පොදුවේ 12 වැන්නෙන් කියවෙන්නෙ වියදම් ගැනයි. දුක ගැන, වධ, කරදර, සිරගත විම්, රහස් කටයුතු, ආදිය ගැන 12 වැන්නෙන් පොදුවේ කියවෙන අතර, 12 වැන්නෙන් තිබෙන ධන යෝග කැපෙන ආකාරයද සූක්ෂම පරික්ෂාවකින් විස්තර කල හැක.
12 වැන්නෙ පාප ග්‍රහයන් සිටින අයට බොහෝ පාඩු සිදුවිය හැක. උදාහරණ ලෙස තමාට අයිති බඩු බාහිරාදිය විනාශ වීම, කරදර ඇතිවිම, පදිංචිය නිතර වෙනස් වීම ආදිය වේ.
කෙසේ වුවද මෙම අපල තත්වයන් ඇතිවිමට අදාල ලග්නයට අනුව සිටින ග්‍රහයා සහ තත්වය යනාදි බොහෝ දේ හේතු සාධක වෙයි.
_ 12 වැන්නේ සිටින ග්‍රහයන් අනුව පොදුවේ මෙසේය _
රවි 12 වැන්නේ,
වස්තු ලාභ විනාශ වන පිහිටිමකි. රවි මහ දසා අතුරු දසා වලදි කරදර ඇතිවිය හැක. වියදම් අධික වනු ඇත.
ජීවිතයේ මුල් කාලයේ කරදර ඇතිවේ. පසු කාලයේ යහපතින් ගෙවේ. දෑස් පරිස්සම් කරගත යුතුය. ඥාතින්ට හොදයි. අන් අයට අනුකම්පා කරන අන් අය වෙනුවෙන් කැපවෙන, පින් දහම් කරන චරිතයක් විය හැක. විසේසයෙන් කරදර වන අයට, රෝගාබාධ ඇති අයට උදව් කිරිමට සිතයි.
රවි 12 සිටින අයට ලැබෙන රැකියාද බන්ධනාගාර ආශ්‍රිත හෝ ආරෝග්‍ය ශාලා ආශ්‍රිත වීමට ඉඩ ඇත.
දුර්වලව සිටි නම් රවිට අදාල ශාන්ති කර්ම කිරීම, යහපත් පැවැත්මෙන් සිටිම කල යුතුය.
සඳු/චන්ද්‍රයා 12 වැන්නේ,
වියදම් අධික කෙනෙක් වේ. පහසුවෙන් රැවටීම්, වංචා වලට හසුවීමට ඉඩ ඇත. සදු දුබල නම් වෙන අය රවටන, කූට වැඩ කිරීමට දක්ෂ කෙනෙකි, අන් අයගේ මුදල් ගසා කෑමේ දක්ෂයෙකි.
චන්ද්‍රයා සුබව නම් යහපත් වුවත් අන් අයගේ දෝෂ දර්ශනයට ලක්විය හැක. අනිකුත් ග්‍රහ පිහිටිම් හා සැලකිය යුතුය.
කුජ/අඟහරු 12 වැන්නේ,
ආවේගශීලි ගති ඇත. ඉක්මණ් කෝපය තිබේ. සමාජ විරෝධී, සදාචාර විරෝධි කටයුතු වලට පෙළඹිය හැක. උෂ්ණ ශරිරයක් විය හැක. කුජ අසුබ නම් මේ ප්‍රතිඵල ලැබීමට ඉඩ ඇත. දෙපා වල ආබාධ ගැනද පරිස්සම් විය යුතුයි. අන් ග්‍රහයන් අනුව මෙම ගති නිවරදිව තීරණය වේ.
බුධ 12 වැන්නේ,
විදෙස් රටවල යෑමේ භාග්‍යය ඇත. වියදම් අධිකය. උගත් බුද්ධිමතුන් ඇසුරට ලැබේ. දේපල ලාභ ඇතිවිය හැක. භෞතික දෑ ගොඩ ගසා ගැනීමට දක්ෂය. කැපවීම ඇති කෙනෙකි. ප්‍රධානත්වය දරයි. සහජ දක්ෂතා ඇත.
ගුරු/බ්‍රහස්පති 12 වැන්නේ,
අන් අය කෙරේ අනුකම්පා කරන අය වෙති. අසරණ අයට ආධාර කරයි. තම ලාභයට වඩා අන් අය ගැන සිතන අතර මාන්නාධික ගති නැත. යහපත්ය. රූමත්ය.
කෙසේ වුවද සොර සතුරු කරදර ඇතිවිය හැක. සිතට වේදනා පීඩාද ඇතිවේ.
තම සහකරු හෝ සහකාරිය සැමදාම තමාව අවශ්‍ය කෙනෙකු සේ සිතයි.
සිකුරු/ශ්‍රක්‍ර 12 වැන්නේ,
විරුද්ධ ලිංගිකයන් හා කටයුතු කිරීම් වැඩිය. ලෞකික ජීවිතය ගැන වැඩි නැඹුරුවක් දක්වයි. යහපත් චින්තයක් ඇත. අන් අයට අනුකම්පා කරයි. වියදම් අධිකය. වැඩිය කරදර බාධක නැති යහපත් දිවියක් ගත කිරිමට සිතයි.
ශනි/සෙනසුරු 12 වැන්නේ,
සොර සතුරන්ගෙන් පීඩා ඇතිවේ. කරදර ඇතිවිය හැක. නොසිතන පරිදි අසනීප ඇතිවිය හැක. දුක අවබෝධ කරගත හැක. ලැබීම් අඩුවිය හැක. අපහාස උපහාසද ඇතිවිය හැක. එක් වැඩක් එක දිගට අවසන් කිරිමට අපහසුය. පොදුවේ මෙසේය.
රාහු 12 වැන්නේ,
නිතර තම පදිංචි ස්ථානයෙන් බැහැර විය හැක. විදෙස් සංචාර ආදිය ලැබේ. නිතරම ඇවිදීමට, ගමන් කිරීමට සිදුවේ. ස්ථිර තැනක සිටිම අපහසුය. ඉවසීම අත්‍යාවශ්‍ය කරුණකි.
අනවශ්‍ය කරදර ඇතිවිය හැකි නිසා බුද්ධියෙන් කටයුතු කරන්න.
කේතු 12 වැන්නේ,
බුද්ධිමත් වේ. ධන ලාභ, දේපල ලාභ ලැබේ. අන් අයගේ ගරුත්වයට පාත්‍ර වේ. අන් අයගේ දුක දන්නා යහපත් ගති ඇතිවේ. තමාගේ හිතවත් අය වෙනුවෙන් කැපවේ. තමාටම ආවේණික වූ රහස් ආදියද ඇත.
** මෙය පොදු පලාපලයකි.
No comments:
Post a Comment