රාජ යෝග තිබුනට විතරක් රජ වෙන්න පුලුවන්ද ?

සෑහෙන පිරිසකගේ ලොකු ආසාවක් තියෙනව රජ වෙන්න. අඩු තරමින් පලාත් සභාවටවත් යන්න..
ඊට පස්සේ පාර්ලිමේන්තුවට, ඇමතිකමක්, අවස්ථාව ලදහොත් රජ වෙන්නටත්...
එහෙම අය නිතර අහන දෙයක් තමයි “කේන්දරේ රජ වෙන්න නැද්ද“ කියල.

● බොහෝ රාජ්‍ය නායකයන්ට රාජ යෝග තිබුනු බව සත්‍යකි.
පංච මහා පුරුෂ කියන රාජ යෝග, නීච භංග රාජයෝග, විපරීත රාජ යෝග හෝ අනිකුත් රාජ යෝග තිබූ පමණින් රජ වීමට නොහැක.
(https://www.facebook.com/media/set/?set=a.908983269118753.1073741832.833656709984743&type=3)

-  ප්‍රේමදාස ජනාධිපතිතුමාට තිබුනු සස පංච මහා පුරුෂ යෝගයත්, චන්ද්‍රිකා ජනාධිපතිතුමියට ඇති රුචක පංච මහා පුරුෂ යෝගයත්, මහින්ද ජනාධිපතිතුමන්ට ඇති චන්ද්‍රාධියෝගයත්, වත්මන් ජනාධිපතිතුමාට තිබෙන ගජකේශරී රාජ යෝගයත් කැපී පෙනෙයි.
මීට අමතරවද තවත් රාජ යෝග හෝ ඒ ආකාරයට බලවත් වන යෝග බොහෝ ඇත.


● පොදුවේ සිතුවොත් තම කේන්දර සටහනේ (නවාංශක කේන්ද්‍රයත් වැදගත් )ග්‍රහයන් 4ක් හෝ ඊට වඩා ගණනක් උච්චව පිහිටන්නේ නම් එවන් කෙනෙකුට යම් ඉහල තත්වයක් ලැබිය හැකි බවට සිතිය හැක. කෙසේ වෙතත් අනිකුත් ග්‍රහ පිහිටීම්ද අතිශයන් වැදගත් ඒ සුභ පල දියුණු කිරීමට.
ග්‍රහයන් 4ක් හෝ වැඩි ගණනක් උච්ච වී රජ පවුලක ඉපදුනි නම් රජවීමට ඉඩ ඇති බව පොදුවේ කියන්නට කියන කාරණාවකි.

● රවි, කුජ, ගුරු ශනි යන ග්‍රහයන්ගේ උච්ච වීම මෙහිදී වැදගත් වන අතර, රාහු කේතු ඡායා ග්‍රහයන් නිසා එය එතරම් සැලකෙන්නේ නැත.

● විශේෂ කරුණක් ලෙස, අගමැති දෙපලකගේ පුත්‍රයෙකු වූ, ජනාධිපතිනියකගේ සොයුරා වූ, තමාද පාර්ලිමේන්තුවේ මන්ත්‍රීවරයෙකු, ඇමතිවරයෙකු ලෙස පමණක් නොව 3වන පුරවැසියා වන විපක්ෂනායක ධූරයද හොබවා 4වෙනි පුරවැසියා වන කථානායක ධූරයද හෙබවූ දිවංගත අනුර බණ්ඩාරනායක මහතාට රජ වීමට නොහැකි වීමයි. එතුමාගේ කේන්දර සටහනේද රජ විය හැකි යෝග තිබුනා මතකය.

එම නිසා කුමන යෝග තිබුනද ඒ ඒ අවස්ථාවලදි කාල වලදි ඒවාට උචිත අන්දමින් කටයුතු කිරීමෙන්, කරදර වලින් මිදුනේ නම් පමණක් ඒවායේ අපේක්ෂිත ප්‍රතිඵල ලැබෙන බව අප තේරුම් ගත යුතුය.
https://www.facebook.com/irusewaya/photos/a.912122358804844.1073741833.833656709984743/1415153281835080/?type=3&size=977%2C667&fbid=1415153281835080

irusewaya@gmail.com

077 22 38041