ප්‍රසිද්ධ කේන්දර බලන කෙනෙක් මේ කේන්දරය ගැන
ඇහුවාම, තමන්ගේ දන්න කෙනෙක් කියල, මේ කේන්දරය
හිමි තැනැත්තිය බොහෝම නරක කෙනෙක්, මුදල්
වෙනුවෙන් පිරිමින්ට නැමෙන කෙනෙක් වගේ ඉතාම අප්‍රසන්න සහගත විදියෙ කතා කියල තිබෙනව.
● මේ කේන්දරය හිමි තැනැත්තිය, වැදගත් පවුලක
ඉපදුනු, හොඳ දෙමාපියන් ඉන්න, හොඳ ගරු කටයුතු රස්සා
කරන සහෝදරයො ඉන්න ඒවගේම තමනුත් ලොකු
සමාගමක වගකිවයුතු විධායක ශ්‍රේණියෙ රස්සාවක් කරන
කෙනෙක්.
ඉතින් ජ්‍යොතිෂ්‍යය දන්නව කියන අයත් මෙහෙමයි නම් ඉතින් මේ ශාස්ත්‍රය ගැන අපට ඇතිවන්නෙ බියක්.
● මෙම කේන්දරයේ ග්‍රහ පිහිටිම අනුව,
රාහු සිකුරු 1 වැන්නේද, සෙනසුරු 2 වැන්නේද , රවි බුධ 3 වැන්නේද , 6 වැන්නේ චන්ද්‍රයාද, 7 ගුරු-කේතුද ,9 වැන්නේ කුජද පිහිටා ඇත.
● රාහු සිකුරු ලග්න භාවයේ සිටිම තුල හොද රූමත් කෙනෙක්.
● 3 වැන්නේ රවි - බුධ යෝගයක් තියෙනව. ඒකියන්නෙ හොද උගත්කමක් තියෙනව.
රවි - බුධ බලවත්ව වික්‍රමස්ථානයේ ඉන්න කෙනෙක්, තමන්ගේ බලපරාක්‍රමය උගත්කම එක්ක තමයි විහිදුවන්නෙ. එහෙම කෙනෙක්ට නරක ලක්ෂණ ඇතිවෙන්න ඉඩ බොහෝම අඩුයි.
- ගණිකාවක් වගේ හිතුවොත් ඒ තත්වයට වැටෙන්න මූලික
හේතුව වෙන්නෙ තමන්ගෙ ආර්ථික දුර්වලතාවය.
● උගත්කමක් හොදට තියෙන කෙනෙක් ලේසියට ඒ පැත්තට
යන්නෙ නැහැ.
● ගුරු 7 වැන්නේ සිටිම තුල,
කීමටත් කියනවා එහෙම අයගේ
චරිතය පොදුවේ කිව්වත් කියන්නේ චරිතවත් අය කියල. හතර
කේනද්රයේ තැනක ගුරු සිටිම තුලම ඒක කියතෑකි.
● ඒවගේම මීන ලග්නයේ යෝගකාරකයා කුජ.
කුජ 9 බලවත්වීම තුල 9 වැන්නේ සිටිම තුලත් ඒ කෙනාගේ
පෞරුෂය සහ ආත්ම ශක්තිය බොහෝම හොදයි. එහෙම
කෙනෙක් අර වගේ තත්වයකට යොමුවෙන්න ඉඩ අඩුයි.
මගෙන් ඇහුවා, ඇත්තටම මහත්තයා මට මෙහෙම කිව්වා
කේන්දරය බලල කිව්ව. මෙහෙම දෙයක් තියෙනවද කියල..
මේ කාරණා පිලිවෙලට විස්තර කරද්දි ඒ ගෑණු ළමයා දුකට
පත්වෙලා ඇඬුම් ආවා.
** අප මේ කෙටියෙන් දළව කිව්වත්, සූක්ෂම පරික්ෂාව අනුව බැලුවමත් මේ කේන්දරයේ ගැටළුවක් නැහැ.
කේන්දර දන්නවා කියල හිතාගෙන පොතක් 2ක් කියවලා මාධ්‍යයට ගිහිල්ලා, එක්කො ප්‍රේත - භූත කොටස් ගෙන්නගෙන සංදර්ශන කරන අය, වෙනත් අදහස් වලින් මේ ශාස්ත්‍රය කරන අයට යම් කාලයක් වැජඹෙන්න පුලුවන් වේවි.
හැබැයි හැමදාටම බැහැ. මේවගේ බොරු විතරක් නෙමෙයි, කෙනෙක් හිත නරක් කරන, මානසිකව වට්ටන බොරුකාර දේවල් කීම තුල නොදැනුවත්වම බරපතල අකුසල් සිද්ධ කරගන්නවා ඒ කියන වංචාකාරි අය.
* ඍෂිවරුන්වහන්සේලා අපට මේ ශාස්ත්‍රය දුන්නෙ ජනතාවගේ යහපතට යොදවන්න.
කර්ම ශක්තියේ ඇති දුර්වලතා කියල දිලා දුර්වල අයට හොද කරන්න, හොද අයට තව හොද වෙන්න කියල දෙන්නයි...
බුදු සරණයි !
No comments:
Post a Comment