_ විවාහයට අදාලව, 7 වැන්නාධිපති තැන අනුව _

විවාහයකදී මූලිකව 7 වැන්න විවාහ ස්ථානය වන නිසා ඒ ගැන සැලකේ. එහිදී 7 වැන්නට ඇතිවන දෘෂ්ඨීන්, 7 වැන්නාධිපති සහ 7 වැන්නේ සිටින ග්‍රහයන් අනුව එකී තත්වයන් මූලිකව වෙනස් වේ. (තවත් කරුණු බලපායි).

එක් එක් ලග්නයට අනුව 7 වැන්නාධිපති මෙසේය.

මේෂ - සිකුරු
වෘෂභ - කුජ
මිථුන - ගුරු
කටක - ශනි
සිංහ - ශනි
කන්‍යා - ගුරු
තුලා - කුජ
වෘශ්චික - සිකුරු
ධනු - බුධ
මකර - සඳු
කුම්භ - රවි
මීන - බුධ

* 7 වැන්නාධිපති සිටින තැන අනුව පොදුවේ විවාහයට හා ප්‍රේමයට අදාලව බලපාන්නේ මෙසේය.

● 7 වැන්නාධිපති 1 වැනි කොටුවේ,
මහන්සියකින් තොරව විවාහය සහ විවාහවෙන කෙනා මුණ ගැසීමට ඉඩ ඇත.
තමාගේ අදහස් වලට ගැලපෙන අදහස් ඇති කෙනෙක් විය හැක.

● 7 වැන්නාධිපති 2 වැනි කොටුවේ
බිරිඳ හෝ සැමියා හදිසියේ මුණ ගැසීමට ඉඩ ඇත. එසේ නැත්නම් තම හිතවතෙක්ගේ හෝ ඥාතින්ගේ හිතවත්කමක් අනුව විවාහය විය හැක.

● 7 වැන්නාධිපති 3 වැනි කොටුවේ
විනෝද අවස්ථාවකදී හෝ සමාජ කටයුත්තකදී හමුවිය හැක. නැත්නම් තම සහෝදරකාරකාදීන්ගේ හෝ ඥාතින්ගේ මාර්ගයෙන් විය හැක.

● 7 වැන්නාධිපති 4 වැනි කොටුවේ
රැකියාව හෝ තමාගේ කටයුතු කරන තැනකදී මුණ ගැසිය හැක. මව් පාර්ශවයේ යෝජනාවකින් සහකරු/සහකාරිය මුණ ගැසිය හැක.
වස්තු ලාභ, දෑවැදි හිමි විවාහයකි.

● 7 වැන්නාධිපති 5 වැනි කොටුවේ
තම සංසාර පුරුදු අනුව සහකරු හෝ සහකාරිය මුණ ගැසීමේ වැඩි ඉඩක් පවතී. බොහෝවිට විවාහය සිදුවන්නේ පෙම් සබදතාවක් නිසාය.
විවාහය නිසා සහ විවාහයෙන් පසු බොහෝ දියුණුව අපේක්ෂිතය.

● 7 වැන්නාධිපති 6 වැනි කොටුවේ
නොසිතූ අවස්ථාවක මුණ ගැසෙන කෙනෙක් නිසා සහකරු හෝ සහකාරිය මුණ ගැසිය හැක. කරදරකාරි අවස්ථාවක එනම් හදිසි අනතුරකදී, රෝගාබාධයක් ඇතිවිටකදී හෝ මල ගෙදරක් වැනි තැනකදී විය හැක. ඥාති පාර්ශවයක් නිසා වන යෝජනාවක් අනුවද විය හැක.

● 7 වැන්නාධිපති 8 වැනි කොටුවේ
හදිසි අවස්ථාවකදී සහකරු හෝ සහකාරිය මුණ ගැසීමට ඉඩ ඇත. තම යටත් සේවකයෙක්ගේ යෝජනාවක් අනුව වීමට ඉඩ ඇත.
ඥාතියෙක්ගේ මාර්ගයෙන් යෝජනාවක් අනුව වීමටද ඉඩ ඇත.
නිසිලෙස කේන්දර නොගැලපුනි නම් විවාහ ජීවිතය පසුකාලීනව අවුල් සහගත විය හැක.

● 7 වැන්නාධිපති 9 වැනි කොටුවේ
බොහෝවිට ආගමික ස්ථානයකදී සහකරු හෝ සහකාරිය මුණ ගැසීමට ඉඩ ඇත. වන්දනා ගමනකදී මුණ ගැසීමටද ඉඩ ඇත. දෙදෙනාම බොහෝවිට දහමට ලැදි අය විය හැක.

● 7 වැන්නාධිපති 10 වැනි කොටුවේ
රැකියාවේ කටයුත්තකදී හෝ රැකියා කරන තැන කෙනෙක් සහකරු හෝ සහකාරිය වීමට ඉඩ ඇත.
සමහර විටෙක එම පාර්ශවය සමග දුරස්ථ ඥාතිත්වයක් තිබීමටද ඉඩ ඇත.

● 7 වැන්නාධිපති 11 වැනි කොටුවේ
තම හිතවතෙකු මාර්ගයෙන් හෝ ඥාතින් මාර්ගයෙන් වන විවාහයක් විය හැක.
විවාහය සමග ධන වාසනාව ඇතිවිමට හා ආර්ථික දියුණුව ඇතිවිමට ඉඩ ඇත.

● 7 වැන්නාධිපති 12 වැනි කොටුවේ
සාමාන්‍ය ලෙස රෝහලක් වැනි ස්ථානයකදී තම සහකරු හෝ සහකාරිය මුණ ගැසීමට ඉඩ ඇත. බොහෝවිට ප්‍රේම සබදතාවක් අනුව කෙරෙන විවාහයකි.
මනා ලෙස නොගැලපි නම් පසුකාලීනව ගැටළු ඇතිවිමටද ඉඩ ඇත.