සතියේ ලග්න පලාපලය - මාර්තු 16 සිට

●  මේෂ
ඉතාම සුභ සතියකි.
ආර්ථික තත්වය දියුණු වෙයි, වෙළද ව්‍යාපාර කරන අයට සුබයි. රැකියා වල නියුතු අයට ඉල්ලුම් කල ණය මුදල් හෝ වෙනත් පාරිතෝෂික ලැබෙයි.
ගෘහ ජිවිතය ප්‍රීතියෙන් ගතවන අතර නිවසේ කටයුතු වෙනුවෙන් වැඩිපුර මුදල් වැය කරයි. සතිය මැදදී ඥාතියෙකුගේ, මිත්‍රයෙකුගේ ගමනක් අපේක්ෂා කල හැක. මෙම සතිය අවසන් වන විට ඔබගේ ජිවිතයේ ගොඩක් දේ සාර්ථක වනු ඇත.
සෞඛ්‍ය තත්වයේ ගැටළු නැති වුවද නිදන්ගත රෝග ඇති අය පරිස්සම් වන්න.

●  වෘෂභ
ඉතාම ප්‍රීතිමත් සතියකි.
කොටස්කාරයන්, හවුල් කාරයන් නිසා ආදායම් වර්ධනය වේ. ව්‍යාපාරිකයන්ට සුබයි. විදෙස් රැකියා කරන අයට සුබයි. තවද කාලාන්තරයක් බලාගෙන සිටි වැඩිහිටියෙක්ගෙන් උරුමහරුමකම් ලැබේ.
ගෘහ ජිවිතය ඉතාම වාසනාවන්තයි. සතිය මුලදී පුණ්‍ය කටයුත්තකට හිත යෙදේ. එසේම ආර්ථික කටයුතු වෙනුවෙන් කාර්යබහුල වුවත් නිවස ගැන සැලකිල්ලක් ඇත. ඔබටත් නව මිතුරු මිතුරියන් ඇසුරුකිරිමට, ප්‍රිය සම්භාෂණ වලට සහභාගි විමට වාසනාව ඇත.
සෞඛ්‍ය ගැටළු ලෙස, මුත්‍රා අමාරු, වාත ආබාධ වේ.

●  මිථුන
හොඳ සතියකි.
සතියේ මුල් දවස් 2 හමාරෙදි ණය ගැනීමෙන් සහ ණය දීමෙන් පරිස්සම් විය යුතුයි. ගිවිසුම් වලට එළඹෙන්න එපා. ඉන්පසු ඉතිරි දවස් කීපයම ඔබට ඉතාම වාසනාවන්ත වෙන බැවින් නව වෙළද ව්‍යාපාර ආරම්භ කිරිමටද තියෙන දේ දියුණු කරගැනීමටද වාසනාව ලැබේ.
ගෘහ ජිවිතයේ ලොකු වරදක් නැහැ. සතිය මැදදී දුර බැහැර ගමනක්/ වන්දනා ගමනක් යාමට වාසනාව ලැබෙන්න පුලුවන්.
සතියේ මුල් දවස් 2-3 තුල සෙම් රෝග හෝ යටපත් වූ වෙන රෝගයක් ඇතිවිමට පුලුවන් පරිස්සම් වන්න.

●  කටක
ඉතාම ප්‍රීතිමත් වූ සතියකි.
කොටස්කාරයන් සහ හවුල්කාරයන්ගෙන් දියුණුවට ලොකු සහයෝගයක් ලැබෙන අතර, ආර්ථිකයේ නව මංපෙත් විවර කරගැනීමට වාසනාව ලැබෙනවා. ප්‍රබල වූ ගජකේශරී යෝගයක් යෙදෙන මේ අවස්ථාවෙදි පරිවාර සම්පත්තිය නිසා ඒවා තමන්ගේ දියුණුවට හේතු වෙනවා. බොහෝම හොදයි.
ගෘහ ජිවිතය ප්‍රීතියෙන් ගත වෙනවා. වරදක් නැහැ. දුවාදරුවන්ගේ දක්ෂතා මතුවන අතර අවිවාහක අයට මංගල යෝග උදා වේ. දියුණුව සෙත සැලසේ.
ඔබට සෞඛ්‍ය තත්වයේ වරදක් නැහැ.

●   සිංහ
එතරම් හොදයි කියන්න බැහැ.
සතිය පුරාම මුදල් අඟහිඟකම් පාඩු, අලාභ හානි සිද්ධ වෙනව. විශේෂයෙන්ම තමන්ට ලැබීමට තිබූ මුදල් එසේම අවස්ථාවන් මගහැරි යන්න පුලුවන්, එය ආර්ථිකයට පහරක් වෙන්න පුලුවන්. ණයට ගැනීමත්, ණය දීමත් හොද නැහැ. ගිවිසුම් වලට එළඹෙන්න එපා.
ගෘහ ජිවිතයත් එතරම් සාර්ථකයි කියන්න බැහැ. විවාහකයන් අතර භේද ඇතිවිමට පුලුවන්. මේ තත්වය සතිය මැදදී සහ අගදී ඉතාම නරක විදියට යෙදෙන්න පුලුවන්. බුද්ධියෙන් කටයුතු කරන්න. දුර බැහැර ගමන් වලින් පාඩු සිදුවිය හැකියි.
සෞඛ්‍ය තත්වය සෙම් අමාරු, බඩේ අමාරු, මුත්‍රා අමාරු ගැන පරිස්සම් වන්න.

●   කන්‍යා
මිශ්‍රඵලයි.
සතිය මුලදී තිබුනු ආර්ථික ප්‍රබෝධය සතිය අගදි නැතිවෙනවා. සතිය අගදී ව්‍යාපාරික කටයුත්තකදි දැවැන්ත පාඩුවක් සිද්ධ වීමට ඉඩ ඇත. එනිසා පරිස්සමින් කටයුතු කරන්න.
ගෘහ ජිවිතය සතියේ මුලදී වාසනාවන්තයි. සතිය අගදි එතරම් සුබ නැහැ. සතිය අගදී අඹුසැමි ප්‍රශ්න, දරුවන් සමග ගැටළු ඇතිවිය හැකි බුද්ධිමත්ව කටයුතු කරන්න.
සෞඛ්‍ය තත්වය එතරම් යහපත් කියන්න බැහැ. සෙම් අමාරු ආදිය ඇතිවිය හැක. පරිස්සම් වන්න.

●  තුලා
වරදක් නැති සතියකි.
ආර්ථික දියුණුව සැලසෙන අතර විවිධ මාර්ග වලින් තමන්ට මුදල් හදල් ලැබෙනවා. එය  විශේෂයෙන්ම හොදයි. මිතුරන්ගෙන් උදව් උපකාර ලැබෙන අතර වැඩිහිටි ඥාතින්ගෙන්ද උදව් උපකාර ලැබේ.
ගෘහ ජිවිතය ඉතාම ප්‍රීතිමත්ව ගත වෙනව. දුවාදරුවන් සමග විනෝද වීමට හොද අවස්ථාවක්. එසේම පිටපලාත් වල සංචාරය සිද්ධ වෙනව.
පපුවේ සෙම් ගතිය සහ උදරාබාධ ඇතිවිමට ඉඩ තිබේ, * ප්‍රවේසම් විය යුතුමයි.

●   වෘශ්චික
ඉතාම හොදයි.
ආර්ථික වාසි සිදුවෙනවා. පිට පලාත් වල කරන සංචාර වලින් වෙළහෙලදාමෙන් දියුණු වෙනවා. තැන්පත් ධනය වර්ධනය වෙනව. ණය අය වෙනවා. රැකියා කරන අයට උසස් වීම් සහ විවිධ පාරිතෝෂික හිමි වේවි.
ගෘහ ජිවිතය ප්‍රීතිමත්ව ගත වෙන අතර, නෑදෑ හිතමිතුරන් සහ සහෝදරයන් සමග සුහදතාවය වැඩි දියුණු වේ. නව නෑදෑ හිතමිතුරන් ඇතිවේ. සතිය මැදදී නිවසට නව බඩු මුට්ටු ගැනීමට සහ දරුවන් වෙනුවෙන් යුතුකම් ඉටු කිරිමට හැකි වේ.
සෙම් කෝප විම නිසා ඇතිවිය හැකි රෝග ඇති විය හැක, පරිස්සම් වන්න.

●   ධනු
හොඳ සතියකි.
කලාතුරකින් මෙවැනි ග්‍රහචාරයක් ලැබුවේ. මේ සතියෙදි ආර්ථික දියුණුව සීග්‍රගාමිව වර්ධනය වෙනවා. උරුමහරුමකම් ලැබෙන අතර, තමාගේ උත්සාහවන්තකම නිසා සතිය මැදදි විවිධ ජයග්‍රහණ ලැබේ.
ගෘහ ජිවිතය වෙනත් සති වලට වඩා හොඳ තත්වෙක තියෙනවා කියන්න පුලුවන්. එසේම වෙනදාට වඩා තමාගේ දරුවන් සහ බිරිඳ සමග සන්තෝෂයෙන් සිටිමට ආශා කරනවා. එය හොදයි.
සෞඛ්‍ය ගැටළු නැති වුවද සෙම් අමාරුථ මුුත්‍රා ආබාධ සහ පාද වල වේදනා ඇතිවෙන්නට පුලුවන්.

●   මකර
හොඳම සතියකි.
සතිය පුරාම ආර්ථික දියුණුව සහ ලාභ ප්‍රයෝජන ඔබට හිමි වෙනවා. ණය තුරුස් අය වෙන අතර, නව ආයෝජන මාර්ග උදා වෙනව.
ගෘහ ජිවිතය ජිවිතය ඉතාම ප්‍රීතිමත්. මංගල යෝග උදාවෙන කාලයක්. අවිවාහක අයට ප්‍රේම සබදතා සාර්ථක වෙන කාලයක්. සියලු දෙනා සමග ප්‍රීතියෙන් සිටිමට හැකි කාලයක්. ලොතරැයි වාසනා ඇති බැවින් ඒවා ගැනීමට උනන්දු වන්න.
සෙම් අමාරු වලින් පරිස්සම් වන්න.

●   කුම්භ
හොද සතියකි.
සතිය මුලදි ආර්ථික පාඩු බලාපොරොත්තු විය හැකියි. ඉන්පසු යම්කිසි තත්වයකින් තමාගේ වැඩ කටයුතු කරගෙන යාමට හැකියාව තියෙනවා. රැකියා කරන අයගේ දියුණුව සැලසෙනවා. සතියේ මුල් දවස් 2 තුල ගිවිසුම්, පොරොන්දු පත්‍ර ආදියට අත්සන් කරන්න එපා.
ගෘහ ජිවිතය ප්‍රීතිමත්ව ගත වෙනවා. මුල් දවස් 2දි යම්කිසි රණ්ඩු, හිත් නොහොදකම් ඇතිවිය හැකි නිසා පරිස්සම් විය යුතුය. ඒ සම්බන්ධව වෙනයම් ගැටළු නොමැත.
සෞඛ්‍ය තත්වයේ වරදක් නැහැ. උදරාබාධ සහ පීනස සම්බන්ධ අසනීප ඇත්නම් ඒවායෙන් ආරක්ෂා වන්න.

●   මීන
ශුභාශුභ මිශ්‍රපල සතියකි.
සතියේ මුල් දවස් 2-3දි හොද උවද සතිය අගදී ආර්ථික පාඩු විය හැක. කරන කියන කටයුතු වලට බාධක ඇති වෙනවා. ඉවසීමෙන් කටයුතු කල යුතුයි.
ගෘහ ජිවිතය සාමාන්‍ය පරිදි ගත වෙන අතර, සතිය මැදදී යම් ගමන් බිමන් ඇතිවිමට පුලුවන්. වෙන ගැටළුවක් නැහැ.
සෞඛ්‍ය තත්වය තරමකට හොදයි. එසේම රාහු කේතු ලග්නගතව ඇති නිසා එයින් ඇතිවන මානසික පීඩාව දුරු කරගත යුතුයි.

____

* භාව කේන්දරයේ සම්පූර්ණ පලාපල විස්තරය ලබාදෙන, Word Doc. සේවාව හෝ Skype/දුරකථන මාර්ග සේවාව 
* නාමකරණය  (පුද්ගල, ව්‍යාපාර) (නම් තැබීම).
* නිවසට පැමිණ වාස්තු විද්‍යා උපදේශනය,
* කාර්යාලයට පැමිණ සේවා ලබාගැනීම ඇතුළු
 සියලූම ජෞතිෂ්‍ය කටයුතු සඳහා inbox කරන්න. 
irusewaya@gmail.com.
0711 345 364