සිකුරු මාරුව - ජන. 23 සිට

සිකුරු ග්‍රහ සංක්‍රාන්තිය පිලිබදවයි.

ග්‍රහලොව මනමාලිය ලෙසින් හඳුන්වන සිකුරු ග්‍රහ තාරකාව මකර රාශියේ සිට කුම්භ රාශියට මෙම මස 23 වන දින අළුයම 2.19ට සැපත් වෙයි.
සිකුරු ග්‍රහයා මනුෂ්‍යාෙග් ලෞකික සැප සම්පත් නියෝජනය කරයි. එසේම ආලයට, ප්‍රේමයට, සුඛ ජීවිතයට බලපාන ග්‍රහයාද සිකුරුම වේ. මෙම ග්‍රහයාගේ මාරුව ලග්න 12ට බලපාන අයුර අපි දැන් බලමු.

● මේෂ
ඔබට සිකුරු පැමිණෙන්නේ 11 වැන්නටයි.
තමාගේ ජීවන තත්වය ආදායම් මාර්ග උසස් වනවා සේම, සමාජය තුල තමාට නැතිවූ ජනප්‍රියත්වය ලැබේ. මිතුරු මිතුරියන්ගේ ආශ්‍රෙයන් උදව් උපකාරද හිමිවේ. මේ අතර ඔබට විවාහ සහකාරියක්ද, මංගල යෝගද උදාවන කාලයකි මේ කාලය.

● වෘෂභ
සිකුරු 10 වැන්නට පැමිණේ.
ඔබට රැකියා ලාභ හිමිවේ. එසේම ව්‍යාපාරික කටයුතු කරන අයට හොදයි. වෙලදාම දියුණු වේ. සංචාරක ක්ෂෙත්‍රයේ ඇඟලුම් ක්ෂෙත්‍රෙය් නියුතු සහ සියලුම වෘෂභ ලග්න අයට මේ කාලය සුභයි.

● මිථුන
සිකුරු 9ට වැන්නට පැමිණේ.
ශුභ කාලයකි. වැඩිහිටියන්ට සැලකීමට සිත්වන කාලයකි. පිනට දහමට සිත යොමුවේ. සිතට තිබූ කරදරකාරි අසහනකාරි සිතුවිලි පහව යයි. වැඩිහිටියෙකුගේ මාර්ගයෙන් මංගල යෝජනාවක් සඵල වීමට ඉඩ තිබේ.

● කටක
8 වැන්නට සිකුරු පැමිණේ.
එතරම්ම ශුභ නැත. කරන කියන කටයුතු වලට කිසියම් ආකාරයකට මන්දගාමි ස්වරූපයක් ඇතිවිය හැක. යක්ෂ ප්‍රෙත පිසාච බය ඇතිවිය හැක. එසේම තමාටද අසනීප ඇතිවිමට ඉඩ ඇත.

● සිංහ
7 වැන්නට සිකුරු පැමිණේ.
ඉතාම හොද කාලයකි. හවුලේ කරන වැඩ කටයුතු සාර්ථක වේ. මංගල යෝග උදාවෙයි. එසේම අස්ථාවර භාවයෙන් තිබු ප්‍රේම සබදතා ස්ථිර වේ. ඉතාම හොදයි. ආදායම් තත්වයේද ගැටළුවක් නොමැත.

● කන්‍යා
6ට සිකුරු පැමිණේ.
එතරම් හොද නැත. සතුරු කරදර වලට ලක්වීමට ඉඩ ඇත. විවිධාකාරවූ ප්‍රශ්න උපද්‍රව ඇතිවේ. තනතුරු වලින් පහත වැටිම නියමයි. බුද්ධිමත් වන්න. ගහෙන් වැටුන මිනිහට ගොනා ඇන්නා වගේ, තනතුරු වලින් පහවූ අයට තව තව කරදර පැමිණීමට ඉඩ ඇත.

● තුලා
5 වැන්නට සිකුරු පැමිණේ.
ඉතාම හොදයි. හදිසි ධනලාභ ආදිය හිමි වේ. දුවාදරුවන්ගේ ඉගෙනීම සම්බන්ධව හොද බලාපොරොත්තු තබාගත හැක. ගැහැණු දරුවන් බලාපොරොත්තු වන අයට එම බලාපොරොත්තු ඉෂ්ට වීමේ ප්‍රවණාතවයක් පවතී.
අලංකාරයෙන් විනෝදයෙන් සිටිමට වාසනාව ලැබේ.

● වෘශ්චික
4 වැන්නට සිකුරු පැමිණේ.
ඉතාම හොදයි. නිවාස ලාභ, ගෙවල් දොරවල් සම්බන්ධව හොද තත්වයක් පවතී. ඒවා ලැබේ. තමාගේ ඥාතින් සමග නිතර සතුටින් සිටිමට පුලුවන්. මංගල යෝග උදාවන අතර, වාහන ගැනීමට බලාපොරොත්තුව සිටින අයට එම බලාපොරොත්තු ඉෂ්ට වේ.

● ධනු
3වැන්නට සිකුරු පැමිණේ.
අලුත් ඥාති මිත්‍රකම්, සබදතා ගොඩ නැගේ. සහෝදර සහෝදරියන්ගෙන් උදව් ලැබෙනවා සේම සමාජයේ ජනප්‍රියත්වයට පත්වේ. කාමුක ගතිය වැඩිවෙන අතර, ඒවාට අවශ්‍ය කරන වටපිටාවද සැලසේ. විදෙස් රැකියා වල නියුතු අයට ඉතාම හොද කාලයකි.

● මකර
2 වැන්නට සිකුරු පැමිණේ.
ඉතාම හොදයි. ආදායම් මාර්ග හිමිවේ. වෙලදාමේ නියුතු අයට, රසකැවිලි නිෂ්පාදන කටයුතු, අලංකරණ කටයුතු එනම් රූපලාවන්‍ය කටයුතු වල නියුතු අයට ඉතාම හොදයි. තමාගේ වචනය අන් අය පිලිගනි. දේශපාලන ක්ෂෙත්‍රයේ අයට හොදයි. බෙහෙවින්ම වාසනාවන්තය.

● කුම්භ
1 වැන්නට සිකුරු පැමිණේ.
බොහෝසෙයින් හොදයි. ලග්නයට යෝගකාරක නිසා විවාහ කටයුතු, නිවාස - වාහන සම්බන්ධ කටයුතු පහසු කරයි. ජනප්‍රිය වේ. එසේම මංගල යෝග ස්ථිර වේ. කලා ක්සෙත්‍රයේ නියුතු කුම්භ ලග්න අයටද හොද කාලයකි.

● මීන
12 වැන්නට සිකුරු පැමිණේ.
මෙය එතරම් හොද මාරුවක් ලෙස හැදින්විය නොහැක. දුෂ්ට මිනිසුන්ගේ රැවටීම් වලට භාජනය වීමට පුලුවන්. එනම් ණය තුරුස් ගෙන නොදී පැහැර හැරීමට පුලුවන්. ලැබෙන මුදල් රඳවා ගැනීමට අවස්ථාව නොලැබේ. ඒවා කළමනාකරණය කරන්න. සිකුරු 12 නිසා අඹුසැමි ප්‍රේමය වර්ධනය වේ, කාමාශාව බලවත් වේ.