උන්වහන්සේගේ රැකවරණය, ආරක්ෂාව ධාර්මිකව සිටින්නා වූ ඔබ අප සැමට හිමිය.
*උන්වහන්සේගේ පිහිටාරක්ෂාව පැතීමට, මල් පහන් හඳුන්කූරු සහිතව බුදුන් වැඳ, හොඳින් පිරිසිදු ඉදුනු පලතුරු වර්ග 8ක්(බෙලි, අඹ, දිවුල් ඇතුළු, නිල් මහනෙල් මල් වට්ටියක්, නිල් මාලයක්, නිල් රෙදි කැබැල්ලක ගැට ගැසූ පඬුරු උන්වහන්සේට පින් අනුමෝදනා කරන්න.
“ සම්බුද්ධ සාසන වරං - යතිපුංගවච්ච
සම්පාලනාය පටිලද්ද - වරෝයසස්සි
පුඤ්ඤාති මානි අනුමෝ - දියවාසුදේවෝ
පාලේතුමන්සස හත්ථතාස - හිතාවහන්තෝ “
- ජය සිද්ධි
_ දේව කන්නලව්ව _
සාදු සාදු සාදු දෑත් නගා වැන්දෙමි ...
දොහොත් මුදුන් තබා වැන්දෙමි...
දෙපා වැන්දෙමි...
හුරු අත් නුහුරු කර වැන්දෙමි...
නුහුරු අත් හුරු කර වැන්දෙමි...
* ශ්‍රීමත් උතුම් වූ විෂ්ණු දිව්‍ය රාජෝත්තමයානන් වහන්ස, ඔබවහන්සේ වෛකුන්ඨ පර්වතයේ වෛර්ණ වූ දේව විමානයේ, ගුරුළු වාහනාරූඪව, නීල වර්ණ දේහ විලාශයෙන්, ශාන්ත ශ්‍රියෙන්, බැබලෙමින් සකල දේව සමූහයාට ඉන්ද්‍රව, ශ්‍රී ලංකා ද්වීපයත් සම්බුද්ධ ශාසනයත් ආරක්ෂා කරන බවට..
එදා ශක්‍ර දේවේන්ද්‍රයාට වූ පොරොන්දුව ඒ ආකාරයෙන්ම ඉටු කරනවා... සත්‍යවාදි සැබෑ වී නම්, ඔබවහන්සේට සකලවිධ පූජෝපහාර පවත්වන ගැති දරුවා වූ මා විසින්,
ඔබවහන්සේ ඉදිරිපිටදී ඇඟිලි බැඳ බැගෑපත්ව කියා සිටින්නා වූ මේ කන්නලව්ව, ඔබගේ දිව්‍ය කන් වලට ඇසේවා ! දිව්‍ය නේත්‍ර වලට පෙනේවා !
මගෙන් මේ වෙලාවෙදි වූ දැන වැරදි, නොදැන වැරදි, දහසක් වැරදි, කෝටියක් වැරදි සමාව භජනය කරන සේක්වා.
* ඔබගේ සිතේ ඇති මනසේ ඇති සියලු කාරණා මේ වෙලාවෙදි කියන්න,
උදාහරණයක් විදියට නවග්‍රහ අපල දුරු කරල දේනන කියල ඉල්ලීම් කරන්න. ගෙදර දොරේ අඩ දබර දුරු කරල දෙන්න කියල ඉල්ලීම් කරන්න.
ඒවගේම මේෂ රැසේ ඉදලා මීන රැසට වෙනකම් ඇති කරන අපල නැති කරල දෙන්න කියල ඉල්ලන්න. රැකියා දියුණුව දෙන්න කියල ඉල්ලන්න.
විශේෂයෙන්ම සෙනසුරු ග්‍රහ මාරක අපල නැති කරල දෙන්න කියල ඉල්ලීම් කරන්න.
මේ කරන කන්නලව්ව ජය ලැබෙනවා ජය සිකුරුයි !
No comments:
Post a Comment