" වෘශ්චික ලග්නය "

12කින් සමන්විත රාශි වළල්ලේ 8 වැනි රාශියයි.
කුජට අයත් නිශා බල රාශියක් වන මෙම රාශිය ජල රාශියක් වශයෙන් හඳුන්වයි. මෙම රාශිය ගෝනුස්සකුගේ හැඩයකින් යුක්තව අහසේ පිහිටා තිබේ.
මෙය උදාවන විට නැගෙනහිර ක්තිජයේ විශාල ප්‍රදේශයක පැතිර පවතින පරිදි මේ රාශිය අහසේ දක්නට ලැබේ.

ගෝනුසු හැඩය ඇති රාශියෙන් උපදින අය, තරමක් ගුප්ත ගතිගුණ පිහිටන අය වෙති. විශේෂයෙන්ම වෘශ්චික ලග්න හිමියන් කෙරෙහි අමුතුම ගති ස්වරූප පෙන්නුම් කරයි.
& ඉතා වේගයෙන් වැඩ කල හැකි, කාර්ය ශූර අයවෙති. එඩිතරකම ඇත. ටිකක් ආත්මාර්ථකාමි ලක්ෂණද ඇත. බුද්ධියෙන් කටයුතු කරන කෙනෙකි. රහස් වැඩ සාමාන්‍ය ලෙස නැති කෙනෙකි. කැපවීමෙන් කුමන බාධා ආවද ඉදිරියට යාමට දිගටම කටයුතු කරන කෙනෙකි.
කෙනෙකු තමාගේ වරදක් කිව්වත් අසාගෙන සිටී. අන් අයගේද වැරදි දකි. ආඩම්බර ගතිද ඇත. ඕනෑම වැඩක් එක්වරම සොයාගෙන තේරුම් ගෙන කිරීමට ඇති හැකියාව විශේෂිතය.

* සමාජයේ කැපී පෙනෙන චරිතයක් වේ.
තමාගේ කටයුතු පමණක් සිතා බලා කරන විලාශයක්ද ඇත. ඕනෑම දෙයක් පිළිගැනීමට පෙර ඉතා ගැඹුරින් සොයා බැලීමට කටයුතු කරන අය වෙති. තමාගේ දක්ෂභාවය ගැන කිසිදු සැකයක් නොකර ඒ අනුවම ක්‍රියාකිරීමට බලන අය වෙති.
රහස් හංගා ගැනීමට හැකියාවක් නැත. ක්‍රීඩා, උත්සව ආදියට ප්‍රිය අයවෙති.

● මෙම ලග්නයේ අය හොඳට ඉතාම හොඳය.
නරකට නම් ඉතාම නරක බවත් කිව යුතුය.
ඔබට වෘශ්චික රැසෙන් උපන් මිතුරු-මිතුරියන් ඇත්නම් ඔවුන් සමග ආශ්‍රය කිරීමේදී ඉතා ප්‍රවේසම් විය යුතුයි. මන්ද යම් වැරැද්දකදී ඔවුන් ඔබ සමග අමනාප වුවහොත් නැවත යාළු කරගැනීමට නම් ඔබට ලේසියට හැකියාවක් නැත. එය ප්‍රබලම ගැටළුවකි.
* මන්ද ප්‍රතිපත්ති පණ මෙන් රකින මොවුන්, වැරදි දෙයට නම් වැරැද්දම කියයි. සමාව දෙන ගතිය අඩුය.
වෘශ්චික ලග්නකරුවන් තරමක් තමන් ගැන පමණක් සිතන අය වුවත්, 9 වැන්නාධිපති සහ 5 වැන්නාධිපතියා වන්නේ, ගුරු සහ සිකුරු යන ග්‍රහයන් නිසා එම තත්ව වල යම් යම් වෙනස්කම් අඩුවැඩි වශයෙන් දක්නට ලැබේ.

● පර්යේෂණාත්මක ජ්‍යොතිෂ්‍යය කටයුතු වලදි අප දැක ඇති වෘශ්චික ලග්න හිමියන් බොහෝවිට සාමකාමිව, සාමදානයෙන් අනුන්ට කරදරයක් නැතිව දුක හෝ සැප විඳගෙන තමන්ම ජීවත් වන සැටියකි.
බොහෝවිට සමාජයට යම් යම් අවවාද අනුශාසනා දී ඔවුන්ව නිවරදි කරන අතර, තම පවුලේ අයටද හොඳ නරක කියාදී යහපත්ව ජිවත් වන පුද්ගලයන්ද වෘශ්චික ලග්නයෙන් උපදින බව අප දැක ඇත්තෙමු.

● මොවුන්, බොහෝ ක්ෂෙත්‍ර වල පෙරමුණ ගෙන සිටී. ව්‍යාපාරික ක්ෂෙත්‍රය, කලා ක්ෂෙත්‍රය යනාදි ක්ෂෙත්‍ර ඇතුළු බොහෝ ක්ෂෙත්‍ර වෘශ්චික ලග්නයට ගැලපේ.
වෘශ්චික ලග්න හිමියන් ඕනෑම ක්ෂෙත්‍රයකට ඉතාම හොදින් සමර්ථකම් දක්වයි.
* ලෝක පූජිත බොලිවුඩ් නිළියක් වන, අයිශ්වර්යා රායිද වෘශ්චික ලග්නයෙන් උපන් කෙනෙකි.
ඇයගේ ජනප්‍රියත්වය දෙස බැලූ කල, ඔබට වැටෙහනවා ඇති ග්‍රහ බලය.

ව්‍යාපාර කටයුතු ගත්කල රෙදිපිළි වෙළදාම, එසේම මනුෂ්‍යයාට සැප සනීපයට අවශ්‍ය බඩු භාණ්ඩ ආදිය වෙළදාම මේ අයට ඉතාම ගැලපේ.

● ව්‍යාපාරික කටයුතු එසේ වෙද්දි වෘශ්චික ලග්නයට සුදුසු රැකියා වන්නේ මේ ඒවාය.
ඉංජිනේරු වෘත්තිය එසේම විශේෂයෙන්ම නාවුක හා ගගන යාත්‍රා වල සේවය. එසේම ගුවන්තොටුපල, වරාය, ධීවර කර්මාන්තය ආශ්‍රිත රැකියා එසේම වෘශ්චික ලග්නයේ ලග්නාධිපති කුජ බැවින් ආරක්ෂක සන්නද්ධ සේවාවල වෘත්තින්, පතල්, රසායන ක්ෂෙත්‍ර වල වෘත්තින් මේවාද ඉතාම ගැලපෙන රැකියාවන්ය.


● ආදර සම්බන්ධතා ගැන, සැලකිලිමත් වීමේදී වෘශ්චික ලග්න හිමියන්, තමාගේ පෙම්වතාගෙන් පෙම්වතියගෙන් ඉතාම ප්‍රතිපත්තිගරුක ආදරයක් බලාපොරොත්තු වෙයි. වෘශ්චික ලග්න හිමියන් සැඟවුනු කාමාශාවක් සිත්හි දරාගෙන ජීවත් වන්නන් වේ. නමුත් තමාගේ භාර්යාවට/ස්වාමියාට ඉතාම තදබල ලෙස ආදරය කරන අය මේ අය වෙති. විශේෂයෙන්ම මේ අය ගැන බැලූකල තම පෙම්වතාට පෙම්වතියටද පණ මෙන් ආදරය කරයි.

* එසේම මීට තව හේතුවක් වන්නේ 7 වැන්නාධිපතියා සිකුරු/ශ්‍රක්‍ර වීම නිසාය.
විශේෂයෙන්ම ආදරය ගැන සැලකීමේදී මොවුන්, ඉතාම දැඩි මානසිකත්වයකින් ආදරය කරයි. එහිදී පවා වැරදි දේට හිස නොමන, වැරදි දේට අනුකම්පා නොකරන තත්වයක් පෙන්වයි.
විවාහයේදී වෘශ්චික ලග්න කරුවන් ඉතා ප්‍රවේශමෙන් කල යුතු කටයුත්තකි. විවාහයට තෝරාගැනීමේදී විශේෂයෙන්ම සැලකිලිමත් විය යුතුය.

* විවාහයට ගැලපෙන ලග්න වන්නේ, වෘශ්චික, මකර, කුම්භ, මීන ලග්නයන් වන අතර වෘෂභ ලග්නයද ඉතාම හොදට ගැලපේ. කටක, සිංහ, කන්‍යා ලග්නද ගැලපේ.
ග්‍රහ බල ගැලපේ නම් තුලා ලග්නයද සුභ බව කිව යුතුයි.
(කේන්දර සටහන් අනුව වෙනස් වේ)

● වෘශ්චික ලග්න අයට සෑදෙන විශේෂ අසනීප අතර, රහස් රෝග විශේෂයි.
එනම් යටි බඩේ රෝග, ලිංගාශ්‍රිත රෝග, එසේම මුත්‍රා අමාරු, හිසේ කැක්කුම් ආදියයි.

● ලග්නයට හොඳ ග්‍රහ බලයක් එල්ල වේ නම්, විශේෂයෙන්ම ලග්නයට ඉතාම සුභ ග්‍රහයා වන ගුරු, සඳු ග්‍රහයන් බලවත් නම් මේ අය අවුරුදු 90ක් පමණ වුවත් ආයුෂ වින්දනය කරති.
විශේෂයෙන්ම කිව යුතුයි, වෘශ්චික ලග්න සුභ ග්‍රහ බල ඇති අය ඉතාම ප්‍රසන්න පෙනුම ඇති, ආරෝහ පරිණාහ දේහයෙන් යුක්ත පුරුෂයන් වෙති.
හොඳ ග්‍රහ බලයක් ඇති කාන්තාවන් ඉතාම රූමත් අය වෙති.

රාශි 12න් වෘශ්චික ලග්නයට අප ඉතාම කැමති වන්නේ ප්‍රතිපත්ති සහ ඇති විවිධත්වය නිසා.

_  දුර්වලතා  _

රහස් රැකීම බැරිවීම, දැන දැන වැරදි කිරීම, අනවශ්‍ය ආකාරයට සකසුරුවම් විමට ගොස් අන් අයට උදව් නොකිරිම.
අන් අය අවිශ්වාස කිරීම, ඉක්මන් කෝපය, ඉක්මන්බව දුර්වලතාය.


 * සුභ දින - විශේෂයෙන්ම සඳුදා, අඟහරුවාදා, බ්‍රහස්පතින්දා සහ විවාහ සහ ව්‍යාපාරික කටයුතු වලට සිකුරාදා, දේපල සහ භූමිය සම්බන්ධ කටයුතු කිරිමට, නීති මාර්ග කටයුතු වලට ඉරිදා ශුභයි.

* ශුභ අංක - 1, 2, 3, 6 වැනි අංක සහ 9

* ශුභ දිශාව - නැගෙනහිර , විශේෂ අවස්ථා වලදි ඊසාන සහ උතුරද සුභයි.

* ශුභ වර්ණය - ඇත්දළ පැහැය, තැඹිලි සහ කහපැහැති වර්ණයන්ය.

* ඉෂ්ට දෙවියන් වන්නේ ඊශ්වර සහ කතරගම දෙවියන්ය.

* එසේම ලංකාද්වීපයේ සමන්තකූට පර්වතයට අධිගෘහිත, මාර්ගඵල ලාභි සුමනසමන් දිව්‍ය රාජෝත්තමයාණන්වහන්සේ වන්දනාමාන කිරිමද වෘශ්චික ලග්නකරුගේ දියුණුවට හේතු වේ.


***  මේ සියල්ල කේන්දර සටහන අනුව වෙනස් විය හැක.
පොත් පත් වලින් අටවා දමන කරුණු නොව අපගේ පර්යේෂණ වලින් සාක්ෂාත් කරගත් කරුණුය.