“ කර්මය වෙනස් කල හැකිද ? “

ඉතාම කාලීන මාතෘකාවක් යටතේ මේ විවරණය දෙස ඔබගේ අවධානය යොමු කරන්න. අපගේ මුහුණු පොතේ දයාබර පාඨකයෙක් වන රවිදු ප්‍රසන්න නැමති දරුවා මේ සම්බන්ධව ගැඹුරින් අපගෙන් විමසා තිබුනා.

මෙම ලිපිය ඒ දරුවට වගේම, අනිකුත් සියලුම බලන නොබලන පාඨකයන් නොවන සියලුම අයට පොදුවේ මේ සම්බන්ධව උත්තරයක් දීමට අපි සිතා ගත්තා.
කේන්දරයක ගත්තම කිසිම ග්‍රහයෙකු බලගතු නොවෙන කේන්දරත් එහෙමත්ම නෑ.
අපි හිතමු නොවෙන දේවල් ගැන. දැන් කවදාවත් නවග්‍රහයොම නීච වෙනවද.... ? නැහැනෙ.

● ඒත් දුවල පුතාල දන්නවද එහෙම දවසක නවග්‍රහයොම නීච උනත් ඒකත්  මහා ධන යෝගයක්...
පුද්ගලයෙක් මේ ලෝකයට එන්නෙ කර්මානුරූපිව බව ඇත්ත.. කේන්දරයෙන් ඒ සම්බන්ධව බොහෝ දේවල් අපිට ඉගෙන ගන්න පුලුවන්.

රත්තරන් දුවේ පුතේ, මා බලපු එක්තරා දමිල චිත්‍රපටයක,
“ Son of maha Lakshmi “(මගේ මතකයේ හැටියට) ඒකෙ කියනවා,

“ අඩේ ලයිෆ් ල, යෙල්ලාම් චැලෙන්ජ් තාන්ඩා යෙදුකුම් ඔරු සවාල් ඉල්ලයි විට්ටාල් ඔරු කික්කුම් ඉල්ලියේ යෙදුකුම් ඔරු කික්වේනුම් නා වාල්කයි ඉල නාම් සවාල් සන්දික්කනුම් “
මේ පාඨයෙන් කියන්නේ ජිවිතයේ අභියෝගයක් නැත්නම් කිසිම කික් එකක් නෑ කියල..
අපිට උත්තේජනයක් ගන්න ඕන නම් අපි හැමදෙයක්ම අභියෝගයක් විදියට භාරගන්න ඕන කියල...

●  ඔන්න ඕකට තමයි රත්තරන් දුවේ පුතේ කියන්නේ, මානව ජන සන්නිවේදන  විද්‍යාවෙදි ආරෝපිත තත්වය සහ සාධිත තත්වය කියල.

එහෙනම් ඔය කේන්දරය හොද නැතිව උපදින අය මොන අංශයටද දන්නවද වැටෙන්නෙ ?
ආරෝපිත තත්වයට.
සාධිත තත්වය කියන්නෙ උපදිනකොටම හොද රජ පවුලක වගේ උපදිනවා, ගෙදරින් දේවල් හම්බ කරල තියෙනවා. හැමදේම එක්ක ඉපදෙන එක.
ආරෝපිත තත්වය කියන්නෙ තමන් විසින් තමන්ගේ ජිවිතයේ සියලුම දේවල් ගොඩනගා ගන්න එක.

●  එතකොට කේන්දර කාරයෙක් විදියට, නරක කේන්දරයක් එක්ක ඉපදිලා, ජිවිතය ගොඩ නගා ගන්න එක මම දකින්නේ ලොකු අභියෝගයක් විදියට තමයි. මෙතනදි මම වගේ හැමෝම කේන්දර බලල කියනව නම් හොදයි එවැනි කෙනෙකුට..

●  එහෙම නම් උත්සාහයට සියලුම දේවල් යටයි කියල මම දැන් ඔයාලට කියනව. ඒක පොදුයි.
“ උට්ඨාන වීර්යය“... සිද්ධාර්ථ ගෞතමයෝ අවුරුදු 6ක් දුෂ්කර ක්‍රියා කරල උන්වහන්සෙ දෙතුන් වතාවක් මියැදුනා හා සමානව සිහිය නැතිව වැටුනා.
මාර දිව්‍ය පුත්‍රයා ඒ වෙලාවේ බොහෝම සතුටින් වීණාව වාදනය කලා මේ මහා මනුෂ්‍යයා මැරුණ කියල...
මැරුණද... නෑ... සිදුහත් තවුසානන්ගේ චිත්ත ශක්තිය අපි හිතනවට වැඩිය අපෝ හරිම ශක්තිමත් !

●  උන්වහන්සේ උට්ඨාන වීර්ය ඇතිව බුදු උනානේ...
මම දැන් කියන්නෙ මොනවද දන්නවද ඒවගේ කෙනා පැය 24ම තමන්ගෙ දියුණුවට මහන්සි වෙන්න ඕන. හොද මග පෙන්වීමක් තියෙන්න ඕන. එයාට දේවල් කියල දෙන්න ඕන. එතකොට ජෝතිෂ්‍යය කඩ දාගෙන ඉන්නවනේ කට්ටිය, සමහර කට්ටිය නළුවො වෙලානෙ ටීවි චැනල් වලට ඇවිල්ලා. ඒ සමහර අය ජෝතිෂ්‍යය අංශු මාත්‍රයක් දන්නෙ නෑ.
* මම මේක අද ඇත්තටම කියන්නෙ ෆේස්බුක් ගැන, ඉස්සරහට මිනිස්සු ටීවී බලන්නෙ නෑ. රේඩියෝ අහන්නෙ නෑ. පත්තර බලන්නෙ නැති වේවි. කොළඹ 7 සිල්වල පෙරේරල වගේම ගමේ ගොඩේ උක්කු බණ්ඩලා, ඩිංගිරි බණ්ඩලත් ඉස්සරහට ෆේස්බුක් එකේ ඉන්නවා. දැනටත් ඉන්නවනේ.

මේ අය ඔක්කොම දැන ගන්නවා මේකෙන්. එහෙම නම් මේකත් අහගන්න. බහුතරයක් ජෝතිෂ්‍යය වේදීන් කරන්නේ මොකක්ද දන්නවද කේන්දරයේ දුර්වල ග්‍රහ බලයක් තියෙනව නම් ඒ කෙනාව මානසිකව වට්ටනවා බිංදුවටම. නැගිටින්න දෙන්නෙ නෑ. ඕනම කේන්දරයක කළු සුදු කියල 2ක් තියෙනවා. අපි හොද දේ ඇදලා අරගෙන නරක දේ ඩිටෙක්ට් කරමු. අන්න ඒකයි වෙන්න ඕන... මානසිකව පුද්ගලයා ශක්තිමත් කරමු.

●  අපිත් කියන්න තියෙන දේ මූණට කියනවා තමයි, නමුත් බලන කෙනා කවුරු උනත් සමහරවිට පරම හතුරෙකු උනත් ඒක ඒ වෙලාවට අදාල නෑ. අපිට එයා අපේ දරුවෙකුට සමානව බලන්නෙ. ජෝතිෂ්‍යයෙදි අපිට හතුරො නෑ. එයා හොදින් ඉන්නව කියන්නෙ අපිට පිනක්. එහෙනම් ඒ පුද්ගලයව මානසිකව උඩට ගන්න ක්‍රමය තමයි අපි බලන්නෙ.

* ඔය කොච්චර කිව්වත්, ඕනම කේන්දරයක හොද යෝගත් තියෙනව(Every dark cloud has a silever line).
ඒවගේ අපි ඒ රිදී ඉරෙන් පාර පෙන්නමුකෝ ඒ පුද්ගලයට...

* ඒක හරියට නිකන් තමන්ගේ දක්ෂතාවය බැඩ්මින්ටන් නම්, ක්‍රිකට් කරල වැඩක් නෑනේ.. අන්න ඒවගේ... - පුද්ගලයට නිවරදිව පාර පෙන්නලා අපි නිවරදි කරමු !

අපි දැන් කරන්නේ මොකක්ද දන්නවද ?
සමාජය නැමති නගර සභාවේ කුණු අදිනවා... මිනිසුන්ව ශුද්ධ කරනව... මිනිසුන්ව හරි මගට ගන්න රෑ දවල් 2 වෙහෙසෙනවා. නිවරදි දේ කියල දෙනවා...

ඔබට ජය !

තෙරුවන් සරණයි !