පිරිමි දරුවෙකුගේ කේන්දරයේ තිබූ විවාහ නාශක යෝගයක් භංග වූ ආකාරය !

අප වෘත්තිය සහ පූර්ණ කාලීන ජෝතීර්වේදීන් හැටියට, අපට නිතර දෙවේලේ මුහුණ පාන දෙයකි, මේ විවාහ ගැලපුම් කටයුත්ත. මෙය ඉතාම බැරෑරුම් වූද අපහසු වූද කටයුත්තකි. මෙහි ලා අප විශේෂයෙන් සැලකිල්ලක් දක්වන්නේ, කේන්දරයේ ඇති විවාහ දෝෂ එනම් ප්‍රධාන වශයෙන් ගත් කල අපට ඇති විශාලම ප්‍රශ්න වන්නේ,
කුජ - ශනි යෝගය, ශනි - රාහු යෝගය සහ පාප දෘෂ්ඨි ඇති කේන්දර ගලපා දීමය.
එසේම එම තත්වයන් තේරුම් අරගෙන ඉතාම ගැඹුරින් ඒවා නිරීක්ෂණය කිරීම අප කවදත් කරන කටයුත්තකි.

* දැඩිව විවාහ නාශක යෝග තිබුනු පිරිමි කෙනෙකුගේ එම දෝෂ නැති කල පින්වත් ගැහැණු දරුවෙකුගේ කේන්දරයක් අප අද ඔබට පෙන්වා එහි ඇති ජෝතිෂ්‍යමය පදනම වටහා දීමට දරණ උත්සාහයයි මේ.

* පිරිමි ළමයා 1977 මාර්තු 7 වනදා බදාදා දිනෙක කුම්භ ලග්නයෙන් උපන් මේ පිරිමි දරුවාට රාහුට අයිති අඳ නැකත හිමිවිය. උප්පත්ති කේන්දරයට අනුව රාහු මහ දසාව වසර 16ක් ඉතිරිව තිබුනි.

* ගැහැණු ළමයා 1980 10 මස 20 වන සදුදා දිනක රාහුට හිමි සියාවස නැකතින් උපත ලබා ඇත.

මෙහි අප සදහන් කරන ආකාරයට කේන්දරයේ ඇති සුවිශේෂි කාරණා දැන් සලකා බලමු.

මෙම පිරිමි ළමයාගේ කේන්දරය විවාහයට කෙතරම් අර්බුද ඇති කේන්දරයක්දැයි කේන්දර බැලූ කල අපිට පැහැදිලි වේ.

● එනම් ලග්නයේ ඇති “රවි-කුජ-කේතු යෝගය“ එසේම, 2 වැන්නේ 8 වැන්නාධිපතියා වන “බුධ“ නීච වීම, එසේම විවාහ ස්ථානගතව “සෙනසුරු සහ රාහු“ පිහිටා එම රාහුගේ නැකතක එනම් අඳ නැකතේ උපතේදී චන්ද්‍රයා ගමන් කිරීම මෙම දෝෂ තත්වයන් හා මනාව සංකලනය වී ඇත.

●ඔබ අප දන්නා ආකාරයට අඟහරු/කුජගේ භෞම දෝෂය මෙන්ම පාප ග්‍රහයන්ගේ සංකලනය ඔබට පේනවා නේද... ?

● එසේම කුජ ලග්නයේ සිටියදී විවාහ ස්ථානයේ ඇති සෙනසුරු , සප්තම දෘෂ්ඨියෙන් දකී. එම නිසා විවාහය කඩාකප්පල් වීමට ඇති හැකියාව මනාව පෙන්නුම් කරයි.
● එසේම පාපී සෙනසුරු 7 වැන්නේ සිටියදී එහිම ප්‍රබලම පාපියෙක් වන රාහුද පිහිටා සිටී. මොහුගේ කේන්දරය අනුව මොහුට විවාහ ගැලපීම එතරම් පහසු කාරියක් නොවේ.
මේ ආකාරයෙන් කල්පනා කර බලන කල, ඉතාම දැඩි පාපකාරි කේන්දරයකි.
මෙම ළමයාගේ ප්‍රේම සබදතාද ගණනාවක් තිබී බිඳ වැටී ඇත.

* නමුත් මෙම පිරිමි ළමයාට විවාහයට ලැබුනු ගැහැණු දරුවා, අර කතා කරන භාෂාවෙන් කියූ කල 1000කින්වත් හොයාගන්න බැරි කෙනෙකි.
* එම කේ්න්දරයේ ඇති අපූර්වත්වය නම්, පුරුෂයාගේ දුර්වල ග්‍රහ බල සහ පාප ග්‍රහ බල යටපත් කරන ආකාරයට මධ්‍යස්ථව පිහිටා තිබීමයි.

* එසේම වෘෂභ ලග්නය හා කුම්භ ලග්නයන් ඉතාම දැඩිව ගැලපේ.

● ගැහැණු දරුවාගේ කේන්දරයේ ආකාරයට රාහු ග්‍රහයා බලවත්ව වික්‍රමස්ථානයේ/ 3 වැන්නේ පිහිටිම කෝටියක් දෝෂ භංග කිරීමකි.
එසේම 3 වැන්නේ රාහු පිහිටා ඇති අය, සතර වරිගයටම නායක වේ. එසේ නම් මෙම කරුණු කාරණා 2ම සැලකිල්ලට ගත්කල ඇයට කෝටියක් දෝෂ භංග වන කල, තමාගේ ස්වාමියාගේද අපල සුණු විසුණු වේ.
* එසේම තමාගේ පවුල් පදනම තුල ඉහලට ඒමට නම් තමාට යහපත් විවාහයක් වීම අත්‍යාවශ්‍යය.
මෙහිදි එයද ඉෂ්ඨ සිද්ධ වී ඇත.

● 4 වැන්නේ සිකුරු/ශුක්‍ර පිහිටිම සැප නැති තැන වුවත් සැප ඇතිවන යෝගයකි. එය ලෞකික ජිවිතයේ සැප සම්පත් අධිකව ලැබෙන යෝගයකි.

● එසේම බලන්න, අඟහරු 7 වැන්නේ සිටින අයුර - එම කුජගේ 7 වැන්නේ පිහිටීම නිසා පිරිමි ළමයාගේ කුජ දෝෂයද සියලුම දෝෂද ඉතාම ප්‍රබලව භංග කර ඇත.
එසේම, ප්‍රබල ග්‍රහ දෝෂ දුර්වල වී ඇත.

● මෙම කේන්දරයට අනුව චන්ද්‍රයාගේ බලවත්කම 10 වැන්නට පිහිටා ඇති නිසා එය කාන්තාවකට ඉතාම වැදගත් සේම, සඳු - සිකුරු සප්තම දෘෂ්ඨියද ඉතාම වැදගත්ය.

● කුජගෙන් 4 වැන්නේ චන්ද්‍ර මංගල යෝගය නිසා “විවාහ නාශක යෝග භංග“ වේ.

* ගැහැණු දරුවා උපත ලබා ඇත්තේද රාහුගේම නැකතකිනි. මෙම ගැහැණු දරුවා ඉතාම රූමත් තැනැත්තියකි. එය ස්වාමියාව ආකර්ෂණයට වටිනා යෝගයකි.

කේන්දරයේ ඇති සියලු දෝෂ භංග කල හැටි බලන්න. මෙවන් ගැහැණු දරුවෙක් විවාහ කරගත් එම තැනැත්තා වාසනාවන්ත නොවේද ???

අපට එන විවාහ දෝෂ ඇති කේන්දර වලට, මේ ආකාරයට ගැලපෙන කේන්දර ලැබෙනවා නම් අපට මහත් අස්වැසිල්ලකි.

තෙරුවන් සරණයි !