ඉරු සේවයේ අනිකුත් ජ්‍යොතීර්වේදි මහතුන්ද, එහි ජාත්‍යන්තර ජ්‍යොතිෂ්‍යය උපදේශක වන වසන්ත රාජකරුණා මහතාත්, කරුණු දක්වමින් කියා සිටියේ, ඉරු සේවයේ එකල පැවති රජයට හිතවත් සහ විරුද්ධ දෙකොට්ඨාශයටම අපගේ සේවය සමග බද්ධ වී ලෙංගතුව සිටි නිසා මේ සම්බන්ධව අනාවැකි ඵල නොකර සිටිම කාලෝචිත බවයි.
* නමුත් අපද ඔබ සියලු දෙනා මෙන්ම, යම්කිසි ප්‍රතිපත්තියකින් හෙබි දේශපාලන මතවාදයක් සිත්හි ඇති පුද්ගලයන්ය. නමුත් අපගේ දේශපාලන වුවමනාවන්, ජ්‍යොතිෂ්‍යය හරහා පුද්ගලයන්ගේ ඔළු වලට බලහත්කාරයෙන් හෝ යාප්පුවෙන් රිංග වීමට අපි උත්සහ නොගත්තෙමු. අද මාධ්‍යය සහ ලංකාවේ ප්‍රබලම මාධ්‍යයක් වන ෆේස්බුක් හරහා දක්නට ලැබෙන්නෙ ජ්‍යොතිෂ්‍යය ඉතාම බරපතල ආකාරයට හෑල්ලු වී ඇති බවයි. එයට ප්‍රධානම හේතුව විශේෂයෙන්ම බඩගෝස්තරවාදි ජ්‍යොතිෂ්‍යය වේදින්ය. ඔවුන් කවුද ඔබ හොදටම දන්නවාය.
සමහරු ජ්‍යොතිෂ්‍යය වෘත්තිය වෙනුවට පවතින රජයට ආවඩන්නන් වී සිටි අතර, තවත් සමහරු තනතුරු තාන්න මාන්න අරන් ආණ්ඩුවට ඔල්වරසන් දෙනව.
සමහරු වෙඩි තියාගන්නවලු... මම දැක්කා ෆේස්බුක් එකෙන් තුවක්කු රාශියක් පෙන්නලා තියෙනවා කැමති එකක් අරගෙන වෙඩි තියාගන්න කියල. මොවුන් එහෙම මැරෙන්නෙ නැහැ.
නමුත් මොවුන් අතින් මැරෙන්නේ.... අවංකව ජ්‍යොතිෂ්‍යය අනාවැකි පල කරන බුද්ධිමත් ජ්‍යොතිෂ්‍යය වේදින්ය. ඔවුන් අමාරුවේ වැටෙන්නේ ජ්‍යොතිෂ්‍යය විශ්වාස කරන පොදු ජනතාවය.
නමුත් අනාදිමත් කාලයක සිට, වරාමිහිර, පරාශර, ක්‍රිෂ්ණ මූර්ති, ජයමිණි වැනි පඬිවරුන් රැකගෙන ආ මෙම උතුම් ශාස්ත්‍රය කිසිම වැඩකට නැති නිර්ලජ්ජිත වන්දි භට්ටකම් කරන නිවට නියාලු ජ්‍යොතිෂ්‍යය වේදීන් යැයි කියාගන්නා මානසික රෝගින් නිසා බරපතල විදියට හෑල්ලු වි ඇත.
● අපත් දැනගෙන සිටියා, ජනවාරි 8න් පසු ජනාධිපතිවරණයෙන් හිටපු ජනාධිපතිතුමා පරාජය වන බව. මන්ද එතුමන්ගේ උපන් දිනය අනුව, චන්ද්‍රයා මේෂ රාශියේ සිටියදී අස්විද නැකතින් උප්පත්තිය ලැබූ අතර,
2014 නොවැ මස 2වෙනිදා වූ සෙනසුරු මාරුවෙන් එනම් සෙනසුරු වෘශ්චික රාශි ගතවීමෙන් එතුමාට බරපතල අපලයක් උදා වූවා.
හිටපු ජනාධිපති මහින්ද රාජපක්ෂ මහතා පරාජයට පත්වුනේ ජනවාරි 8 නොව, නොවැ. 2වෙනිදාය.
එදා දින, එතුමාට චන්ද්‍ර - අෂ්ටම ඒරාෂ්ටක අපලය ලැබුවා.
අපල අතරින් ඉතාම ප්‍රබල අපලයක් වන මෙය ලැබුවොත් කෙනෙකුට ඉතාම දැවැන්ත ආකාරයට අපල කරනවා. තනතුරු - පදවි නැති වෙනවා.
* ඔබට මතක ඇති අප මීට සති 2-3ක සිට කන්‍යා ලග්නයට පල කරන සතියේ ලග්න පලාපලයෙදි මේ තත්වය තරමක් දුරට පලකිරිමට අප උනන්දු උනා.
● එසේම අභිනව ජනාධිපති අතිගරු මෛත්‍රිපාල සිරිසේන මහතා තුලා ලග්නයට සම්බන්ධව උප්පත්තිය ලබා, කන්‍යා චන්ද්‍ර රාශියෙන් උත්‍රපල් නැකතින් උපත ලැබූ කෙනෙක්.
එතුමන්ගේ කේන්දරයට අනුව නොවැ 2 එතුමාගේ වසර 7 හමාරක ජන්ම ඒරාෂ්ටක අපලය අවසන් වූවා. එතුමාගේම වචනයෙන් සදහන් කරන පරිදි නොවැ 2ට කලින් වසර 2 හමාරක කාලය තුල එතුමා දැඩි පීඩාවෙන් සහ දැඩි කම්පනයකින් සිටි බව පැහැදිලි විය.
සුදුසු තැන නොලැබීම, පක්ෂයට කල සේවයට නිසි ගෞරවය නොලැබීම ආදිය ඉන් ටිකක්.
* නොවැ 2 සෙනසුරු අපලය අවසන් වීමත් සමග එතුමා මුල් පුරවැසියා වීමේ අඩිතාලම වැටුනා. ජ්‍යොතිෂ්‍යයේ ආශ්චර්යය මෙයයි.
තවද කෝටියක් දෝෂ භංග වෙන ආකාරයට සිංහයේ රවි පිහිටා තිබෙන එතුමාගේ කේන්දර සටහන බලවත් කේන්දරයක්.
නමුත් පැවති රජයට මලු නැතුව කඩේ ගිය ප්‍රවීණ ජ්‍යොතීර්වේදී යැයි කියා ගන්නා පුද්ගලයන්ට මෙම ඥානය නොපෙනුනේ ඔවුන්ගේ ආණ්ඩු ගැති භාවය නිසාය.
මොවුන්ගේ ක්‍රියාවන් ජ්‍යොතිෂ්‍යයට මරු පහරකි.
එසේ නොමැති වන්නට,
“ පරිපාලන ක්ෂෙත්‍රයේ පහල නිලයක් වන ග්‍රාමසේවක ධූරයක රැකියාව කර, පක්ෂයක නායකයෙක්ව නොසිට අගමැති ලෙස පත් නොවී, ලංකා දේශපාලන ඉතිහාසයේ විධායක ජනාධිපති පුටුවේ වාඩි වුනු ඔහුට සැබැවින්ම ග්‍රහ බලයක් පිහිටා නොතිබෙන්ට ඇද්ද.....“
ඔබම කල්පනා කර බලන්න.
අප මේවා දන්නවා. නමුත් අපටත් තිබුනා එක එක මාධ්‍යය ඉස්සරහට ගොස් මේවා කතා කරන්ට. නමුත් ජ්‍යොතිෂ්‍යය වේදියාගේ කාර්ය භාරය අදටත් හෙටටත් මෙය නොවෙයි.
තමා කර අරින පුද්ගලයන්ට හරි වැරද්ද කියා දී ඔවුන්ට කුසල් සිත් උපදවා ඔවුන් ධාර්මික කිරීමයි. බඩ වඩා ගන්නාවූ ජ්‍යොතිෂ්‍යය වේදීන් මින්පසුවවවත් මේවා තේරුම් ගැනීමට ජන විඥානය පහල වේවායි ප්‍රාර්ථනා කරන අතර ජ්‍යොතිෂ්‍යය නැමති පුරසඳ සැමදාමත් ජන හදවත් වල බැබලේවා !
තෙරුවන් සරණයි !
No comments:
Post a Comment