බුධට අයත් වන මෙම රාශිය වායෝ ගුණයෙන් යුක්තයි. මෙම රාශියෙන් උපන් බොහෝදෙනාට විවිධ හැකියාවන් ඇත. අධ්‍යාපන කටයුතු වලට දක්ෂය. එසේම වාද විවාද කිරිමටත්, තර්කානුකූලව වැඩ කිරිමටත් හැකිය.
● පොදුවේ මිථුන ලග්න හිමියන්, ජීවිතය ගැන අවබෝධයෙන් පිරුණු අනුකම්පාව ඇති අය වෙනව. තැනට අනුව හැසිරීමේ හැකියාවක් ඇත. බුද්ධිය තිබේ. වැඩ කීපයක් උවත් එකවර කිරීමට හැකියාව ඇති අයයි.
අලුත් නුපුරුදු දෙයක් වුවත් බියක් සැකයක් නැතිව කිරීමට පෙළඹේ.
එක වැඩක එක දිගටම අවදානයෙන් සිටීමට නොහැකියාවද යම් තරමකට ඇත. උගත් බුද්ධිමතෙක් ලෙස කතාවේදි කටයුතු කරයි. ධෛර්යවන්ත ගතිගුණ ඇති මානුෂික දයාවෙන් පිරුණු චරිත වෙති.
● මිථුන ලග්න අයගේ රැකියාව, ඉතාම වැදගත් රැකියාව වේ බොහෝදුරට. මහා චින්තකයන්, බුද්ධිමතුන් ව්‍යාපාරිකයන් මෙම ලග්නයෙන් බිහි වේ. කරන කියන දේ කැපී පෙනෙන්ට කරන්නට මේ අය දක්ෂයි.
* රවි-බුධ යෝගයක් තිබේ නම් හොඳින් අධ්‍යාපන කටයුතු කරයි.
විශේෂයෙන්ම ලග්නයේ(1), 3, 4, 5, 7, 8, 9, 10, 11 වැන්නේ තිබේ නම් බොහෝ හොදයි.
ඒ අතරිනුත් 4 වැන්නේ හෝ 11 වැන්නේ තිබිම විශේෂයි.
* කුජ - ගුරු යෝගයක් ඇත්නම් දේශපාලනයට පැමිණ එහි උසස්ම තත්වයට පත්විමේ වාසනාව පවා හිමි අය වෙති.
* මිථුන ලග්න හිමියන් පිරිසිදුවට, පිලිවෙලට සිටිමට කැමතිය.
● ප්‍රේමය, ආදරය සහ පුද්ගල සම්බන්ධතා සම්බන්ධව වඩාත් හිත යයි. ඒවාට කැපවේ. එසේම තමන්ගේ ස්වාමියාට, බිරිදට, පෙම්වතියට දැඩි ලෙස ආදරය කරයි.
මිථුන ලග්නයේ අයට ලිංගික ආශාවද සාපේක්ෂව වැඩිය. හොඳ ලිංගික ප්‍රබෝධයක් ඇති අය වෙති. ලිංගික රසයට බොහෝ කැමති අය වෙති. මෙම ලග්නයේ අය අනියම් ඇසුරට පත්වීමේ හැකියාවද වැඩි අය වෙති.
* ග්‍රහ බල හොදයි නම් මේ ලග්නයේ අය පොදුවේ අවුරුදු 75-80ක් ආයුෂ වළදයි.
● බොහෝවිට මිථුන අයට ඇතිවන රෝග නම් පපුවේ අමාරුව, ශ්වසනා බාධ සහ නහර ආශ්‍රිතව ඇති කරන රෝගයි.
● බදාදා සහ සිකුරාදා දින ශුභ දින වේ.
● 5 සහ 6 අංක ජය අංක ලෙස හොඳයි.
● මිථුන ලග්න අයට පච්චගල සහ පුෂ්පරාග පැලදීම හොඳ බව කිව යුතුයි.
___ *** මෙම සියලු කරුණු පොදු කරුණුය. කේන්දර සටහන අනුව මෙම පලාපලය වෙනස් විය හැක. ___
No comments:
Post a Comment