“ හිතේ හයිය... අවතක්සේරු නොකරන්න “

ඔබ අප සෑම සියලුදෙනාටම හිතන්නට “සිතක්“ ඇත.
සිතිවිලි ඇති තරම් ඇති හිත තුල තමන්ගේ දියුණුවට, තමන් දැන් නැතත් කවදා හෝ දිනයක පැමිණිය යුතු තැන ගැන ඇත්තේ බලාපොරොත්තු බොහෝමයකි.

බොහෝදෙනෙක් මේ ගැන කිසිවෙකු හා කතා කරන්නේද නැත. එයට හේතුව එම අවස්ථා වලදි අනිකුත් අය තමාට සිනාසෙනු ඇත කියාය.
එය  වෙන්නට පුලුවන් දෙයකි.
ඔබේ බලාපොරොත්තු ගැන අවබෝධයක් නැති, ඔබගේ හැකියාව තබා තමාගේ හැකියාව ගැනවත් දන්නේ නැති අයට ඔබේ බලාපොරොත්තු කිව්වොත් හිනාවෙනු ඇත.

මනෝ විද්‍යාවේ නවීන සොයාගැනීම් අනුව, ඔබේ හිතේ බලාපොරොත්තුවක් තිබේ නම් එම පැතුම් තමා ලග තියාගෙන, තමාම තම දියුණුව ගැන අචල විශ්වාසයකින් කටයුතු කිරීම කල යුතුය.

ජ්‍යොතිර්විද්‍යාව හා බැඳුනු කරුණු අනුව, ඕනෑම කෙනෙකුගේ දියුණුවකදි හෝ එවන් ඉඟියකදි තවත් කෙනෙකුට තමා ගැන දුකක් ඇතිවන්නට හැක. එනම් එයාට මෙහෙම වෙන්න පුලුවන් මට බෑනේ...
එහිදි ඉරිසියාවෙන් ඔබ ගැන සිතනු ඇත.
සමාජයේ කටවහ කාරයන් සිටිම ගැනද ඔබ අසා ඇති.

කෙසේ වුවද ඒවායේ සත්‍යතාවයක් ඇත. එනම් යම්කිසි වූ ඍණාත්මක සිතිවිල්ලක් වෙන කෙනෙකුට අප ගැන ඇතිවුවොත්, එයින් අපට බලපෑමක් වන්නට පුලුවන.
ඊටත් වඩා එවන් අදහසක් සිතේ ඇතිව ඔබගේ බලාපොරොත්තු ගැන අපහාසයෙන් කතා කලොත් සිත රිදෙනු ඇත. කටයුතු මඟහැරෙනු ඇත.
පසුගාමි බවක් දැනෙනු ඇත.
ඉතින් මූලිකව කල යුත්තේ, තමන්ගෙ බලාපොරොත්තු තමන් ලග තියාගෙන ඒ වෙනුවෙන් නිවරදිව වැඩ කිරීමයි.

අවාසනාවට මෙන් බොහෝදෙනෙක් වැඩියෙන්ම සිතාගෙන සිටින්නේ තමන් ගැන ඍණාත්මකවය.
පොදුවේ සිතන්න,

මාධ්‍ය ආයතන වැඩියෙන් දෙන්නෙ අසුභවාදි පුවත්ය.
පාරිභෝගික සමීක්ෂණ වලින් වැඩියෙන් ඇත්තේ පැමිණිලිය.
කලා ක්ෂෙත්‍රය ප්‍රසිද්ධව ඇත්තේ නරක ඕපාදූප වලින්ය.
කෙනෙකුට හොඳ දේ 10ක් කියා 1 නරක දෙයක් කිව්වොත් දිගුකලක් මතක තිබෙන්නෙ නරක දේ නේද ???

ඒ ලෝකයේ හැටිය..

හැබැයි මිනිසුන් කොටසක්, මේවා කිසිවක් ගණන් නොගෙන, වැටි වැටි, කරදර විඳිමින් තමන්ගේ ජිවිතයේ ඉහලටම ගොස් සිටිති.
තමන්ගේ බලාපොරොත්තු ඉටුකරගෙන තිබේ.
එවන් අය ලෝකයේම 3%කට අඩුය..

ඔබ සිතන්න මොන කොටසට අයිති වෙන්න වැඩ කරනවද කියල... ???