ඔබත් කුකුල් කේන්තිකාරයෙක්ද ?

ඔබටත් කේන්තිය පාලනය කරගැනීමට නොහැකිද ?
ඔබත් කුකුල් කේන්තිකාරයෙක්ද ?

“ වේවා ශාන්ති නොවේවා කේන්ති“
යනුවෙන් ඒ කාලයේ පාසල් යන අවධියේ මිතුරන් අපගේ සමරු පොත් වල ලියා ඇති බව අපගේ මතකයට එන්නේ නිරායාසයෙනි.
එනම් මේ කේන්තිය යන දේ මෝහයට අදාල කරුණක් බව අපගේ බුදුරජාණන්වහන්සේද දේශනා කර ඇත. නිතර කේන්ති ගන්නා තැනැත්තා සැබවින්ම අඥානයෙක් බව පරම සත්‍යයකි. මේ කේන්ති ගැනීම නිසා සමහර වෙලාවට මනුෂ්‍ය ඝාතන සහ විවිධ අපරාධ සිදුවන බවට දිනපතා පුවත්පත් බැලීමෙන් සහ විද්‍යුත් මාධ්‍යයන් ඔස්සේ ශ්‍රවණයෙන් දෘෂ්‍යනයෙන් පෙනී යයි.

* කේන්ති යන අයට වැළදෙන රෝගද බහුතරයක් ඇත. අධි රුධිර පීඩනය, ආතතිය, මානසික රෝග ආදිය සමහරක්ය.
ඉවසීම නැති නිසා කේන්තිය උපදී.

අප දැන් බලමු පමණට වඩා කේන්ති යන්නෙ කුමන ග්‍රහ පිහිටිම් නිසාද කියල...

● යම් කෙනෙකුන් උපත ලබන විට ඔහුගේ කේන්දර සටහනේ කුජ හා ශනි යන ග්‍රහයන් ලග්නය 1, 4, 7, සහ 10 වැන්න ආදි හතර කේන්දරයේ පිහිටිම.

● එසේම කේන්දරයක ශනි ලග්න ගතවී පාපකර්තරී වීම.
ජන්ම පත්‍රයක කුජ සහ රවි ග්‍රහ සංයෝගය 1 වැන්නේ හෝ 4 වැන්නේ සිටීම.
එසේම කුජ, රවි, ශනි යන ග්‍රහයෝගය 1, හෝ 4 සිටීම. මෙය මේෂ වෘශ්චික මකර ලග්න අයට විශේෂයි.

● කටක රැසේ රවි, කුජ, ශනි යන ග්‍රහයන් 3ම හෝ ඉන් දෙදෙනෙකු ලග්නයේ (1වැන්නේ) යෙදීම.

● සිංහ ලග්නය වී රවි හෝ කුජ යන ග්‍රහයන් 1 වැන්නේ හෝ 4 වැන්නේ පිහිටීම.
● එසේම සමහර අය කතා කරන වාග් මාලාව සහ කතා ශෛලීය අනුන්ගේ සිත් රිදවන ආකාරයටම සිදු කරයි. දයාබරත්වයක් නොමැත.

එය එසේ වන්නේ ඇයි.

● එයට ප්‍රධානම හේතුව වන්නේ කුජ, රාහු, සෙනසුරු සංයෝගයෙන් 2 වැන්නේ පිහිටිම නිසාය.
ඔබට මතක ඇති එක්තරා කාන්තාවක් මෑතකදී මාතර නිල්වලා ගඟට පැන සියදිවි නසාගත් ආකාරය. ඇයගේ එම අවාසනාවන්ත ඛේදවාචකයට හේතුව වී ඇත්තේ ඇය යම් මුදලක් ණයට ගෙන එම ණය හිමියා එම කාන්තාවට ඉතාම සැර පරුෂ ආකාරයෙන් බැණ වැදීමය. මෙය මා සදහන් කරන්නේ යම් උදාහරණයක් ගැනීමටයි.
එසේම මෙය මාධ්‍ය වාර්තා කර තිබුනේත් එසේමයි. සමහරවිට මෙවැනි පුද්ගලයන්ගේ මේ ග්‍රහ යෝගය තිබිය හැකි බව අනුමාන කරමි.
අතින් පයින් හෝ වෙන යම් උපක්‍රමයකින් ඝාතනය නොකරත් කෙනෙකුට පුලුවන් වචනය මගින් මනුෂ්‍ය ඝාතනයක් හෝ වෙනත් අපරාධයක් සිදු කරන්න. මා මුලින් කියූ අයහපත් ග්‍රහ යෝගය මෙයට හේතුවයි.

“ ඉවසන දනා රුපු යුදයට ජය කොඩිය “

ඉවසන අයගේ ග්‍රහ යෝග මෙන්න...

● ලග්නය කුමක් වුවත් 1, 4, 7, 10 යන හතර කේන්දරයේ ගුරු, බුධ, සිකුරු, පුරසඳු බලවත් වීම. එසේම 4 වැන්නේ සුභ ග්‍රහයන් තැන්පත්වීම සහ සුභ දෘෂ්ඨියට ලක්වීම. විශේෂයෙන් 5 වැන්නද එසේය.

● එසේම මෙවන් ග්‍රහ යෙදුම් පිහිටා ඇති විට 2 වැන්නේද සුභ ග්‍රහයෙක් නම් අපගේ මතකයට එන්නේ අප බෝසතාණන් වහන්සේ ශාන්තිවාදි තාපසතුමාගේ පූර්ව ආත්ම භවයයි.
සතුරාට පවා මෛත්‍රී කරයි.

ඉහත ග්‍රහ තත්ව ඔබටත් ඇත්නම් ඔබත් ආත්ම දමනය පාලනය කරගන්න.