විවාහයෙන් ලැබෙන බිරිඳ ගැන අනාදිමත් කාලයක සිට “ ස්වාමි භාර්යා, චෝර භාර්යා , වධක භාර්යා, මාතෘ භාර්යා, භගිනි භාර්යා, දාසි භාර්යා, සකී භාර්යා“ ලෙස වර්ග කර ඇත.
කේන්දර සටහනේ “පොදු පිහිටිම්“ අනුව ලැබෙන බිරිඳ ගැන යම් ඉඟියකි මේ.
● "ස්වාමි භාර්යා" කියූ සැණින් තම සැමියාව පාලනය කරන බිරිඳක් ගැන කියවේ. අප දන්නා පරිදි සමහර ගෙවල් වල පිරිමියා ගෘහ මූලික වන්නේ නමට පමණි, සැබෑ බලය ඇත්තේ බිරිඳටය.
කේන්දර සටහනක 7 වැන්නේ රවි තැන්පත් වීම සහ එම රවි සුභ ග්‍රහයන්ගේ දෘෂ්ඨි(ගුරු, සිකුරු) වලට ලක්වීම නිසා නොදැනුවත්ම සිය බිරිඳට යටත් වීමට සිදුවිය හැක. යම් ලෙසකින් අශුභ දෘෂ්ඨි වැටේ නම් දැඩිව තම සැමියාව යටත් කරගන්නා බිරිඳක් ලැබේ.
● "චෝර භාර්යාවක්" ලැබෙන පිහිටීම් ලෙස පර්යේෂණ වලින් අත්දැක ඇත්තේ තුලා, වෘෂභ ලග්න හිමියන්ගේ 7 වැන්නේ කුජ සිටීමෙනි.
මෙවන් බිරිදෑවරුන් සිය ස්වාමියාට රහසින් කටයුතු කරන බව පැවසේ.
● එසේම යම් කෙනෙකුගේ 7 වැන්න අධිපති ග්‍රහයා සෙනසුරු/ශනි වේ නම් එසෙ වී සෙනසුරුම 7 වැන්නේ සිටීම හෝ 7 වැන්න දැකීම තුලින්,
“ වධක භාර්යාවක්“ ලැබීමේ වැඩි ඉඩක් පවතී.
විටෙක එය වඳ දීමක් ලෙස පෙනෙන්නේ සැමියා පහත් කරමින් කතා කිරීම් ආදියෙනි.
● තවද යමෙකු “මකර ලග්නයෙන්“ උපත ලබා 7 වැන්න අධිපති වන චන්ද්‍රයා/සඳු 7 වැන්නේම සිටී නම්, හෝ 7 වැන්න දකී නම්(විශේෂයෙන් පුර සඳු) එම පිරිමියාට ලැබෙන්නේ ඉතාම ගුණ ගරුක බිරිඳකි. තම සැමියාට මවක් මෙන් මෛත්‍රිය දක්වන ගරු කරන,
“ මාතෘ භාර්යාවක් “ වන්නෙ මෙවන් පිහිටිම් වලිනි.
* පුර සඳු නොවී අවසඳූ වීම ගුණයෙන් අඩු නොවුනද මඳක් අයපත්ය.
● බුධ ග්‍රහයා හුරුබුහුටි ග්‍රහයෙකි. බුධ 7 වැන්නේ සිටින කෙනේකට ලැබෙන්නේ බොහෝවිට තමන්ට සහෝදරියක් මෙන් සලකන බිරිඳකි.
“ භගිනි භාර්යා “
විශේෂයෙන් ධනු, මීන ලග්න වල 7 වැන්නේ බුධ සිටිමෙන් මේ තත්වය ඇතිවන බව අප අත්දැක ඇත.
එසේම මෙම පිහිටිම නිසා විශේෂ වාසනාවන්ත සමෘද්ධිමත් ජිවිතයක් ගත කිරිමට වාසනාව ලැබෙන බව කිවයේව.
● එසේම 7 වැන්නේ සිකුරු සිටීම බොහෝවිට,
“දාසි භාර්යාවක් “ ලැබෙන පිහිටිමක් වනු අප දැක ඇත. එසේ වුවද මෙය බොහෝවිට සාර්ථක වී ඇත්තේ මේෂ සහ වෘශ්චික ලග්න හිමියන්ටය. එයට හේතු වන්නේ මේෂ, වෘශ්චික අයගේ 7 වැන්නාධිපති සිකුරු නිසාය.
සියලු දේට සැමියාට උදව් කරන යහපත් මෘදු ගති ඇති භාර්යාවක් ලෙස කියවේ.
● ගුරු 7 වැන්නේ සිටිම තම විවාහයෙන් තමාට වාසනාව ගෙනෙන පිහිටිමකි.
එනම් එම භාර්යාව “ සකී භාර්යාවකි“.
විශේෂයෙන් ගුරු 7 වැන්නාධිපති වන ධනු සහ මීන ලග්න හිමියන්ගේ 7 වැන්නේ ගුරු සිටිමෙන් මේ තත්වය ඇතිවේ.
සියලු වාසනාව ඇතිවන සමෘද්ධිමත් වන පිහිටිමකි.
*** මේවා පොදු විස්තරයන්ය. කේන්දර සටහන් අනුව මෙහි තත්වයන් වෙනස් වනු ඇත.
No comments:
Post a Comment