සංගීතය යනු විශ්ව භාෂාවකි. විශේෂයෙන්ම ලෝක වාසි සියලුම අය, සංගීතයට ලැදි, සංගීතය ප්‍රිය කරන අය වෙති.
යම් වියත් කියමනක තිබුනේ, “සංගීතයට ප්‍රිය නොවන පුද්ගලයා අමනුෂ්‍යෙයක් හා සමාන බවයි“.
එයින් තේරුම් ගන්න සංගීතය පුද්ගල සිතට කෙතරම් සමීපද කියා. විටෙක සංගීතය පුද්ගල සිත් සතන් සුවපත් කරන දිව්‍යමය ඔසුවක් මෙනි.
* ගායිකාවකට හෝ ගායකයෙකුට විශේෂ වශයෙන්ම පිහිටිය යුතු ග්‍රහ පිහිටිම් අප සදහන් කරන පරිදි ඇත්නම් ඔහු ජනප්‍රියත්වයේ හිණි පෙත්තටම නගී. විශේෂයෙන්ම ලයාන්විත වන සහ රසික සිත් වශී කරන කටහඬක් ඇතිවිමට මෙවැනි තත්වයක් හේතු වේ.
අපි විමසා බලමු ජ්‍යෝතිෂ්‍යය ඇසින් එම තත්වය ඇතිවන්නේ කේසේදැයි කියා..
● වචනය සහ කට පුද්ගලයෙකුගේ නියෝජනය කරන්නේ කේන්දරයේ 2වැන්නය.
2 වැන්න පාප පීඩිත නොවීම ජනප්‍රිය වීමට මහත් රුකුලකි.
* එසේ පාප පීඩිත නොවී සිකුරු ග්‍රහයා 2 වැන්නේ සිටිමෙන් ඉතාම මනමෝහනීය කටහඬක් හිමි වේ.
කටහඬ මිහිරි වේ.
* එසේම ගුරු ග්‍රහයා බලවත්ව 2 වැන්නේ සිටිමෙන් ඉතාම ගැඹුරු අර්ථවත් ආකාරයට ගීත ගායනා කිරිම හැකියාව ඇත.
* උදාහරණයක් වශයෙන්, අමරසිරි පීරිස්, සුනිල් එදිරිසිංහ නම් කල හැක.
● ගුරු - සිකුරු යෝගයක් තිබූ කල මෙම දෙආකාරයෙන්ම ගීත ගායනා කල හැක.
* විශේෂයෙන්ම අප සූක්ෂමව පරික්ෂා කල කේන්ද්‍ර අතර ලතා මංගේෂ්කාර්ගේ මෙන්ම, දමිල සිනමාවේ පසුබිම්(Playback Singer) ගායිකාවක් වන එස් ජානකි මහත්මියන්ගේ කටහඬ බොහෝවිට අපට ඇසෙන්නේ බොහෝවිට අපට ඇසෙන්නේ ඉතාම කුඩා දරුවන්ගේ කටහඩ මෙනි.
එයට මූලික හේතුව නම් ඔවුන්ගේ 2 වැන්නට දැඩිව බලපෑම් කර ඇති බුධ සහ සිකුරුගේ බලපෑමයි.
දැන් ඉදිරිපත් කරන්නම් දිවයිනේ එකතරා ජනප්‍රියම ගායිකාවගේ කේන්දර සටහන,
මෙම කේන්දරය දෙස බැලිමෙදි 2 වැන්න කෙතරම් බලවත් වී ඇත්දැයි කියා.
● 2 වැන්න තුල, රවි - බුධ - ගුරු - සිකුරු - රාහු යන පංචම ග්‍රහ සංයෝගය බලන කල, රවි- බුධ-ගුරු - සිකුරු ග්‍රහයන්ගෙන් නිවේදනය වන්නේ ඉතාම ප්‍රතිභාපූර්ණ ගායන විලාශයකි.
රාහු ග්‍රහයාද මෙම ග්‍රහයන් සමගම සිටින නිසා ඉතා කෙටි කාලයක් තුල මැය දිවයිනේ ප්‍රබලම ස්ථානයකට ගෙන ඒමට හා කලා ක්ෂෙත්‍රයේ බැස නොයන තාරකාවක් කිරිමටද ග්‍රහ බලය හේතු වී ඇත.
එසේම දේශ දේශාන්තර වල සංචාරය කිරිමටද ජනප්‍රියත්වයේ හිණි පෙත්තට යාමටද මෙම තත්වය හේතු වි ඇත.
ඔබගේ කේන්දරයේද මෙවන් ග්‍රහ බලයක් ඇත්ද..
එසේම හැකියාවක් ඇත්නම් ඔබද රියැලිටි වැඩසටහන් වලට සහභාගි වි ඔබගේ දක්ෂතාවය උරගා බැලිය හැක. බලන්න හඳහන..
- මේ ගැන පර්යේෂණාත්මක තවත් ලිපි ඉදිරියේදි -
( මෙම සියලු විස්තර ග්‍රහයන් සිටින තැන අනුව කියන්නේ පාඨක ඔබගේ වටහා ගැනීමේ පහසුව පිණිසය. මේවා පොදු කරුණුය. ග්‍රහයන් එම කොටුවල සිටියද එම ග්‍රහයන් සිටින නැකත, අංශක, ග්‍රහ දෘෂ්ඨි යනාදි කරුණු අනුව මෙම පොදු විස්තර වෙනස් වන්නට ඉඩ ඇත. අප ඉදිරිපත් කල කේ්න්දර වල අප විසින් ඒ ආකාරයට සූක්ෂම කේන්දර පරික්ෂා කර මෙම විස්තර ලබාදෙමු)
No comments:
Post a Comment