“ සෝමාවතිය රකින තාරා දේව මෑණියන් “

සෝමාවතිය චෛත්‍ය රාජයාණන්වහන්සේ, බුදුන්වහන්සේගේ දකුණු දන්ත ධාතුන්වහන්සේ, ලලාට ධාතුන්වහන්සේ රකින්නෙ මූලිකව තාරා දේව මෑණියන් විසින්ය.

පසුගිය කාලයටත් වඩා කුසල බලය වැඩි බැවින් දැන් සිටින්නෙ ඉහල ආකාශ තලයේය.

* තාරා දේව මෑණියන් යනු, වලගම්බා රජ සමයේ සිටි සෝමා දේවියයි.
රට ජාතිය පර සතුරන් අතින් විනාශ වන්නට ගිය අවස්ථාවේ, රජතුමා බේරාගැනීමට සතුරන්ට බිලි වී රටම රැකගත්තේ සෝමා දේවිය විසිනි.
ස්වකීය කුසල් බලය නිසා සෝමාවතිය පුදබිම ආරක්ෂා කරන්නට එතුමියට හැකියාව ලැබී තිබේ.

ඉතිහාසයෙන්,

(සෝමාවති චෛත්‍යරාජයා ඇතුළු පුදබිම මුලින්ම ඇති කර ඇත්තේ දුටු ගැමුණු මහරජුගේ පියා වූ කාවන්තිස්ස රජතුමා විසිනි. එකල එම ප්‍රදේශය පාලනය කර අභය රජුට තම සොයුරිය වූ සෝමාවති කුමරිය විවාහ කරදුන් කාවන්තිස්ස රජතුමා, ස්වකීය රාජ්‍යත්වය තහවුරු කරගැනීමටත්, රට ආරක්ෂා කරගැනීමටත් මෙම චෛත්‍යරාජයාණන්වහන්සේ කරවූ බව පිලිගැනේ)
තවද ඉතිහාසය ගැන සිතන්නේ නම්, සෝමා දේවිය යනු වලගම්බා රජතුමාගේ දේවියකි.
වලගම්බා රජු යනු, දුටු ගැමුණු රජුගේ සොයුරු සද්ධාතිස්ස රජුගේ පුතාය.

ඉතිහාස කතාව සහ සෝමාවතිය පුදබිම රකින තාරා මෑණියන් ගැන අදහස වරදවා වටහා නොගන්න. කතා 2කි. චරිත 2 සහ අවස්ථා සිද්ධි 2ක් ගැන විස්තර වේ.

* තාරා මෑණියන් විසින් විහිදුවන දේව රශ්මි මාලා බොහෝදෙනා දැක ඇති බව සිතමු..

මෙම පුදබිම අනුහස් සහිත සුවිශේෂි පුදබිමකි.

‪#‎ඉරුසේවය‬