කාන්තා ඔබ පමණක් ලෙඩ කරන ග්‍රහයන් ඔබ දන්නවාද ?

ආයුර්වේදයේ දැක්වෙන පරිදි ස්ත්‍රී රෝග වශයෙන් වෙන්කොට කාණ්ඩයක් ඇත.

එමගින් හඳුන්වනු ලබන්නේ, ස්ත්‍රීන්ට පමණක්ම වැළදෙන රෝග නිසාය. විශේෂයෙන්ම පුරුෂයාගේ මෙන් නොව ස්ත්‍රියගේ ශරීරය පුරුෂයාට වඩා තරමක සංකීර්ණභාවයක් උසුලන නිසාය.
විශේෂයෙන්ම කාන්තාවන්ට වැළදෙන රෝග අතර, සුලබම කාන්තා රෝගය විදියට හඳුන්වන්න පුලුවන්,

“ශ්වේත ප්‍රදරය“ හෙවත් සුදයාම.

* මෙම රෝගී තත්වය කාන්තාවන්ට එසේම නව යොවුන් වියේ දියණියන්ට ඉතාම පීඩාකාරි අත්දැකීමකි. මෙම රෝගයට ගොදුරු වූ විට මානසික ඒකාග්‍රතාවය නැතිවීම, ක්‍රමයෙන් ශරීරය කෘශවීම, ශක්තිය අඩුවීම ආදිය වෙයි.
* මෙම රෝගයේ ලක්ෂණය නම්,
ස්ත්‍රී යෝනි මාර්ගයෙන් සුදුපාටට හෝ මඳක් කහපාටට යම්කිසි ශ්‍රාවයක් නිකුත් වීමයි.
එම ශ්‍රාවය දැඩි දුර්ගන්ධයකින් යුක්ත වන අතර, විශේෂයෙන්ම මානසික අපහසුතාවයට ලක්වන ප්‍රධානම කාරණාවක්ද වෙයි.
මෙම රෝගි තත්වය නිසා, මෙම ශ්ලේෂ්ම හෙවත් ශ්‍රාවයේ ඇති බැක්ටීරියා මගින් ස්ත්‍රී යෝනි මාර්ගයේ බිත්ති වලට හානි කොට, තුවාල ඇතිකොට එයින් ආසාදන තත්වයන් ඇතිකොට කැසීමට ලක්වීම ප්‍රධාන ලක්ෂණයකි.
මෙය වැඩිහිටි කාන්තාවන්ට කෙසේ වෙතත්, නව යොවුන් වියේ දියණියන්ට මෙම තත්වය ඇතිවුවහොත් ඔවුන්ගේ ඉගෙනීමේ කටයුතු වලට දැඩි පීඩාකාරි තත්වයක් ඇතිවේ.

මෙම ලිපියේ තව කොටසක් පලකිරිමට අප සිතන්නේ, මෙහි ඇති වටිනාකම තේරුම් ගැනීමත් හුදෙක් මේ ලිපිය මගින් අපගේ දියණියන්, සොහොයුරියන් වන කාන්තා සියලුම දෙනාට ඉතාම ප්‍රයෝජනයක් වේයැයි සිතා කරන මහගු පින්කමක් ලෙසිනි.
එසේ නම් මීට අදාල ප්‍රතිකර්ම ඊලග ලිපියේ සදහන් කරන අතර, දැනට එවන් තත්වයකට පත්විමට කේන්දරයෙ ඇති ග්‍රහ තත්වය කුමක්දැයි පරික්ෂා කර බලමු.

●  යම්කිසි කාන්තාවකගේ කේන්දරයේ ලග්නයෙන් 8 වැන්නේ(8) රවි සහ ශනි පිහිටා සිටීම.
●  ලග්න භාවයේ(1වැන්නේ) රවි - බුධ පිහිටා සිටියදී සෙනසුරු 8 වැන්නේ පිහිටීම.
●  යම්කිසි කාන්තාවකගේ කේන්දරයේ සඳු/චන්ද්‍රයා නීච වීම
●  ශනි - සිකුරු යෝගය 7 වැන්නේ තිබියදී රාහුගේ දෘෂ්ඨියට පත්වීම.
●  එසේම දරුවන් වැඩිවියට පත්වන අවස්ථාවේදි කේතු මහ දසාව පැවතීම.
●  ස්ත්‍රි කේන්දරයක 1, 6, 7, 8 සහ 12 යන ස්ථාන වල කුජ - ශනි යෝගය පිහිටා සිකුරු දුර්වල වීම.

මෙවැනි කේන්දර පිහිටිම් ඇති අයට, විශේෂයෙන්ම මෙම රෝගයට ගොදුරුවීමේ වැඩි ඉඩකඩක් ඇත.

රූපයේ දැක්වෙන පරිදි  කේන්දරයක් පිහිටා තිබිය හොත් මෙම රෝග වැලදීමේ වැඩි ඉඩකඩක් ඇත. එසේ නම් අප ආයාචනා කරන්නේ, ඔබට ඔබගේ සහෝදරියට, බිරිදට මෙවන් රෝග තිබේ නම් ඒ ගැන සැලකිලිමත් වී අදාල ප්‍රතිකාර ලබාගන්නට කටයුතු කරන ලෙසයි.

ඉදිරියේදි අප තව තවත් මේ සම්බන්ධව ලිපි පල කරන්නම්. මේ ලිපිය බලා වෙනදා මෙන් නිකන් ඉන්න එපා. මේ ලිපියට ලයික් කිරීම කෙසේ වෙතත්, මේ සම්බන්ධව ඔබගේ ප්‍රතිචාර/කමෙන්ට් පල කර ඔබගේ උනන්දුව පෙන්වන්න. එය විශාල පිරිසකට සෙත සැලසෙන දෙයකි. ඉදිරියේදි තව පලකරනවා.

තෙරුවන් සරණයි !