* ප්‍රියමනාප යුවතියන්/ස්ත්‍රින් රැගෙන එන පිරුණු කල (අවාසනාවකට අද සෑම තැනකම නල ජලය නිසා මෙවන් ලඳුන් දැකීම අසීරු කාරණයකි, ඒ වෙනුවට අපට දකින්නට ලැබෙන්නේ ඇඟට හිර ඩෙනිම් අඳින යුවතියන්ය).
** කෙසේ වෙතත් ඉතාම ප්‍රියමනාප ලඳුන්, කුඩා දරුවන්, අලි ඇතුන්, ඍෂිවරුන් සමාන උතුමන්, පියාඹන කුරුල්ලන්, ගෙඩි වර්ග, ප්‍රීති උත්සව, ජය නාද, ප්‍රීති නාද. නැටුම් ගැයුම් වැයුම් ප්‍රීති උත්සව.
එක් පෙලට එන ගොනුන්, වැස්සියන්, කන්‍යාවන්, සුරතල් දරුවන් වඩාගත් කාන්තාවන්, මුගටියන් එළදෙනුන්, ගීත රචකයන්, ගත් කරුවන්, අප වැනි ජෝතිෂ්ශාස්ත්‍රඥයන්, තම ගුරුවරුන්, ගිතෙල්, මීමැස්සන්, පිරිසිදු රෙදි. ලිපි බෙදන්නන්, ඔබගේ සිත සතුටු වන ඕනෑම දසුනක් හා ලොව පැරණිම වෘත්තිය කරන වෛශ්‍යාවක් සමාන අය/ වෙසඟනන් දැකීමද ශුභ නිමිති බව කිව යුතුය.
<< අසුභ නිමිති >>
වඳ පිරිමින්, වඳ ගැහැණුන්, දුර්ජන මිනිසුන්, චණ්ඩි, මැරවරයින්, බඩගින්නෙන් පෙලෙන අය, තද කළු, තද නිල් රෙදි ඇදගත් අය, විවිධ භයානක ආයුධ ගත් අය.
කලකෝලහල කරන අය, අංගවිකල අය, දුශ්ශීල චීවරධාරින්(ශ්‍රමණ වේෂක ප්‍රතිරූපක).
සර්පයන් සහ බලු බළලුන් පාර හරහා යාමද, විලාප දෙන අය දැක යාමද,
එසේම සුනඛ මෙවුන්දම් දැක යාමද ඉතාම අශුභ බව සඳහන් කරන්නෙමු.
අප මේ සඳහන් කලේ නැකතට වඩා බලාගත යුතු කාරණාය. මේ ගැන ඉදිරියටත් දැනුවත් කිරිමට බලාපොරොත්තු වෙමු.
No comments:
Post a Comment