සමහර ජෝතිර්වේදින් යැයි කියන අය විසින් යම් කෙනෙකුට ඒරාෂ්ඨක පැමිණීමේදි කරදර වේවි, රස්සා නැතිවේවි යනාදි ලෙස අනවශ්‍ය ලෙස බිය කර යන්ත්‍ර පැලදීමට උපදෙස් දෙයි.
එසේ උපදෙස් දෙන්නට පෙර ඔහු පෙර කාල වල ගත කල විදිය, දැන් යන මහ දසාව ආදි සියල්ල බලා නිවරදිව කිව යුතුය.
එසේ නැතිව හොඳ කාලයක් ගත කරන කෙනෙක්ව බිය කර යන්ත්‍ර දැමීමට උපදෙස් දීම අපගේ ප්‍රතිපත්තියට පටහැනිය.
එයින් අපට වන ආර්ථික වාසියක් නැත. කෙසේ වුවද නිසි ලෙස අවශ්‍ය සහ කිවයුතු දේ ඔවුන්ට කියමු.
තවද කරුණක් නම් වැඩි පිරිසකට ජෝතිෂ්‍යය මතක් වන්නේ කරදර සිදුවෙමින් පවතින විටය.
හොඳ කාල වලදි එය වැඩි දියුණු කරගැනීමට ජෝතිෂ්‍ය මගින් කල යුතු යමක් බහුතරයකට අවශ්‍ය නැත. කරදර වලදි මෙන්ම සුභ කාලයේදි සුභ තත්වයන් වර්ධනය කරගැනීමද වටින්නේය.
උදා,
සමහර අය සුභ ගුරු මහ දසා ගත කරන අතර ඒ කාල වලදි රැකියා කරමින් යම්තාක් ස්ථාවර වුවද එතනදි අත්‍යාවශ්‍ය වන්නේ ඊට පසුව එන සෙනසුරු මහ දසාවේ කරදර වලටද මුහුණ දිය හැකි ලෙස ආර්ථික වශයෙන් ස්ථාවර වීමයි.
නමුත් දැන් හොද නිසා ඉදිරිය ගැන වැඩිය තකන්නේ නැත. ඒනිසා ඉදිරි මහ දසා නරක එකක් නම් කරදර ඇතිවන අවස්ථා බොහෝමයි.
No comments:
Post a Comment