ඔබට මේ සතිය සමඵලයි.
ඉතාම උද්යෝගයකින් ආරම්භ වන මේ සතියෙදි ආර්ථික තත්වය සාර්ථකව ඉදිරියට ගෙනයාමේ වගකීම ඔබ සතුව පවති. මන්ද සතිය පුරාම ශුභාශුභ විචල්‍යව පවතින නිසාය. ණය තුරුස් ගැනීමෙන් සහ ණයට දීමෙන් පරිස්සම් වන්න.
ගෘහ ජිවිතයත් විචල්‍ය ආකාරව ගත වේ. ඔබට මෙම කාලයත් එක්ක ගෘහ ජිවිතයේ ආර්ථික සමාජීය යම් යම් පෙරලි ඇතිවේ. සතුරු කරදරද ඒ අතර වේ. සතිය අගට දවස් 2කට කලින් මංගල යෝජනා ස්ථිර වීමටත් අලුත් ප්‍රේම සබදතා ඇතිවිමටත් එය හේතුවක් වේ.
සෞඛ්‍ය තත්වය එතරම් අයහපත් නැතත්, උදරාබාධ සහ සෙම් අසනීප ගැන කල්පනාකාරි වන්න.
● වෘෂභ
මේ සතිය ඔබට තරමක් සුභයි.
ආර්ථික තත්වය දියුණු කරගැනීමට සතියේ මුල් දින කිහිපය ඔබට උදව් කරයි. සුවිශේෂි ග්‍රහ බලයක් සමග ආරම්භ වන මේ සතිය ඔබගේ භූමි ලාභ කරන කියන ව්‍යාපාරික කටයුතු සාර්ථක වීම සහ ලැබීම් භාග්‍ය ඇති කරයි.
ගෘහ ජිවිතය වාසනාවන්තව ගත කරගැනිමට ඔබට හැකියාව ඇත. නව භූමි ලාභ ලැබීම හෝ දුවාදරුවන්ගේ දියුණුවට යම් දෙයක් කිරිම, නිවසට නව උපකරණ මිලදී ගැනීම මේ ආදි කටයුතු ඔබගේ සාර්ථකත්වයට මංපෙත් විවර කරවයි.
සෞඛ්‍ය තත්වය එතරම් අයහපත් නැහැ. නමුත් උදරාබාධ සහ ආමාශගත වේදනා ඇතිවිමට පුලුවන් බැවින් ඒ ගැන කල්පනාකාරිව සිටින්න.
● මිථුන
ඔබට ශුභ පල සතියකි.
සතිය ආරම්භයෙදිම ඔබගේ කැපවීම මත ඔබට සතිය ආර්ථික වශයෙන් හොද ගමනක් යෑමට පුලුවන. විශේෂයෙන්ම වෙළහෙලදාම් වල නියුතු අයටත් විදෙස් රැකියා වල නියුතු අයටත් මේ කාලය ඉතාම වටිනා බව කිව යුතුය.
ගෘහ ජිවිතය හොදම තත්වයේ පවතී. එසේම ඥාතින් මිත්‍රයන් ගෙදරට එන සහෝදර සහෝදරියන් ගෙදරට එන තත්වයක් පෙන්වයි.
සෞඛ්‍ය තත්වය යහපත්ය. ඔබගේ පපුවේ සෙම් අමාරු ඇත්නම් ඒ ගැන කල්පනාකාරි වීම යහපත්ය.
● කටක
මේ සතිය ඔබට ශුභයි.
අතපසු වූ ගොඩාක් දේවල් ඔබට කරගැනීමට පුලුවන්. ඔබට මෙම සතියෙදි බොහෝ ආදායම් ලබා ගැනීමේ අවස්ථාව හිමි වේ. තවද භූමි ලාභ සහ දේපල ලාභ හිමි වෙයි. උරුමහරුමකම් වලට යම්කිසි සහයෝගයක් ග්‍රහ තත්වය මගින් ලැබේ.
ගෘහ ජිවිතය ඉතාම හොදයි. ඔබට එම වාසනාවන්ත ග්‍රහචාරයක් මේ අවස්ථාව වනවිට උදා වේ. තවද ඥාතින් මිත්‍රයන් නිතරම නිවසට එන යන සතියකි. සිතට සතුට ලැබේ.
සෞඛ්‍ය තත්වය සෙම් අමාරු සහ ආමාශගත රෝග ඇතිවීමට පුලුවන්.
● සිංහ
ශුභදායක සතියකි.
මේ සතියෙදි අතපසුවූ බොහෝමයක් වැඩ කටයුතු ඔබ විසින් පූරණය කරගැනීමට පුලුවන. එසේම ආදායම් මාර්ග වලට ඇතිව තිබූ බාධක දුරු වෙන බවක් පෙනෙයි. එසේම පිට පලාත් වල වැඩ කරන අයටත් විදෙස් රැකියා වල නියුතු අයටත් බොහෝවිට වෙලද ව්‍යාපාර වලට සම්බන්ධ අයට තමාගේ හැකියාවේ හැටියට ධන ධාන්‍ය තත්වය දියුණු කරගැනීමට පුලුවන.
ගෘහ ජිවිතය අතින් ගත්කල ඉතාම වාසනාවන්ත සතියක් වන මෙම සතියෙදි, තමන් සමාජයේ ජනප්‍රිය විමට ඇති හැකියාව වැඩිය. ඔබට මෙම කාලයේදී විශේෂයෙන්ම ප්‍රිය සම්භාෂණ, ප්‍රීති උත්සව ආදියට සහභාගි විමට හැකියාව ලැබේ.
සෞඛ්‍ය තත්වය විශේෂයෙන්ම ගැටළුවක් නැති වුවත් සෙම් අමාරු සහ හිසේ කැක්කුම ගැන කල්පනාකාරි විය යුතුයි. සතිය අගදී පපුවේ සෙම හැදෙන්න පුලුවන්. තෙමෙන එක හොද නැහැ.
● කන්‍යා
මිශ්‍රපලයි.
සතිය ආරම්භයෙදි ඔබගේ වැඩකටයුතු වලට එතරම් උද්යෝගයක් නොතිබුනද සතිය මැදදී මෙම තත්වය පහව යයි. විශේෂයෙන්ම ආර්ථික තත්වය දියුණු කරගැනීමට යම්කිසි ධනාත්මක චින්තනයකින් ඉදිරියට යාමට සිතයි. කෙසේ වුවද සතිය මැද, අග වනවිට ඔබගේ ආර්ථික තත්වය දියුණුවීමට ඇති හැකියාව වර්ධනය වේ.
ගෘහ ජිවිතය අතින් ගත්කලද එතරම් අයහපත් නොවන සතියකි. විශේෂයෙන්ම පවුලේ අය සමග ප්‍රීතියෙන් සිටීමට සිත් පහල වෙයි. එසේම ඔබගේ කාලයෙන් වැඩි කොටසක් දුවාදරුවන් සමග සිටීමට සිතෙයි. එසේම ඔබ ගැන යහපත් ආරංචි සමාජයේ පැතිරෙයි.
සෞඛ්‍ය තත්වය විශේෂ ගැටළුවක් නැහැ. ඔබ සෙම් රෝග වලින් ආරක්ෂා වන්න.
● තුලා
සමඵල සතියකි.
විශේෂයෙන්ම සතිය මුලදි තිබුනු ප්‍රබෝධය සතිය 3-4 වන දින වල තරමක පසුබසී. එනම් ආදායමට වඩා වියදම, අනවශ්‍ය දේට මුදල් වැයවීම එසේම නුවුමනා දේවල් වලට මුදල් වැයකිරිම මේ ආදිය වෙයි. විශේෂයෙන්ම ණය ගැනීම සහ ණයට දීම ගැන දෙවරක් සිතන්න. නමුත් සතිය අග වනවිට මේ තත්වය ඔබගෙන් පහව යයි.
ගෘහ ජිවිතය සාමාන්‍ය පරිදි ගත වෙන අතර, අඹුසැමි ප්‍රේමය දළුලයි. විශේෂයෙන්ම සහකාර සම්බන්ධය ඉතාම තදින් දැනෙන තත්වයක් බවට පත්වෙයි.
සෞඛ්‍ය තත්වය එතරම් ගැටළුවක් නොවේ. සෙම් ගෙඩි වලින් පරිස්සම් වන්න. එසේම පාද වල යම් වේදනා ඇතිවිය හැක.
● වෘශ්චික
මේ සතිය ඔබට හොදයි.
විශේෂයෙන්ම වෙලද ව්‍යාපාරික කටයුතු වල නිරත ඔබට ඉතාම හොදයි. තවද ආර්ථික වශයෙන් ඔබ ඉහලට ගැනීමේ යම්කිසි හැකියාවක් මෙම ග්‍රහ තත්වයට පවතී. ඔබ වාසනාවන්ත තත්වයක් ගොඩනගා ගනී.
ගෘහ ජිවිතය ඔබට අලුත් යාළු මිත්‍රයන් අඳුනා ගැනීමට හැකිය. එසේම ඔබ පිට පලාත් වල යෑමෙන් අලුත් සම්බන්ධකම් ඔබට ඇතිවෙයි.
සෞඛ්‍ය තත්වය අයහපත් නොවේ.
● ධනු
ඉතාමත්ම සුභ සතියකි.
ආර්ථික අංශයෙන් කිසිම ගැටළුවක් නොමැත. ඔබ ව්‍යාපාරික කටයුතු කරන්නේ නම් මූල්‍ය ආයතන වලින් හෝ තමන්ගේ වැඩිහිටියන්ගෙන් හෝ දියුණුවට ආධාර උපකාර ලැබෙන සතියකි. විශේෂයෙන්ම මේ සතියෙදි තමන්ගේ ආර්ථික තත්වය ගොඩනගා ගැනීමට ඔබ උනන්දු වන්න. ව්‍යාපාරික කටයුතු වල නියුතු අයට ඔබගේ භාණ්ඩ අලෙවි කරගැනීමට මහගුම අවස්ථාවක් ඔබට ලැබෙන්නේ මේ දවස් වල.
ගෘහ ජිවිතය ඉතාම හොදයි. ඔබගේ දුවාදරුවන් සමග ප්‍රීතිමත්ව සිටීමට ඔබට අවස්ථාව හිමිවනු ඇත. පිටපලාත් වල සංචාරද යහළු යෙහෙලි ඇසුරද මේ සතියෙදි සිදුවේ. සිත ප්‍රීතියෙන් පිරේ. දේශපාලන කටයුතු වල නියුතු අයට කාන්තා ආකර්ෂණයද හිමි වෙයි.
සෞඛ්‍ය තත්වය අයහපත් නොවෙයි. සතිය අගදි වැටීම සහ තුවාල වීම් වලින් ආරක්ෂා වන්න.
● මකර
ඔබට සාමාන්‍ය සතියකි.
සතිය මුලදී ඔබට යම් යම් දුෂ්කරතාවයන් වලට මුහුණ දීමට සිදුවෙයි. ඔබ ආර්ථික වශයෙන් පාඩු විඳ ගැනීමට සූදානම්ව සිටිය යුතුය. නමුත් සතියේ මධ්‍ය කොටසෙදි එය ක්ෂණිකව වෙනස් වෙයි. එසේ නම් ඔබ මෙම සතියෙදි ආරම්භ කිරිමට නියමිත යම් යම් සුභ කටයුතු සතිය අග තෙක් ප්‍රමාද කිරිම හොදයි. එමෙන්ම ඔබගේ වාසනාවන්ත කාලය ඊටපසු උදා වෙයි.
ගෘහ ජිවිතය සතියේ මැද වන විට ඉතාම ප්‍රීතිමත් වේ. ගමන් බිමන්, සංචාර, ප්‍රිය සම්භාෂණ ආදි දේවල් වලින් අලංකෘත වේ. විශේෂයෙන්ම වැඩිහිටි මකර ලග්න හිමියන්ට වන්දනා ගමන් වල යාමට හැකියාව ලැබේ. එය හොදයි නේද....?
සෞඛ්‍ය තත්වයද ඉතාම යහපත් වේ.
● කුම්භ
මේ සතිය මධ්‍යඵලයි.
සතිය මුල මෙන්ම අගදී හොද ප්‍රතිඵල ඔබට ලැබේ. විසේස වශයෙන් හවුල් ව්‍යාපාර වල නියුතු ඔබගේ ආර්ථික තත්වය යහපත් වේ. වෙළද ව්‍යාපාර, රැකියා දියුණු වේ. සතිය අගදී ආර්ථික දියුනුවක් උදෙසා ඔබට පිටපලාතකට යෑමට සිදුවේ.
ගෘහ ජිවිතය තුල අඹුසැමි ප්‍රේමය දළුලන අතර, දෙදෙනාගෙන් දෙදෙනාට තෑගි බෝග හුවමාරු කරගැනීමට
අවස්ථාව ලැබේ. එසේම දුවාදරුවන් සමග ප්‍රීතියෙන් ගත කිරීමට ඔබ උත්සුක වන අතර පවුලේ යම්කිසි ප්‍රිය සම්භාෂණයක් වෙනුවෙන් ඔබ පවුල පිටින් යයි.
සෞඛ්‍ය තත්වය ප්‍රශ්නයක් නැහැ. කුම්භ ලග්නයේ කුඩා ළමුන්, ජලාශ්‍රිත ක්‍රියාකාරකම් වලින් ඈත් වී සිටිම හොදයි.
● මීන
සතිය එතරම් ශුභ නැත.
මන්ද සතුරු රාශිගතව චන්ද්‍රයා සිටිම පසුව 8 වැන්නේ චන්ද්‍රයා ගෝචරය වීම මෙයට ප්‍රධාන හේතුවයි. මේ සතිය තුලදී ඔබ විශේෂයෙන්ම ප්‍රවේසමෙන් සිටිය යුතුය. ආදායම පහල යෑමටත් විශේෂයෙන්ම සතුරු කරදර ඇතිවිමටත් හේතුවෙයි. ණය ගැනීම, ණය දීම ආදි කටයුතු වලින් වලකින්න. ඔබ අත යම් මුදලක් හදලක් තියෙනවා නම් එය ආරක්ෂා කරගැනීමට උනන්දු වන්න.
ගෘහ ජිවිතයෙදි ඉවසීමෙන් කටයුතු කරන්න, සතිය මැදදී ඇතිවන ග්‍රහමය නිදහසෙදි පවුලේ සාමාජිකයන් සමග ප්‍රීතිමත්ව සිටින්න. නිවසෙන් පිටව සිටිම මේ සතියෙදි හොදයි.
සෞඛ්‍ය තත්වය ගත්විට සෙම් අමාරු සහ උදරාබාධ මූලිකයි. ග්‍රැස්ට්‍රයිටීස් වර්ධනය වීමට පුලුවන්.
No comments:
Post a Comment