එම කොටුවේ සිටින ග්‍රහයා අනුව ‘පොදු‘ පලාපලයක් මෙසේය.
රවි 9 සිටින විට
ග්‍රහ ලොව පියා සහ නායකයා වන රවි 9 වැන්නේ සිටින්නේ නම්, ඉහල ඉගෙනීමක් ලබයි.
උසස් රැකියාවක උරුම වේ.
පියා බලවත් කෙනෙක් විය යුතුය.
විදේශගත වීමට හැකියාව ඇත. විදේශීය රැකියා ලැබේ. යහපත් විවාහයක් උරුමය වේ.
සඳු/චන්ද්‍රයා 9 සිටින විට
සෞම්‍ය ග්‍රහයෙකු වන සිතිවිලි වලට අධිපති වන සඳු 9 සිටින විට, පෙර කරන ලද පින් ඇති කෙනෙකි. විදේශ ගමන් මෙන්ම විදේශීයව වාසය කිරීමටද වාසනාව ලැබේ. රූපසම්පන්න වේ. යහපත්, ගුණවත් කෙනෙකු ලෙස අන් අයගේ පිලිගැනීමට, පැසසුමට ලක්වේ.
මවට ඉතා සෙනෙහවන්ත විය හැක.
කුජ/අඟහරු 9 සිටින විට
ග්‍රහ ලොව සෙන්පති, මුරණ්ඩු ගති ඇති කුජ 9 සිටින අයට හොඳ අධ්‍යාපනයක් ලැබේ. ආරක්ෂක අංශ වල රැකියා වලට සුදුසුය. බැංකු ක්ෂෙත්‍රය ආදි මූල්‍යමය කටයුතු ආශ්‍රිත රැකියාද ලැබේ.
ඉක්මණ් කෝපයද ආවේගශීලි විමද දැකිය හැක.
විදේශ රටවල වාසය කිරීමටද හැක.
බුධ 9 සිටින විට
ග්‍රහලොව බුද්ධිමතා වන බුද 9 වැන්නේ සිටින විට බොහෝ හොඳ ඉගෙනීමක් ලබයි. උසස් අධ්‍යාපන වාසනාව ඇත. බුද්ධිමත් වේ. අන් අය අතර බුද්ධිය පෙන්වන හොඳ කතා ඇත. දහමට ගරු කරන කෙනෙකි. විදෙස් ගත විය හැක.
යහපත් විවාහයක් හිමිය.
ගුරු 9 සිටින විට
ග්‍රහ ලොව සුරගුරු හෙවත් අවවාද දෙන වැඩිහිටියා 9 වැන්නේ සිටින විට පෙර කරන ලද පින් ඇති කෙනෙකි. අධ්‍යාත්ම ශක්තිය දියුණු කරගත හැක.
විදේශගත විය හැක. විදේශගතව උසස් රැකියා කල හැක. යහපත් කලණ මිතුරන් ලැබේ. ස්වභාවික ශාන්ත මරණයක් හිමිවේ.
සිකුරු/ශුක්‍ර 9 සිටින විට
ග්‍රහ ලොව හැඩකාරිය සිකුරු 9 සිටින විට, කලා අංශයට දක්ෂ ඒ අංශ වලින් ඉදිරියට යයි. දුර ගමනට බිමනට කැමතිය. දරුවා නිසා දෙමාපියන් දියුණු වේ. විශාල අලංකාර නිවාස වල ජිවත් විය හැක. ඉතාම හොඳ විවාහයක් කරගත හැක. සියලුම ලෞකික සතුට විඳිය හැක.
ශනි/සෙනසුරු 9 සිටින විට
ග්‍රහ ලොව දුක් කරදර ගැන අවබෝධය ලබා දෙන ශනි 9 සිටින විට ආගම දහම පිළිබඳ උසස් දැනුමෙන් යුක්‌තව ලෞකික ජිවිතයට වඩා ලෝකෝත්තර ජිවිතයට කැමති කෙනෙක් වේ. හුදෙකලාව ජිවත් විමට කැමතිය. යහපත් විවාහ දිවියක් උරුමය වේ. අධ්‍යාපන කටයුතු වලට බාධා ඇතිවිය හැක.
රාහු 9 සිටින විට
වේගය ලබාදෙන කටයුතු අවුල් කරන බවට ප්‍රසිද්ධ රාහු 9 සිටින අයට දේපල ලාභ බොහෝ වේ. බොහෝ දේපල ඇති කෙනෙක් විය හැක. එසේ වුවද විදෙස් ගතව හෝ තම උපන් ගෙයින් බැහැරව දිවි ගෙවන කෙනෙකි. අනිකුත් ග්‍රහයන් යහපත්ව ඇත්නම් ඇත් නම් යහපතින් දිවි ගෙවයි.
කේතු 9 සිටින විට
තම කටයුතු කරගන්නා කේතු 9 සිටින විට,
දේපල ලාභ ලබයි. එසේ වුවද අඩු වයසේ සිටම කරදර වලට මුහුණ පෑ හැක. අධ්‍යාපන කටයුතු වලටද බොහෝ බාධා ඇතිවිය හැක. කෙසේ වුවද අනිකුත් ග්‍රහ පිහිටිම් යහපත් නම් හොඳින් ජිවත් විය හැක.
No comments:
Post a Comment