීමෙන් ගජකේශරී යෝගය යෙදේ.

● 2, 11 වැන්න යන තැනක ගුරු සිටීම බොහෝ යහපත්ව දක්වා ඇති අතර 1,4,7,10 මෙන්ම 9 වැන්නටද ගුරු යහපත්ය.  12 වැන්නටද එතරම් අයහපත් නැත.
● 3, 6, 8 යන ස්ථාන වලට ගුරුගෙන් එතරම් යහපතක් නැත.
6 වැන්නේ සිටීමෙන් සහකරුගේ දෙමාපියන් තමන්ට තම දෙමාපියන් මෙන් සලකයි. 8 වැන්නේ ගුරු ශාන්ත මරණයකට ඉඩ ලබාදේ.
● කෙසේ වුවද යම් තැනක පිලිගැනෙන පරිදි 3, 6, 8 යන ස්ථාන වල ගුරු ගමන් කිරීම හදිසි අනතුරු වලට හේතුවිය හැක.
* විශේෂයෙන් අසුභ දෘෂ්ඨි වලින් ගුරු පාප පීඩිත නම් මේ තතත්වය සිදුවේ.
ඒනිසාම ශනි, රාහු - කේතු සමග ගුරු/බ්‍රහස්පතීගේ තත්වයද පරික්ෂා කරවා ගැනීම වටී.

* මෙම බ්‍රහස්පතී මහ දසාව වසර 16ක් පුරාවට පවතී.

පුද්ගලයෙකුට අවශ්‍ය මනා පෞරුෂය සහ සත්‍යවාදි බව, සිල්වත් ගුණවත් බව සහ අනුකම්පා සහගත බව එසේම ලෞකික ජිවිතයේ අවශ්‍ය කරන සකලවිධ සැප සම්පත්, උසස් පිලිගැනීම් සහිත ජිවිතය ලබාදෙන්නේ ගුරු ග්‍රහයාය.
ප්‍රසිද්ධ පැවිදි උතුමන්ද, විවිධ පූජකවරුන්ද, උපදේශකවරුන්ද ගුරු බලවත් වූවෝ වෙති.

* ගුරු මහ දසාවේ අතුරු දසාවල පලාපල ගැන ඊලග ලිපියෙන් බලමු.

කේතු මහ දසාවේ පලාපල - 2

* කේතු මහ දසාවෙදි පුද්ගලයෙකුට හිමි වන පොදු පලාපල මෙසේය.

● කේතුගේ මහ දසාවේ කේතු අතුරු දසාව - මාස 4 දින 27

එම මහ දසාව තුල පුද්ගලයා ශරීර ශක්තියෙන් දුර්වල වීම, කරන කියන කටයුතු කඩාකප්පල් වීම, යක්ෂ ප්‍රේත උපද්‍රව වලට ගොදුරුවීම ආදිය සිදුවෙයි.

● කේතු මහ දසාවේ සිකුරු අතුරු දසාව - අවු 1 මාස 2කේතුගේ කේතු අතුරු දසාව තරම්ම නරක නොවේ. නමුත් සමහරවිට කාන්තාවන්ට නම් ගර්භාෂය ආශ්‍රිතව සහ මුත්‍රා අමාරුද, පුරුෂයන්ට කාන්තාවන්ගෙන් යම් හිරිහැරද, ශුක්‍ර ධාතුව හීන වීම ආදි රෝගද ඇතිවිමට පුලුවන.

● කේතු මහ දසාවේ  රවි අතුරු දසාව - මාස 4 දින 06
අක්ෂි ආබාධ සහ උෂ්ණාධික රෝග, ලේ විෂවීම් ආදියද ඇතිවිමට පුලුවන.

● කේතු මහ දසාවේ සදු අතුරු දසාව - මාස 7
ලෙඩ රෝග ඇතිවිම, මව්ට අසනීප වීම, තමන්ටද සෙම් වැනි රෝග ඇතිවිය හැක. කුඩා දරුවන්ට සමහරවිට වලිප්පුව වැනි දරුණු රෝග ඇතිවිමට පුලුවන.

● කේතු මහ දසාවේ කුජ අතුරු දසාව මාස 4 දින 27
මේ කාලය ඇඟේ ලේ කෝපවන, ලේ විෂවන කාලයකි. කලකෝලහල වලට ගොදුරු වෙයි. ශරීර ශක්තිය හීන වෙයි. අජීර්ණයට පත්වෙන රෝගද ඇතිවිමට ඉඩ ඇත.

● කේතු මහ දසාවේ  රාහු අතුරු දසාව - වසර 1 දින 18
මෙම කාලයෙදි යක්ෂ ප්‍රේත බය මෙන්ම, විසකුරු සර්පයන්ගෙන්, සතුන්ගෙන් පවා හානි සිදුවිමට ඉඩ ඇත. සිහි විකලයෙන් මෙන් කල්පනාව අඩුවෙන් වැඩ කිරිමට කටයුතු කරන කාලයක් විය හැක. රැකියාව අහිමි විය හැක. විවාහය ගත කරන අයට බොහෝ ගැටළු උපද්‍රව වලට මුහුණ පෑමට සිදුවිය හැක.
තවද යම් ආකාරයකට අවුල් වියවුල් ඇතිවේ.

● කේතු මහ දසාවේ ගුරු අන්තරය මාස 11 දින 06
මෙය හොද කාලයකි. විශේෂයෙන්ම කරන කියන කටයුතු සාර්ථක වී දියුණුවද ඇතිවෙයි. එසේම ඉගෙන ගන්නා ළමයින්ට හොදයි. නැති වී ගිය සියලුම දේවල් යම් ආකාරයකට එකලස් වීමට පුලුවන්.

● කේතු මහ දසාවේ සෙනසුරු අතුරු දසාව - වර්ෂ 1 මාස 01 දින 09

මේ කාලය  ඉතාම අශුභ කාලයකි. විවිධාකාරයෙන් කරදර උපද්‍රව මෙන්ම විවිධ වූ ප්‍රශ්න උපද්‍රව ඔබගේ ජිවිතයට පැමිණීමට පුලුවන. නරකම කාලයකි.

● කේතු මහ දසාවේ බුධ අන්තරය - මාස 11 දින 27කි.

මේ කාලය ඔබට කිසියම් ආකාරයකට හොද කාලයකි. එය ඉතාමත්ම හොද වන්නේ, ඔබගේ උනන්දුව සහ උත්සහය මතය. ඉගෙන ගන්නා දරුවන්ට හොද බව කිව යුතුය. ලොකු වරදක් නොමැත. 

කේතු ග්‍රහයාගේ මහ දසාවේ පලාපල !

කේතු ග්‍රහයා, ග්‍රහ ලොව ලෙඩා වශයෙන් හඳුන්වයි. එනම් මන්දගාමි ග්‍රහයෙක් බව ජ්‍යොතිෂ්‍යයේ දැක්වේ. රාහු ග්‍රහයා සියල්ලම වේගවත් කරන අතර කේතු ග්‍රහයා සියල්ලම හකුලා තබයි.

ජ්‍යොතිෂයේදි කේතුට කුජ මෙන් යැයි කියා ඇත. එනම් “කුජ වන් කේතු “ යනුවෙනි.

● කේතුගේ මහ දසා කාලය සහ කුජගේ මහ දසා කාලය සමානය. එනම් වසර 7කි.

කේතු මහ දසාව මුළුමනින්ම වසර 7ක් වන බැවින්ද, කේතු සාමාන්‍ය ලෙස දුර්වල ග්‍රහයෙක් බැවින්ද, 3 වැන්න, 11 වැන්න, 12 වැන්න හැරුණු විට ශුභ පල දෙන ස්ථානයක් ඔහුට නොමැති වීමෙන්ද ජන්මීන්ට බොහෝවිට කේතු මහ දසාව තුල සිදුවන්නේ ශුභමය කාල පරිච්ඡේදයක් නොවේ.

● uyකේතු ග්‍රහයා ඉගෙන ගන්නා දරුවන්ට නම්, හොඳ ඵල දෙයි. එයත් බොහෝවිට හොඳ ස්ථානයක කේතු සිටියොත් පමණක් බව සිහියේ තබාගත යුතුය. එසේම සුභ දෘෂ්ඨිද වැදගත් වේ.
ඥානය, ඉගෙනීමේ ශක්තිය කේතුගෙන් ලැබේ.

● තවද භූමිය ආශ්‍රිත කටයුතු කරන අයට, පොලව ආශ්‍රිත කටයුතු කරන අයට කේතුගේ බලපෑම හොදින් තිබුනොත් භූමියෙන් ලැබෙන ‘රන්, රිදී, මිණි මුතු‘ හිමිවීමේ වාසනාව ලැබේ.
විශේෂයෙන්ම භූමියේ ඇති නිධන් වස්තු හිමිවන්නේද මෙවැනි අයටය.

3 සිටින කේතු බුද්ධියෙන් සහ වික්‍රමයෙන් අන් අයට වඩා කැපි පෙනෙන බවක් පෙන්වයි.
11 වැන්නේ කේතු භූමි ලාභ, සැප සම්පත් හිමිකර දෙයි.
12 වැන්නේ කේතු වියදම අඩු කර සකසුරුවම් සහිත කෙනෙකු කරයි.

නමුත් කේතුගෙන් පුද්ගලයෙකුට, මතක ශක්තිය, ප්‍රඥාව, උගත්කම හිමි වෙයි.

● කේතුට දී ඇති රූපයද එයට කදිමට නිදසුන් සපයයි. එනම් නෙළුම් මලක් තුල පුස්තකයක් ගෙන පාඩම් කරන රූපයකි. එයින් විද්‍යාමාන වන්නේ, කේතු ග්‍රහයාගෙන් ඉගෙනීමට හැර වෙන කිසිම උදව්වක් උපකාරයක් නොලැබෙනා බවය.
කේතු ශරීර ශක්තිය හීන කරන ග්‍රහයෙකි.  එමෙන්ම පාද වලට සහ කොන්දට වේදනා ගෙන දෙන්නේද මේ ග්‍රහයාය.

කේතු මහ දසාවේ අතුරු දසා සියල්ලගේම පලාපල ලගදීම බලාපොරොත්තු වන්න.

වසර 18ක රාහු මහ දසාවේ, අන්තර් දශා වල ලැබෙන පලාපල කෙබදුද ....

නාග හිසකින් සහ දේහධාරි පුරුෂ ශරීරයකින් හෙබි රාහු ග්‍රහයාගේ මහ දසාව ගැන, මතක් වන විට සියලුම දෙනාට මතක් වෙන්නේ අවුල්කාරි ගැටළුකාරි සිතිවිල්ලකි. මේ තත්වය නිසාම ඉගෙන ගන්නා දරුවන්ට විශේෂයෙන්ම අපලකාරි තත්වයක් බලපායි.

මෙම මහ දසාව පොදුවේ ගත්කල අවුරුදු 40න් පසුව ලබනවා නම් පුද්ගලයන්ගේ සමාජ, ආර්ථික දියුණුව ඇතිවේ. දේශපාලන ක්සෙත්‍රයේ සිටින බොහෝ අයට, කලා ක්ෂෙත්‍රයේ අයට ප්‍රසිද්ධිය ජනප්‍රියත්වය ලබාදීමට රාහු පසුබට නොවේ.
මේ අතින් බැලුවොත්, රාහු ප්‍රබල ග්‍රහයෙක් කියල  ඔබට තේරේවි.

රාහු මහ දසාවේ රාහු අතුරු දසාව - වර්ෂ 2යි මාස 8 දින 12කි.

මෙම කාලයේදී අධ්‍යාපනය කඩාකප්පල් වීම, එසේම ව්‍යාපාර වස්තු බංකොලොත් වීම, ශරීරයේ රෝග පීඩා ඇතිවිම, උෂ්ණාධික රෝග ඇතිවිම. තේරුමක් නැති නිෂ්ඵල ගමන් බිමන් ඇතිවේ.

* උපතේදි රාහු බලවත් නම්, ආර්ථික දියුණුව, ජනප්‍රියත්වය, ලොතරැයි වාසනාව ආදිය ලැබේ.

●  රාහුගේ ගුරු අතුරු දසාව - වසර 2යි මාස 4යි දින 24කි.

මෙම කාලයේදී ආර්ථික තත්වය යහපත් වීම, නැති වූ රක්ෂාව ලැබීම එසේම උරුමහරුමකම් ලැබීම, විවාහය සිදුවීම, දරු සම්පත් ලාභ ඇතිවිමට හේතුයි.

●  රාහුගේ සෙනසුරු අතුරු දසාව - වසර 2යි මාස 10යි දින 6

මෙම කාලය ඉතා අශුභයි.
මහා මූසලකමක් ඇති කාලයකි. ව්‍යාපාර බංකොලොත් වේ. තමාගේ නම නරක් වේ. නීතිමය ගැටළු මතුවේ. එසේම තමන්ට මානසික ශාරීරික 2න්ම පීඩා කාලයකි. තමන් සතු වටිනා දේපල නැතිවිමට හේතුවේ. ඉතාම නරක කාලයකි.
කලාතුරකින් ග්‍රහඵල හොද නම් අපල අවම වි සුභ සෙත සැලසීමට ඉඩ ඇත.

●  රාහුගේ බුධ අතුරු දසාව - වසර 2යි මාස 6 දින 18

මෙම කාලය ඉතාම හොදයි. සෙනසුරු අතුරු දසාවෙදි ඇතිවූ අපල පූර්ණ වශයෙන්ම ධූරිභූත වේ. ඉගෙනීම දියුණු වේ. තමන්ගේ ආර්ථිකය යහපත් වේ. හොද කාලයකි.
තරග විභාග ආදියෙන් සමත් වේ.

●  රාහුගේ කේතු අතුරු දසාව - අවුරුදු 1යි දවස් 18යි

ඉතාම නරක කාලයකි. ලෙඩ රෝග ඇතිවේ. ආමාශගත ගෙඩි, දණිස් ආබාධ, කොන්දේ කැක්කුම් ඇතිවේ. ජීර්ණ පද්ධතියේ රෝග ඇතිවේ. ඇගපත කෙට්ටු වේ. පුරුෂ පක්ෂයේ අයට ලිංගික බෙලහීනතාවය ඇතිවන්නේ මෙම කාලයෙදිය.

●  රාහුගේ සිකුරු අතුරු දසාව - වසර 3

ඉතාම හොද කාලයකි. සිත ප්‍රීතියෙන් පිරේ. වාසනාව ලැබේ. තමන්ට දියුණු වීමට හොද කාලයකි. එසේම විවාහයට ඉතාම ශුභයි. අලුත් ගෙවල් දොරවල්, ඉඩකඩම් ලැබේ. කම්සැප ඉතාම හොදින් ලැබෙන කාලයකි.
යාන වාහන ලැබේ. තමන් කුමන තත්වයක හිටියත් ජිවිතයේ කැපී පෙනෙන වෙනසක් ඇති කරයි.

●  රාහුගේ රවි අතුරු දසාව - මාස 10 දින 24කි.

මෙම කාලය එතරම් ශුභ නැත. ඇවිදිලි අධික වේ. සමහරවිට වැඩිහිටියන් සමග විරෝධතා මතු කරයි. උෂ්ණාධික රෝග ඇතිවේ. අක්ෂි අමාරුකම් ඇතිවේ.
පොදුවේ ගත්කල වැඩි හොදකුත් නැත.

●  රාහුගේ චන්ද්‍ර අතුරු දසාව - අවුරුදු 1 මාස 6

පදිංචි ස්ථාන වෙනස් කරයි. කුඩා දරුවෙක් නම් මව්ට එතරම් හොද නැහැ. විදේශ රැකියාවන් වලට අවස්ථාව යෙදේ. විශේෂයෙන්ම රාහු සහ සදු කේන්දරයේ බලවත්ව පිහිටා ඇත්නම් මහා පරිමාණ දියුණුවක් සලසයි. තමන්ට වාසනාවන්ත කාලයක් ඒ ඒ කේන්දර අනුව යෙදිය හැක.

●  රාහුගේ කුජ අතුරු දසාව - අවුරුදු 1 දවස් 18

ඉතාම අශුභ කාලයක්. රාහු  මහ දසාවේ අවසාන අන්තරය බැවින් සමහරවිට අනතුරු කරයි. ශල්‍යකර්ම ආදියට භාජනය වේ. එසේම දියුණුව සම්බන්ධ ගැටළු ඇතිවේ. සහෝදරයන් ඥාතින් සමග ගැටළු මතුවේ. ප්‍රධාන වශයෙන්ම රණ්ඩුවට සරුවලයට සිත පෙළඹේ.

මෙම සියලුම අන්තර් දශා වල පලාපල තම තමන්ගේ උප්පත්ති ග්‍රහචාරය සමග සසදා බැලිය යුතුය. මෙය පොදු තත්වයකි.

ග්‍රහලොව සෙන්පතිගේ පලාපල - කුජ මහ දසාව සහ එහි අතුරු දසා

නවග්‍රහයන් අතරින්, ප්‍රබල ග්‍රහයෙක් වන කුජ හෙවත් අඟහරු ග්‍රහලොව සෙන්පතියා වශයෙන් හඳුන්වයි.

මනුෂ්‍යයාගේ බලය, කායික ශක්තිය එසේම ශරීරයේ ලේ ධාතුව කුජ විසින් නියෝජනය කරයි.

ග්‍රහයා තරමක් උෂ්ණාධික ග්‍රහයෙකි. රතු ග්‍රහයා වශයෙන් හඳුන්වන්නේද මෙම ග්‍රහයාය.

* කුජ මහ දසාව වසර 7කි.
මෙම මහ දසාව තුල පුද්ගලයාට වෙනත් ග්‍රහයන් මෙන්ම දෙයාකාරයකින් ග්‍රහ දසාවේ පලාපල බලපානු ඇත.
යම්කිසි පුද්ගලයෙකුගේ කුජ, උපතේදි බලවත් නම් ඔහුට එම මහ දසාව තුලදී රාජ්‍ය බලය, භූමිලාභ, යාන-වාහන එසේම විවිධ නිලතල ලැබේ. කුජ දුර්වලව සිටියොත් නොයෙක් විදියේ ලෙඩරෝග, කරදර මෙන්ම තවත් බාධා එසේම, අනතුරු ආදිය ඇතිවිමට ඉඩ ඇත.

●  කුජගේ කුජ අතුරු දසාව
මේ කාලය තුල පුද්ගලයාගේ දියුණුව ලැබීම, භූමි ලාභ ලැබීම, නව තනතුරු තාන්න මාන්න ලැබීම සිදුවෙයි.
අයහපත් ආකාරයට පිහිටා ඇත්නම්, තුවාල - අනතුරු, ශරීරයට පීඩා ගෙනදෙන ශල්‍ය කර්ම ආදියට භාජනය වීමට ඉඩ ඇත.

●  කුජගේ රාහු අතුරු දසාව

අධික ඇවිදිලි සහිත ජීවිතය, එසේම සියලුම කටයුතු අඩපණ වීම, සතුරු කරදර සහ ව්‍යාපාර බංකොලොත් වීමද, කෝලාහල වලට හසුවීම ආදියද සිදුවිමට හැක.
දෙදෙනාම කේන්දරයේ බලවත්ව පිහිටා ඇත්නම් කලාතුරකින් දියුණුව ඇතිවේ.

●  කුජගේ ගුරු අතුරු දසාව

නව නිලතල ලැබීම, හමුදාවේ පොලිසියේ ඉහල නිලතල වලට පත්වීම, නිවාස ඉදිකරගැනීමට ලැබීම, එසේම ප්‍රබල පුද්ගලයන් සමග ආශ්‍රය ලැබීම අාදිය සිදුවේ.

●  කුජගේ ශනි අතුරු දසාව

ඉතාම අශුභය.
කුජ-ශනි එකට පිහිටා කේන්දරයේ ඇත්නම්, විවාහ ජීවිතයේ කඩාකප්පල්වීම, එක්කෙනෙකුගේ වියෝව පෙන්වීම. එසේම සියලුම ව්‍යාපාර වස්තු බංකොලොත් වී මහ මගට ඇද වැටිම, ශරීරයට පීඩා කරන අනතුරු ආදිය සිදුවීම විය හැක.

●  කුජගේ බුධ අතුරු දසාව

හොඳ කාලයකි. සූක්ෂම බුද්ධියෙන් කරන කටයුතු සාර්ථක වීම, ඉගෙනීම දියුණු වීම, එසේම ඉගෙන ගන්නා ළමයින් විභාග වලින් සමත්වීම ආදිය සිදුවේ. හොදයි.

●  කුජගේ කේතු අතුරු දසාව

ශරීරයට පීඩා කරන දුක් ආදිය, බෝවන රෝග වැළදීම, නින්දාවට පත්වීම, සතුරන්ගෙන් විපතට පත්වීම ආදිය සිදුවිය හැක.
නමුත් කේතු බලවත් නම් මිනිරන්, මැණික් ආදි පොලවෙන් ලැබෙන වස්තු සම්පත් ලැබේ.

●  කුජගේ සිකුරු අතුරු දසාව

හොද කාලයකි. ස්ත්‍රින්ට පුරුෂයන් සමගද, පුරුෂයන්ට ස්ත්‍රින් සමගද ආශ්‍රය වැඩිවිමට කාලයකි. ලිංගික කටයුතු වලට වැඩි ආශාවක් ඇතිවේ. ලිංගික ශක්තිය වැඩි වර්ධනය වේ. විවාහය සිදුවේ. කම්සැප උපරිම ලැබේ. එසේම යාන වාහන, ගෙවල් දොරවල්, ඉඩකඩම් හා සියලුම සැප සම්පත් ලැබේ.

●  කුජගේ රවි අතුරු දසාව

මෙම දෙදෙනා ප්‍රබලව සිටියොත්, විශාල දියුණුවක් ලැබේ. දේපල ඉඩකඩම් භූමිලාභ ලැබේ. ඉතාම හොදයි. හමුදාවේ පොලිසියේ සිටින අයට නිලතල ලැබේ. අයහපත්ව පිහිටා සිටියොත් උෂ්ණාධික රෝග මගින් පීඩාවට පත්වේ. හමේ රෝග ඇතිවේ. ලේ විෂ වේ.

●  කුජගේ චන්ද්‍ර අතුරු දසාව

කේන්දරයේ මෙම දෙදෙනාගේ සංයෝගය යහපත් ලෙස තිබේ නම්, උතුම් වූ පුත්‍ර සම්පත් ලැබේ. විවාහ මංගල කටයුතු සිදුවන කාලයකි. එසේම කායික ශක්තිය ඇතිවේ. කාන්තාවන්ට ප්‍රජනන ශක්තියේ හොද වෙනස්කම් ඇතිවේ. ඉතාම හොද කාලයක්.
නරකට පිහිටියොත්, අඹුසැමියන් අතර යුගදිවි ගැටළු මෙන්ම, විවිධාකාර ප්‍රශ්න උපද්‍රව මතුවිමට ඉඩ ඇත.

* පොදු කරුණු බව සලකන්න..

කේන්දර සටහන අනුව මෙන්ම, අදාල ගෝචර පල මෙන්ම තම කල්ක්‍රියාව අනුවද මෙම තත්වයන් වෙනස් විය හැක.

ග්‍රහ ලොව මව්තුමිය වන “ සඳු මහ දසාවේ පලාපල “ - 2 වන විස්තරය

වසර 10කට සීමා වන, සදුගේ මහ දසාව තුල කෙනෙකුට බලපාන ආකාරය මෙහෙමයි.

සඳු සිතිවිලි වලට අධිපති වෙයි.

* සඳු බලවත් වන්නේ 3 වැන්නට, 4 වැන්නට, 5 වැන්නට, 7 වැන්නට, 9 වැන්නට, 10, 11 භාව වලටය.

එසේ නම් බලවත් තැනක සිටින සඳු, බලවත් දේ බලවත් ප්‍රතිඵල ඇති කරයි.

● සඳු මහ දසාවේ සඳු  අතුරු දසාව - මාස 10කි.
එම මාස 10 ඇතුලත පුද්ගලයාගේ ශරීර සෞඛ්‍ය දියුණු වේ. නැතිවුනු රැකියා, නව රැකියා ලැබේ. මුදල් යහමින් ලැබේ, ජනප්‍රිය වේ. නිවාස එසේම යාන වාහන ලැබේ.

● සඳු මහ දසාවේ  කුජ අතුරු දසාව - මාස 7
මේ මාස 7 කාලය තුල, නිවාස - භූමි ලාභ ලැබේ. එසේම නව ආදායම් මාර්ග හිමිවේ. විශේෂයෙන්ම ගත්කල, පතල් - මිනිරන් ආදි කර්මාන්ත කරන අයට වාසි සහගතයි. තමාගේ තීරණ නොපසුබටව ගනී.

● සඳු මහ දසාවේ රාහු අතුරු දසාව  - වසර 1 මාස 6
මේ කාලය තුල බලවත්ව සිටින සදු සහ රාහු ප්‍රසිද්ධ කරයි. හොද අයුරින් ප්‍රසිද්ධ කරයි. එසේම විදෙස් රැකියා ඇති කරයි. භූමිලාභ ඇති කරයි.

● සඳු මහ දසාවේ ගුරු අතුරු දසාව - අවු 1 මාස 4
ඉතාම ශුභ කාලයකි. මංගල යෝග උදාවේ. ඒවගේම දරු සම්පත් බලාපොරොත්තු වන අයට ඒ පැතුම් ඉටු කරගත හැක. තවද සැප සම්පත් නොඅඩුව ලැබෙනවා සේම සුඛෝපභෝගී ජිවිතයකට මග පෑදෙයි.

● සඳු මහ දසාවේ ශනි අතුරු දසාව - අවු 1 මාස 7
මෙම කාලයෙදි අසනීප ඇතිවේ. එසේම දුවාදරුවන්ටද අසනීප ඇතිවේ. රැකියා අහිමී වීමට පුලුවන්. සිත කරදරයෙන් පෙලේ. නරකම කාලයකි - ඒරාෂ්ඨක අපලයකට සමානයි.

● සඳු මහ දසාවේ  බුධ අතුරු දසාව - අවු 1 මාස 5
ඉගෙන ගැනීමට හොද කාලයකි. එසේම බුද්ධිය වර්ධනය වේ, තරග විභාග වලින් සමත් වේ. එසේම තමාගේ වැඩ කටයුතු සාර්ථක වේ. බුද්ධිමතුන්ගේ ඇසුර හිමිවේ. නිසි වයසේදී නම්, විවාහ මංගල යෝග ඇතිවේ.

● සඳු මහ දසාවේ  කේතු අතුරු දසාව - මාස 7
ලෙඩ රෝග වලින් කරදර ඇතිවේ. එසේම සිත දුකින් පිරේ. යම් ආකාරයකට කලකිරිම, නිවසින් බැහැරව සිටිමට සිත් පහල විම සිදුවේ. උප්පත්ති කේන්දරයේ කේතු බලවත් නම් භූමියෙන් වාසනාව මතුකර දෙයි.

● සඳු මහ දසාවේ සිකුරු අතුරු දසාව - අවු 1 මාස 8
ඉතාම ප්‍රීතියෙන් සිටිමට හැකි කාලයක්. අලංකාර යාන වාහන මෙන්ම සුවපහසු ජිවිතයට අවශ්‍ය සියලුම අංගෝපාංග ලැබේ. තමන්ගේ වැඩ කටයුතු ඉතාම යහපත්ව කෙරේ. විසේසයෙන්ම නව නිවාස ආදිය ලැබීමට හේතුය. සිත සතුටින් පිරේ, මංගල යෝග බහුල වන කාලයකි. නව පෙම් සබදතා ඇතිවේ.
විවාහ වූ අඹුසැමියන් අතර ඉතාම ප්‍රීතිය වැඩි දියුණු වන අතර, කාමාශාව වැඩියෙන් දැනෙන කාලයකි.

● සඳු මහ දසාවේ රවි අතුරු දසාව  - මාස 6
මේ කාලයෙදි සාමාන්‍ය පරිදි ගතවන අතර, තමාගේ පියාට සුභ කටයුතු ඇතිවේ. බලවත් තැනක රවි සිටියොත් එසේම වේ. තමාගේ කටයුතු සාමාන්‍ය පරිදි ගත කරගැනිමට පුලුවන් වන අතර, රවි කේන්දරස්ථානයක බලවත් නම් උසස් නිලතල ලැබේ.

ග්‍රහ ලොව මව්තුමියගේ මහ දසාව - චන්ද්‍ර මහ දසාව - 1

ග්‍රහ ලොව සූර්යයා පියා නම්, මව වන්නේ චන්ද්‍රයාය. මෙම චන්ද්‍රයා අපට පෘථවියට අාසන්නවම පිහිටා තිබේ. ස්ත්‍රීකාරක ග්‍රහයෙකි. සිතුවිලි වලට අධිපතිකම දරනවා. එසේම කිරි, හිම, සීතල, මිරිදිය ජලය, මහා සමුද්‍රයට බලපාන ප්‍රධානම ග්‍රහ තාරකාව සඳු ග්‍රහයා වේ.

* යම්කිසි කෙනෙකුගේ සඳු බලවත්ව සිටීම මනා රූප සෝබාවක් ලැබීමට හේතුයි. මෙය විශේෂයෙන්ම කාන්තාවන්ට බලවත් විය යුතුම තත්වයකි. සඳු බලවත් පුරුෂ තෙම, ආගිය තැන ගරු සැලකිලි ලබන්නා සේම සුඛෝපභෝගී ජිවිතයකට හිමිකම් කියන අතර අලංකාර නිවාස ආදියේ වාසය කරයි.

* අප මේ කිව් ආකාරයට මේ චන්ද්‍රයාගේ මහ දශාව වසර 10කි.

* සඳුට දිග්බල ස්ථානය එනම් දිශා බල ස්ථානය 4වන භාවයයි.
එනම් දකුණු දිශාවට බලවත් වේ.

සඳු මහ දසාවේ පුද්ගලයාට ලැබෙන, ප්‍රතිඵල පලාපල කෙසේද යන්න අප විමසා බලමු.

● සඳු මහ දසාව වසර 10ක් වන අතර, සඳුට දිග්බල ස්ථානය එනම් දිශා බල ස්ථානය 4වන භාවයයි.
එසේම සමාජශීලිත්වය ඇතිව සමාජයේ ජනප්‍රිය වීමට මේ කාලය හොදයි.
ඒ ශුභ පල තව එක්දෙයක් කීමට අමතක උනා, ගර්භණී මව්වරුන්ට වාසනාවන්ත දුවණිවරුන්ගේ ලාභීත්වය මේ කාලයේදි සිදුවේ.

* මේ ආදි ශුභ ඵල ප්‍රදානය කරන චන්ද්‍රයා යම්කිසි කේන්දරයක අෂ්ටම(8) හෝ 6 වැන්න හෝ 12 වැන්නේ පාපපීඩිත නම් එම දශා කාලය පුද්ගලයාට බොහෝ පීඩාකාරි වේ.
කුඩා දරුවන් නම් ජලයෙන් අනතුරු ආදියෙන් අනතුරු ඇතිකරගනි. ආහාර විෂ වීම උදරාබාධ ඇති කරයි.
* එසේ සිටියදී සෙනසුරුගේ ඒරාෂ්ඨක අපලයක් චන්ද්‍රයා සමග බලපෑවොත් ආයුෂ කෙරෙහි බලපෑමක් ඇතිවිමටත් ඉඩ ඇත.
* සඳු නීච වූ අය, සඳු බලවත් නැති අය ඉතාම රුදුරු රෝෂ ගතිගුණ ආදියෙන් හෙබි අය වේ. මෙවන් අය සමග ජීවත් වීම බොහෝම කටුකම අත්දැකීමකි.

එසේ නම් සදු මහ දසාව මේ ආකාරයෙන් ගත වන බව අපගේ පාඨකයන්ට අකුරු කර දැක්වූවෙමු.
ඊලග දිනයක සඳු මහ දසාවේ අන්තර් දශා වල පොදු පලාපල ලබාදීමට බලාපොරොත්තු වෙමු.

___________

රවි මහ දසාව - ග්‍රහයන්ගේ මහ දශා ඵල

ඉරු සේවය සමග ලබැඳි ඔබගේ දැනගැනීම සහ අවබෝධය පිණිස නවග්‍රහයින්ගේ මහ දශා ඵල සහ අන්තර් දශා ඵල ඉදිරිපත් කිරීමට අප තීරණය කලා.
ඒ අනුව හැකියාව ඇති අයුරින් නවග්‍රහයින් සම්බන්ධ මහ දසා ඵලාපල ඉදිරියේදි පල කරමු  !

මුලින්ම අපි විමසා බලමු රවි ග්‍රහයාගේ පලාපල

* ග්‍රහලොව රජු වන රවි හෙවත් සූර්යයාට මහ දශාවක් වශයෙන් වසර 6ක් හිමිවේ. යම්කිසි කෙනෙක්ගෙ කේන්දරයේ පියා සම්බන්ධව නිවේදනය කරන ප්‍රබලම ග්‍රහයා රවිය.
රවි ග්‍රහයා, පුද්ගලයෙකුගෙ ආත්ම ශක්තිය නිවේදනය කරයි.

●  රවි මහ දසාව ලැබූවිට පුද්ගලයාගේ සමාජ තත්වය ඉදිරියට යයි. පුද්ගලයා තේජමාන පුද්ගලයෙක් වේ. රජයේ සමාජයේ හොඳ ස්ථාන ලැබේ. ඇත්ත වශයෙන්ම කිවහොත් ග්‍රහ බලය අනුව පුද්ගලයා රජෙක් සමානව ජිවත්විමට වරම් ලැබෙන්නේද මේ කාලයේදිය.
මෙය ධනු ලග්නයේ ධර්මකර්මාධිපති රාජයෝගය යෙදි තිබ්බ නම් එසේම වේ.

●  රවිගේ සඳු අන්තර් දශාවේදී පිටපලාත් වල වාසය, අලංකාර නිවාස ලැබීම, යාන වාහන ලැබීම, එසේම විදේශ රටවල් වල සංචාරය සිදුවේ.

●  රවිගේ කුජ අන්තර් දශාවෙදි බලවත්ව පිහිටියොත් විවිධ කර්මාන්ත ශාලා අරඹන්නට ලැබිම, භූමි ලාභ, වාසනා ලාභ ලැබීම සහ බලවත් සහෝදරයන්ගේ උදව් උපකාර ලැබේ.
දුර්වලව සිටියොත් සතුරු කරදර, ආයුධ වලින් විපත් සහ මුත්‍රාගල්, මුත්‍රා අමාරු ඇතිවිය හැක.

●  රවිගේ රාහු අන්තර් දශාවෙදි, විදෙස් ගමන් තීව්ර වීම හදිසි ධන වාසනාව, ලොතරැයි ලැබීම ආදිය සිදුවේ.
අයහපත්ව නම් පියා සමග දබර, නීතියෙන් දඩුවම්, ලේ විෂවීම් ආදිය ඇතිවේ.

●  රවිගේ ගුරු අතුරු දසාව ඉතාම ශුභ කාලයකි. පදවි නිලතල ලැබේ. දේශපාලන ක්ෂෙත්‍ර වල සිටින අයට මැති ඇමතිධුර ලැබේ.
අයහපත්ව පිහිටා සිටියොත් යම් වෙලාවක උදරාබාධ හෝ ගෙඩි හටගැනිමට පුලුවන.

●  රවිගේ ශනි අන්තර් දශාව ඇත්ත වශයෙන්ම අශුභ කාලයකි. අයහපත්ව පිහිටා සිටියොත් ගින්නෙන්, විදුලියෙන් අනතුරු විය හැක. රවි - ශනි යෝගය එතරම් හොද නැත. මුදල් වැයවීම අයහපත, කනස්සල්ල, පවුල් සංස්ථාවේ විවිධ ප්‍රශ්න මේ ආදිය සිදුවේ.
පූර්වාචාරින් සදහන් කරන ආකාරයට මෙය ඉතාම නරක කාලයක් බව සදහන්ය.

●  රවිගේ බුද අන්තරය ඉතාම ශුභයි. ඉගෙන ගන්නා වයසේ අයට ඥානය දියුණු කරගැනීමට අවස්ථාව ලැබෙනවා සේම, බුද්ධිමත්ව කටයුතු කරන ප්‍රඥාව ලැබෙන කාලයයි. වැරදුනු ජිවිතය හරි මගට එන කාලයයි.
විසේසයෙන්ම සෙනසුරු අතුරු දසාවෙන් පසු ලබන බුද අතුරු දසාව ඒ තරමටම සුබයි.

●  රවිගේ කේතු අන්තරය, සැබැවින්ම සුභදායක නොවනු ඇත. මෙම තත්වය නිසා මුත්‍රා අමාරු, එසේම ලේ කෝපවීමේ දෝෂ හට ගැනිමට පුලුවන්. එමෙන්ම යම් යම් සිත තුල මානසික ව්‍යාකූලතාවය ඇතිවෙන්න පුලුවන්.

●  රවිගේ සිකුරු අන්තරය ඉතාම ශුභයි. මංගල්‍යය සහිත කාලයක්, සියලුම සුභ කටයුතු මෙන්ම ප්‍රේම සබදතා ඉෂ්ඨ සිද්ධ වීම, අධි සුඛෝපභෝගි ජිවිතයක් ලැබිම මේ කාලයෙදි සිදුවේ.

* අප මේ ඉදිරිපත් කල සියලුම කාරණා ඒ ඒ පුද්ගලයාගේ කේන්දරය අනුව සිදුවිය හැක.
බොහෝවිට රවි බලවත් නැති අයගේ රවි මහ දසාව ඔහේ යන්නන් වාලේ ගොස් කිසිම යහපතක් නොවි ඇත. අප පරික්ෂා කල කේන්දරවල බොහෝ ඒවායේ තමන් කරන්නේ කුමක්ද යන්නවත් නොදන අතරමංව සිටින අයුරු අපි අනේකවාරයක් දැක ඇත.

මහ දසාවන් අඳුනා ගැනීම (2)

පලමු ලිපියේ පරිදි මහ දසා ප්‍රමාණය ඔබට මතක ඇතැයි අපි සිතමු.
(https://www.facebook.com/photo.php?fbid=223845217810490&set)

ඒ අනුව මුලින්ම කල යුත්තේ එම මහ දසා එන අනුපිලිවෙල මතකයේ තිබීමයි.

කේන්දර සටහනේ උපන් වෙලාව, උපන් දිනය, ලග්නය ආදිය පවතින අතර, එහි
“ දශා අපහරණය/ දශා ශේෂය/ඉදිරියට මහ දශාව “

යනුවෙන් ඇති විස්තරය බලන්න.

* මුලින් ඔබගේ උපන් දිනය සටහන් කරගන්න.

උදා:- 1980 ජනවාරි 10 .

* ඉන්පසු දශා අපහරණයේ එකතුව එකතු කර දැන් ගත කරන මහ දසාව සොයාගන්න.
(රවි මහ දසාව වසර 5යි, මාස 5යි දින 10)

උදා,
1980 ජනවාරි 10 + රවි මහ දසාව වසර 5යි, මාස 5යි දින 10 නම්,

( 1980. 01. 10 + 05. 05.10 = 1985.06.20)

* රවි මහ දසාව අවසාන වන්නේ 1985 ජුනි 20 වනදාය.

*රවි මහ දසාවට පසු එළඹෙන්නේ සඳු මහ දසාව වන අතර එය වසර 10කි.
එනම් 1995 ජුනි 20 දක්වා සඳු මහ දසාව පවති.

*ඉන්පසුව එළඹෙන්නේ කුජ මහ දසාවය.
එය වසර 7කි( 2002 ජුනි 20 දක්වා)

*ඉන්පසු රාහු මහ දසාව පවති. එනම් වසර 18කි.
එනම් 2020 දක්වා ගතවන්නෙ රාහු මහ දසාවය.

* සෑමකෙනාම රවි මහ දසාවෙන් උපදින්නෙ නැත. ඒනිසා අදාල මහ දසාවට අනුව ඊට පසුව එන මහ දසා එකතු කල යුතුය.

මහ දශා විස්තරය__

මහ දසාවන් වල කාලයන් ඉහත දැක්වේ.

ගණන් කර බලන්න සියලු මහ දසාවන් වල එකතුව 120කි.
පරමායුෂ මේ යුගයේ 120ක් ලෙස සැලකෙන අතර ඒනිසා අද කාලයේ 70-80ක් දිවි ගෙවන අද කාලයේ සියලු මහ දසා ගත කරන්න වෙන්නෙ කලාතුරකින් කෙනෙකුටය.

ඉදිරියේදී ඔබට ඔබගේ මහ දසාවන් ගත වන කාලය ඇරඹෙන කාලය නිර්ණය කරන හැටි විස්තර කරන්නෙමු.