_ දෙහි කැපීමෙන්, ඇස්වහ පිච්චීමෙන් ඇතිවන යහපත _

එදිනෙදා අපගේ ජිවිතයේදී අපගේ ජීවන වෘත්තින් සහ කටයුතු කරගෙන යනවිට, අපට විවිධ වූ දුෂ්කරතා එමෙන්ම බාධක මතුවෙයි.
මේ අතර සමහර අය අප සමග රණ්ඩුවට එයි. ඒවගේම අපට පහරදීමට සමහර අය පුලුවන්.
ඒවගේම බණින්න පුලුවන්.
හැබැයි අපිට කවුරුහරි බැන්නොත් අපිට ඉවසගන්න පුලුවන්. ගහන්න ආවොත් අපේ ශක්ති ප්‍රමාණයෙන් ඒක මර්දනය කරගන්න පුලුවන්.

නමුත්  ඇස්වහ, කටවහ, හෝ වහ, අ‍ඬෝ වැඬියා දෝෂ මර්දනය කරගන්නෙ කොහොමද ?

ඔන්න ඕක තමයි ප්‍රශ්නේ ?

දමිල භාෂාවේ කියමනක් තියෙනවා,

“ගලෙන් ගැහුවොත් බේරෙන්න පුලුවන්, ඇස් වලින් ගැහුවොත් බේරෙන්න බැහැ කියල“.

ඒනිසා ඇස්වහ කටවහ කියන එක අපගේ ජිවිත වලට, දරුවන්ට, ව්‍යාපාර වලට යහපත් ජිවිතයට විවිධාකාර පුද්ගලයන්ගෙන් එනව. සමහර දේට අපේම ඇස්වහ එනව.
සමහරු වෙන අයගේ දියුණුව දැකල හූල්ලනවා. අයියෝ මට නැහැනෙ කියල.

“ අපි අමාරුවෙන් හරි අනුන්ගෙ දියුණුව දැකල සතුටු වෙනව නම් ඒක අපිටත් හොදයි, ඒක අපගේ මනුස්සකම සම්බන්ධවත් වටින දෙයක්“.

බොහෝ අය කරන්නෙ අනුන්ගෙ දියුනුවට ඉරිසියා කරනවා, හූල්ලනවා, ඇස් වලින් බලල යම්කිසි චිත්ත වේග හිතට ගන්නව.
ඒවෙලාවෙදි ඒ පුද්ගලයගේ කිරණ ඒ තැන් වලට ගමන් කරනව කියල විද්‍යාත්මකවත් ඔප්පු වෙලා තියෙනව.

ගමේ කතාවක් තියෙනවා, කොස් ගහක් දිහා බලල ඒක දිහා ඉරිසියාවෙන් බැලු මොහොතක ඒ අතු කොස් එක්කම කඩා වැටුනු පුවතක්.

●  ඉතින් දෙහි කැපීමෙන්, ඇස්වහ පිච්චීමෙන් එම දේවල් නැති වෙනව.
දෙහි කැපීමෙන් පුද්ගලයගේ අහිතකර කිරණ මර්දනය වෙලා, හිතකර කිරණ වර්ධනය වෙනව.
ඒ කියන්නෙ සියලු යහපත සිදු වෙනව.

●  දෙහි කැපීමෙන්, පුද්ගලයගේ රෝගාබාධ ඒවගේම වින බන්ධන, හිර බන්ධන පවා නැතිවෙනව.
ඇස්වහ පුච්චන්න අවශ්‍ය වෙන ද්‍රව්‍ය තියෙනවා,

●  ඇස් පොල්කටු, අබ, ගම්මිරිස්, ලුණු, තුංමං හන්දියෙ පස්, මිදුලේ පස්. දෙහි කොළ, ගේ අතුගාපු කුණු, තමන්ගෙ ඇඳුම් වල නූල් දාලා තමයි ඇස්වහ කටවහ දෝෂ නාශනය කරන්නෙ.

දෙහි කපන අවස්ථාවෙදිත්, ඒකට අදාල ස්ත්‍රෝත්‍රයක් කියල දෙහි කැපීමෙන් ශාන්තිය උදා වෙනව. !