ව්‍යාපාර තත්වය පෙර තිබූ පරිදි කරගෙන යාමට හැකි වෙයි. විදේශ ගමන්, විදේශ මිතුරන් ඇසුරු කිරීමට ඉඩ ලැබෙයි. සුළු සුළු අතපසු වීම් නිසා පසුතැවීමට පවා සිදුවිය හැක. නව ව්‍යාපාර ඇරඹීම් යනාදියට සුබ කාලයකි.
රැකියා ස්ථානයේ මතභේද, ගැටළු ආදියට මැදිවි කටයුතු කරගෙන යාමට සිදුවන කාලයකි. රැකියාවේ වෙනසක්ද සිදුවීමට හේතු විය හැකි කාලයකි. රැකියා ස්ථානයේ තිබුනු ගැටළු නිරාකරණය වෙයි.
ගෘහ ජිවිතය තුල විවාහ අපේක්ෂාවෙන් සිටි අයට මංගල යෝග උදා වේ. යෝජනා ස්ථිර වෙයි. ගේ දොර වැඩ කටයුතු පිලිබදව සිත යොමුවේ. ප්‍රිය සම්භාෂණ ආදියට සහභාගි වීමට ඉඩ ලැබේ.
-
● වෘෂභ
ව්‍යාපාර ණය ආදිය ඉල්ලුම් කිරීමට සුභ කාලයකි. ඉල්ලුම් කර තිබුනු ණය ලැබීමටද යහපත්ය. වාහන සම්බන්ධ කර්මාන්ත වල යෙදී සිටින අයගේ ව්‍යාපාර තත්වයන් දියුණු කරගත හැකි වේ. ධන ලාභ ලැබෙන කාලයකි.
රැකියාවේ අලෙවිකරණය, උපදේශනය ආදි රැකියා කර්මාන්ත වල යෙදෙන අයට සුබ කාලයකි. නව රැකියා උදා වේ. රාජ්‍ය අංශයේ රැකියා වලට යහපත් කාලයකි.
ගෘහ ජිවිතය තුල අඹුසැමියන් අතර හොඳ හිත තහවුරු වේ. ඉගෙන ගන්නා දරුවන්ගේ අධ්‍යාපන තත්වය වඩා යහපත් වේ, ගුරුවරුන් - විදුහල්පති ඇති සැමගේ පැසසුමට ලක්වන කාලයකි.
සෙම් රෝග ආදි රෝග පීඩාවන්ට ලක්වීමට ඉඩ ඇත.
-
● මිථුන
කරගෙන යන ව්‍යාපාර අඩපණ වීමක් හෝ නැවතීමක් පෙන්නුම් කරන සතියකි. එහෙත් කල්පනාකාරීව කටයුතු කිරීමෙන් මේ තත්වයන් මඟ හරවා ගැනීමට හැකියාව ලැබේ. නව ව්‍යාපාර ආරම්භයට සුභ කාලයකි. සුළු සුළු සිත් තැවුල් ඇතිවීමට හැකියාව ඇති කාලයකි.
රැකියා ස්ථානයේ යහළු යෙහෙලියන්ගේ ඇප උපකාර හිමි වේ. ස්වයං රැකියා වල යෙදී සිටින අයගේ දියුණුව පෙන්නුම් කරන සතියකි. නව රැකියා උදා වේ.
ගෘහ ජිවිතය තුල ගේ දොර අලංකරණයට සිත යොමුවේ. ආගන්තුකයන්ගේ ඇසුර වැඩි වේ. දරු සම්පත් බලාපොරොත්තු වන අයගේ ප්‍රාර්ථනා ඉටු වේ.
-
● කටක
රාජ්‍ය ආයතන වලින් මූල්‍යමය ඇප උපකාර ලැබෙයි. හවුල් ව්‍යාපාර වල මතභේද - මත ගැටුම් ඇතිවිය හැකි නිසා ඒ තත්වයන්ට බුද්ධිමත්ව මුහුණ දෙන්න. නව ව්‍යාපාර ආරම්භ කිරිමට සුභ කාලයකි.
රැකියා ස්ථානයේ ප්‍රධානීන් අතර මත ගැටුම් නිර්මාණය වීමට හැක. රැකියාවේ කාර්යබහුලතාවය නිසා සහ පීඩාකාරි තත්වයන් නිසා රැකියාව ගැන කලකිරීම් ඇතිවීමට හැක. රැකියා ස්ථානය හෝ රැකියාව වෙනස් වීමටද ඉඩ ඇත.
ගෘහ ජිවිතය තුල කල්පනාකාරීව කටයුතු කරගෙන යාමට ඉඩ ලැබේ. අසල්වැසියන් සමග හොඳ හිත වර්ධනය වෙයි. විවාහ යෝජනා බිඳ වැටීමට ඉඩ ඇත.
තරඟ විභාග ආදියට මුහුණ දෙන දරුවන්ට ඉන් ජය ලැබේ.
-
තරඟ විභාග ආදියට මුහුණ දෙන දරුවන්ට ඉන් ජය ලැබේ.
-
● සිංහ
ව්‍යාපාරික ස්ථානයේ මිතුරු ඇසුර වර්ධනය වෙයි, ව්‍යාපාරික මිතුරන් සමග සුහදතාවය වැඩි දියුණු වේ. විදෙස් ගමන්, විදේශ රටවල් වලට යාමට අවස්ථා උදා වේ. එයින් සුභ ප්‍රතිඵල ලබා ගැනීමට හැකියාව ලැබේ. නව ව්‍යාපාර ආරම්භයටද සුබ කාලයකි.
මව්පියන්ගෙන් දේපල උරුම යනාදිය ලැබෙයි.
රැකියා අපේක්ෂිත අයගේ රැකියා ගැටළු විසඳේ. විදෙස් ගමන් - තරඟ විභාග ආදියට යොමු වීමට සිටි අයට බාධා ඉවත් වේ. උසස් වීම් ලැබේ.
ගෘහ ජිවිතය තුල නෑයින් සහෝදරයින්ගෙන් ඇප උපකාර ලැබේ. ඥාතින් සමඟ හොඳ හිත වර්ධනය වේ. මංගල යෝග උදා වේ.
අධ්‍යාපනයට සුබ කාලයකි.
-
● කන්‍යා
ව්‍යාපාරික කටයුතු වලට තිබුණු ගැටළු වැඩි වන කාලයකි. කල්පනාකාරීව, මනා කළමනාකාරිත්වයකින් වැඩ කිරීම තුල මේ පාඩු අවම හෝ මඟ හරවා ගත හැකිවනු ඇත.
විදේශ ගමන් වලට තිබුනු බාධා අඩු වේ.
නව රැකියා අවස්ථා උදා වේ. රැකියා කරන අයට තරඟ විභාග හෝ තනතුරු උසස් වීම් වලට යොමු වීමට සුභ කාලයක් වේ. ස්වයං රැකියා කරන අයගේ රැකියා තත්වය උසස් වන කාලයකි.
ගෘහ ජිවිතය තුල අවිවාහක තරුණ - තරුණියන්ට මංගල යෝග උදා වේ. ගේ දොර අලුත්වැඩියාවට, උත්සව පැවැත්වීමට ඉඩ ලැබේ.
දරුවන්ගේ අධ්‍යාපන කටයුතු වලට, තරඟ විභාග ආදියට සුබ කාලයකි.
-
● තුලා
කලින් තිබුනු බාධක තත්වයන් තවදුරටත් මතුවිය හැක, මූල්‍යමය ආයතන වලටද බලපානු ඇත. ව්‍යාපාරික තත්වයන් අඩපණ වීමක් හෝ නැවතීමක් පෙන්නුම් කරයි. මූල්‍යමය ආයතන වලින් ණය ලැබෙනු ඇත.
නව රැකියා අවස්ථා ප්‍රමාද වේ. ප්‍රධානින් සමග මත ගැටුම් ඇතිවීමට ඉඩ ඇත. රැකියා ස්ථානය වෙනස් වීමට හෝ රැකියාව වෙනස් වීමටද ඉඩ තිබේ. මුදල් පාඩු වැඩි වන සතියක් වේ.
ගෘහ ජිවිතය තුල තරුණ - තරුණියන් අතර මතභේද ඇතිවිය හැක. අඹුසැමියන් අතර මත ගැටුම් ඇතිවීමට ඉඩ ඇත. විවාහ යෝජනා වලට බාධා එල්ල වේ.
අධ්‍යාපන කටයුතු වල නිරත දරුවන්ට තරඟකාරීව ජය ගැනීමට හැකි වේ.
-
● වෘශ්චික
නව ව්‍යාපාර අැරඹීමට සුබ කාලයකි. මෙතෙක් තිබුනු ගැටළු නිරාකරණය වේ. ව්‍යාපාර ණය ලබා ගැනීමට අපේක්ෂාවෙන් සිටි අයට ඒවා ඉටු කර ගැනීමට සුබ කාලයකි.
රැකියා ස්ථානයේ කරදර මතුවිය හැක. මිතුරන් සතුරු විය හැක. උසස් වීම් අපේක්ෂාවෙන් සිටින අයගේ උසස් වීම් කල් යාමට ඉඩ ඇත. තැරැව්කාර රැකියා කරන අයට අසුබ කාලයක් වේ.
ගේ දොර කටයුතු වලදි වෙනදාට වඩා වෙහෙසීමට සිදුවිය හැක. දුර බැහැර ගමන් බිමන් යෙදේ. පදිංචි ස්ථානය වෙනස් විය හැක. අඹුසැමියන් අතර මතභේද ඇතිවිය හැක. කල්පනාකාරිව වැඩ කටයුතු කල යුතුමය.
-
● ධනු
ව්‍යාපාරික ණය ලැබේ. හදිසි ධන ලාභ හිමි විය හැක. ඉඩම් ගෙවල් මිලදී ගැනීමට අපේක්ෂාවෙන් සිටින අයගේ අපේක්ෂාවන් සඵල වේ.
රැකියාවේ උසස් තනතුරු දරන අය තනතුරු වලින් පහවීමට අවදානමක් පවති. ප්‍රධානින් සමග මත ගැටුම් ඇතිවීමට ඉඩ ඇත. රැකියා අපේක්ෂිත අයට යහපත් රැකියා හිමි වේ.
ගෘහ ජිවිතය තුල සතුරු කරදර - බාධක ඇති වීමට ඉඩ ඇති සතියකි. හදිසි අනතුරු නිසා ආර්ථිකය කඩා වැටෙන්නටද ඉඩ ඇත. දරුවන්ගේ අසනීපයක් හෝ වෙන් වීමක් නිසා දුකින් කාලය ගත කිරීමට සිදුවිය හැක. අධ්‍යාපන කටයුතු අවුල් විය හැක.
-
● මකර
තැන්පත් ධනය ස්ථාවර වේ. නව ආදායම් මාර්ග උදා වේ. ආදායම් මාර්ග වලට කලින් තිබුනු අසුභකාරි තත්වයන් දුරු වේ. ව්‍යාපාර වලට ණය ලැබේ. ණය සම්බන්ධ ඉල්ලුම් කිරීමට සුබ කාලයකි.
රැකියා සම්බන්ධව ප්‍රශ්න ඇති කල හැක. රැකියා අපේක්ෂිත අයගේ බලාපොරොත්තු සඵල වේ. වෙනදාට වඩා වෙහෙසීමට සිදුවිය හැක. රැකියා ස්ථානයේ ප්‍රධානින්ගේ පැසසුමට පාත්‍ර විය හැක.
ගෘහ ජිවිතය තුල අඹුසැමියන් අතර සමගිය - සාමදානය වර්ධනය වෙයි. දරු සම්පත් අපේක්ෂාවෙන් සිටි අයගේ බලාපොරොත්තු සඵල වේ. ආදර සබදතා වැඩි දියුණු වේ.
ඉගෙනීම් කටයුතු වලටද සුබ කාලයකි.
-
● කුම්භ
ව්‍යාපාරිකයින් අතර සුහදතාවය වර්ධනය වේ. ප්‍රිය සම්භාෂණ වලට ආරාධනා ලැබේ. කොන්ත්‍රාත් සම්බන්ධ ව්‍යාපාර වල යෙදී සිටින අයට පාඩු සිදුවිය හැක. නව ව්‍යාපාර ආරම්භ කිරිමට අපේක්ෂාවෙන් සිටින අයට තරමක් අසුභ කාලයක් වේ.
විදෙස් ගමන් සාර්ථක වෙයි.
රැකියාවේ කාර්යබහුලතාවය වැඩි වේ. නව රැකියා උදා වේ.
ගෘහ ජිවිතය තුල ඉදිරි දියුණුව උදෙසා වැඩ කටයුතු කරන සතියකි. මංගල යෝජනා ස්ථිර වේ.
ගේදොර කටයුතු වලට තිබුනු ගැටළුකාරි තත්වයන් මඟ හැරේ.
දරුවන්ගේ අනාගත දියුණුවට අදාල කටයුතු වලට වැඩිපුර කාලයක් යෙදවීමට සිදුවේ.
-
● මීන
මෙතෙක් තිබුනු ගැටළුකාරි තත්වයන් සමනය වෙයි. වැඩි උනන්දුවකින් යුතුව වැඩ කටයුතු කරගෙන යාමට හැකියාව ලැබේ. ව්‍යාපාර වල බලාපොරොත්තු වූ වර්ධනයක් පෙන්නුම් කරයි. කලක් තිස්සේ තිබුනු බලාපොරොත්තුවක් සඵල වේ.
නව රැකියා උදා වේ. අලෙවිකරණය සම්බන්ධ රැකියා කරන අයගේ රැකියා වලට සුභ කාලයකි. උසස් වීම් තරඟ විභාග ආදියට ඉදිරිපත් වීමටත් ජය ලැබීමටත් හේතුයි. ප්‍රධානින්ගේ පැසසුම් ලැබේ.
ගෘහ ජිවිතය තුල ඥාතින් සමග හොඳ හිත වර්ධනය වේ. සහෝදරයින්ගේ තනතුරු උසස් වීමක් නිසා සතුටු විය හැකි සතියකි. තරුණ තරුණියන්ගේ බලාපොරොත්තු ඉටු වන, මංගල යෝග ස්ථිර වන සතියකි.
විදෙස් ගත වීමට බලාපොරොත්තු වූ අයට සුබ කාලයකි.
No comments:
Post a Comment