වැඩිය කතා කරන්න බය, “ 6 වන කොටුව“

කේන්දරයක් ගත්තාම, මූලිකව දුෂ්ට ස්ථාන 6ක් ගැන කියනව.
ඒ 6, 8, 12. මේ නිසාම මේ තැන් වල ග්‍රහයන් නැත්නම් හොදයි කියල පවා සමහර ජෞතිර්වේදියො කියනව. කොහොම උනත් ඒක එහෙම නෑ. සමහර වෙලාවට විපරීත රාජ යෝග, නීච භංග රාජ යෝග පවා සතුරු ස්ථාන වල ග්‍රහයන් පිහිටලා ලැබෙනවා.

6 වැන්න කියන කොටුවේ මූලිකව කියවෙන්නේ,
ලෙඩ රෝග, සතුරු කරදර සහ විවාහයෙන් පසුව ලැබෙන නැන්දම්මා, මාමණ්ඩිය ගැන. ඒවගේම 6 වැන්න, කාන්තා පාර්ශවයට අදාලව විශේෂ වෙනවා. එතනදි මූලික සාධකයක් විදියට, කුජ/ අගහරු 6 වැන්නේ හිටියොත්, ඒක දරු ඵල නැති වෙන යෝගයක් විදියට මූලික සිද්ධාන්ත වල ඉගැන්වෙන නිසා. කොහොම උනත් 6 වැන්නේ කුජ නැති උනත්, කුජගේ දෘෂ්ටිය හරි, කුජ 6 වැන්නාධිපතියා වෙලා දුර්වලව හරි ඉන්නව නම් ඒකත් ග්‍රහමය වශයෙන් දරුඵල වලට බලපෑමක් කියල කියැවෙනව. තව ඒවගේම ප්‍රශ්නයක් එනවා, 6 වැන්නට 12 වැන්න සප්තම ( 7 වැන්න) නිසා පේනවා. එතකොට 12 වැන්නේ කුජ තියෙන එකත් පොදුවේ හොද නෑ. ඒකියන්නෙ 12 වැන්නට කුජගේ දෘෂ්ටිය එතරම් හොද නෑ. විශේෂයෙන් කාන්තා පාර්ශවයට හොද නෑ. ඒක එහෙම උනත් නිවරදිව ඒව කියන්න නම් ඒ සියලු ග්‍රහමය පදනම ගැඹුරින් කේන්දරය ඇසුරින් බලන්න ඕන.

6 වැන්න ගැන කියැවෙන ලිපි මාලාවේ 1 වෙනි ලිපිය විදියට,
ලග්න 12ට, 6 වැන්නාධිපති කවුද කියල අපි මුලින් හොයාගෙන ඉමු.

● මේෂ
6 වැන්නාධිපති වෙන්නේ “ බුධ“.

-
● වෘෂභ
6 වැන්නාධිපති වෙන්නේ “ සිකුරු“

-
● මිථුන
6 වැන්නාධිපති වෙන්නේ “ කුජ“

-
● කටක
6 වැන්නාධිපති වෙන්නේ “ ගුරු “

-
● සිංහ
6 වැන්නාධිපති වෙන්නේ “ ශනි “

-
● කන්‍යා
 6 වැන්නාධිපති වෙන්නේ “ ශනි“

-
● තුලා
 6 වැන්නාධිපති වෙන්නේ “ ගුරු “

-
● වෘශ්චික
6 වැන්නාධිපති වෙන්නේ “ කුජ “

-
● ධනු
 6 වැන්නාධිපති වෙන්නේ “ සිකුරු “

-
● මකර
6 වැන්නාධිපති වෙන්නේ “ බුධ “

-
● කුම්භ
 6 වැන්නාධිපති වෙන්නේ “ චන්ද්‍ර “

-
● මීන
6 වැන්නාධිපති වෙන්නේ “ රවි “

ඊලග ලිපියකින් අපි බලමු, 6 වැන්නේ සිටින ග්‍රහයා සහ 6 වැන්නාධිපතියා සිටින තැන අනුව පොදු පලාපල.

#ඉරු

රංවල මුත්තා දෙවියන්

 එදා ඈත අතීතයේ මෙන්ම අදද ජනතාවට ආශිර්වාද කරන, සුපින්වත් දෙවි කෙනෙකි රංවල මුත්තා දෙවියන්. කැළණි ගඟ මිටියාවතේ ජනතාව විසින් වැඩිපුර විශ්වාස කරන මෙම දෙවියන්ට අදාල දේවාලයක් අවිස්සාවේල්ල පහත්ගම ප්‍රදේශයේ ඇති අතර, බොහෝමයක් රියැදුරන් එතැනින් යද්දි ආශිර්වාද ලබාගැනීම සිරිතයි.
අනතුරු වලින් ආරක්ෂා වීමට සහ අනතුරු වලින් වැලැකීමට විවිධාකාර වූ හාස්කම් එම විශ්වාස කරන රියැදුරන් විසින් අපටද කියා ඇත.

ඔබද, සීලය - ප්‍රතිපත්තිය රැකගෙන පින්කම් වල නිරත වෙන්න.

සම්බුදු සරණයි !

#රන්වල #රංවල #රන්වලමුත්තා #රංවලමුත්තා #ranwala #ranwalamutta #ranwaladeviyo #ranwaladeviyan #kelaniriver #kelaniya #kelani #kelaniganga #avissawella

ගුරු මාරුව 2021 - Guru Maruwa

 පසුගිය කාලයේ නීචව සිටි ගුරු ග්‍රහයා, නීචව සිටි මකර රාශියෙන් මිදී, සම රාශියක් වන කුම්භ රාශියට පැමිණීම සිදුවේ.
කාලයක් පුරා පැවති කරදර බාධක තත්වයන් වල යම් සමනය වීමක් සමග සමස්ත ජනතාවට තරමක සහනයක් අපේක්ෂා කල හැකි කාලයකි. විශේෂයෙන් පෙර පැවති ත්‍රාඩයන්ට, මැරයන්ට ඉහල වැජඹීමක්, බුද්ධිමත් - ගුණවත් අය පහත් විමක් පසුගිය කාලය පුරා පැවති අතර එම තත්වය වෙනස් වන බව මූලිකව කිව හැක. එසේම මහා පරිමාණයෙන් යහපතක් නොවූවද, පෙර පැවති තත්වයට වඩා යහපත් බව කිව යුතුය.



ලග්න 12ට බලපෑම සැකෙවින් බලමු.

-
● මේෂ
11 වැන්නට ගුරු පැමිණීම.
ආදායම් තත්වයන් වල යම් සුබවාදී බවක් අපේක්ෂිතය. එසේම අධ්‍යාපන කටයුතු වලට තරමක් හොදයි. අලුත් කටයුතු අරඹන්නට යහපත්ය.

-
● වෘෂභ
10 වැන්නට ගුරු පැමිණීම.
රැකියාවේ කටයුතු වලට තරමක සහනදායි තත්වයක් උදාවනු ඇත. රැකියාවක්, රැකියාවේ උසස්වීමකට යහපත්ය.
කටයුතු වලට පැවති බාධා ක්‍රමිකව අඩු වෙයි.

-
● මිථුන
9 වැන්නට ගුරු පැමිණීම.
සිතට සැනසීමක් දැනීම සමග වෙනදාට වඩා ආගමට දහමට නැඹුරු වන කාලයකි. අධ්‍යාපන කටයුතු වලට හොදයි, විදේශ ගතව එම කටයුතු කරන්නට සිතා සිටියා නම් යහපත් ඵල තිබේ.

-
● කටක
8 වැන්නට ගුරු පැමිණීම.
තරමකට ලාභ ලැබෙන කාලයකි. මධ්‍යස්ථ ඵල සහිතයි. නිවසේ අයගේ සෞඛ්‍ය තත්වය ගැන සැලකිලිමත් වන්න.

-
● සිංහ
7 වැන්නට ගුරු පැමිණීම.
විවාහ කටයුතු වලට සුභ කාලයකි. ප්‍රේම සබදතා ස්ථිර වෙයි. හදිසි ධනලාභ වලට තරමක වාසනාවක් තිබේ. නිරෝගී බව ලැබේ.

-
● කන්‍යා
6 වැන්නට ගුරු පැමිණීම.
සෞඛ්‍ය තත්වය ගැන සැලකිලිමත් විය යුතුය. හදිසි ගමන් බිමන් වලින් පරිස්සම් වන්න. ඉවසිලිවන්ත වන්න. සීලය - ප්‍රතිපත්තිය රකින්න. සතුරු බලවේග ඇතිවීමට යම් ඉඩක් තිබේ.

-
● තුලා
5 වැන්නට ගුරු පැමිණීම.
අධ්‍යාපන - උසස් අධ්‍යාපන කටයුතු වලට බොහෝ හොදයි. එසේම ඒවායෙ ජයග්‍රහණ ලැබේ. ආදායම් මාර්ග වල දියුණුවක්ද අපේක්ෂිතය.

-
● වෘශ්චික
4 වැන්නට ගුරු පැමිණීම.
වාසනාව පෑදෙන්නට ඉඩ ඇති කාලයකි. වෙනදාට වඩා දියුණු සිතිවිලි ඇති වේ. කටයුතු සාර්ථක කරගැනීමට හැකියාව ලැබෙන කාලයකි.

-
● ධනු
3 වැන්නට ගුරු පැමිණීම.
ඉගෙනීම් කටයුතු වලට හොදයි. ස්නායු සම්බන්ධ රෝග තත්වයන් ගැන අවදානමත් විය යුතුය. පෙර පැවති තත්වයන් වලට වඩා තරමක බාධා තිබිය හැක ( කේන්ද්‍රය අනුව වෙනස් වේ).

-
● මකර
2 වැන්නට ගුරු පැමිණීම.
අතමිට සරු වන කාලයකි. ආදායම් මාර්ග කීපයක් සාදා ගැනීමේ හැකියාව තිබේ. පවුලේ අය - හිතවතුන් සමග වෙනදාට වඩා සතුටින් කටයුතු කරන කාලයකි.

-
● කුම්භ
1 වැන්නට ගුරු පැමිණීම.
දෝෂ අඩු වන කාලයකි. කැපවීමෙන් යුතුව බොහෝ සැලසුම් ජිවිතය වෙනුවෙන් කරන කාලයකි. ආගම දහමටත් තරමකට නැඹුරු වන සැනසීම ලැබෙන කාලයකි.

-
● මීන
12 වැන්නට ගුරු පැමිණීම.
වියදම තරමකට වැඩි වන කාලයකි. ආගම දහමට නැඹුරු වන කාලයකි. පෙර හොදින් ගත කලා නම්, එයද, නරකින් ගත කලා නම් නරකද ලැබෙන කාලයකි.


*** මේ සියලු කරුණු පොදු කරුණුය !

#ඉරු #ගුරු #කේන්දර #guru #iru #kendara

ගණ දෙවිඳුන්

 

ඉන්දියාවේ ගොඩක් අය වඳින පුදන නිසා වගේ කාරණා නිසා ගොඩක් අය හිතාගෙන ඉන්නෙ ගණ දෙවියන් කියන්නෙ හින්දු දෙවි කෙනෙක් කියල.
ඇත්තටම ගණ දෙවියන් කුඩා කල ඉදල හැදෙන්නෙ ලංකාවේ. එනිසා අයිති ඉන්දියාවෙ වගේ හිතුනත් ඇත්තටම අයිති ලංකාවට..
ඒවගේම මහානුභාවසම්පන්න සම්‍යක් දෘෂ්ටික දෙවි කෙනෙක්.. දේවත්වයට පත් උනාට පස්සෙ ඔය ආගමික දෘෂ්ටිවාද වල කිසිම දෙවි කෙනෙක් ඉන්නෙ නෑ. තවත් දියුණු වෙන්න කටයුතු කරන එක තමයි කරන්නෙ.

- ගණ දෙවියො ගත්තාම කුඩා දරුවෙක්ට උනත් පිහිට වෙන තරම් මෘදු ගති තියෙන දෙවි කෙනෙක්. ඒවගේම අයුක්තියට එරෙහිව වැඩ කරන ඍජු දෙවි කෙනෙක් !
මෘදු වගේම ඍජු කියන ගති 2ම තියෙන දෙවි කෙනෙක්..
- විශේෂම දේ තමයි ගණ දෙවියන්ට වඳින්න කියල වෙනම වෙලාවක් හෝ දිශාවක් - කාලයක් නෑ. කොයි වෙලේ වැන්දත්, උදව් ඉල්ලුවත් උදව් කරන හිත හොඳ කෙනෙක්..
- දැන් අහන්න එපා ලංකාව කොරෝනාවෙන් බේරගන්න - ලෝකෙ බේරගන්න බැරිද කියල..?
කර්ම ශක්තිය - පාලකයන්ගේ අධාර්මිකකම සහ ජනතාව ඇතුළු සියලුදෙනාගේ අතපසුවීම් - නොසැලකිලිමත් දේ වලට දෙවිවරු අදාල නෑ.

ඉතින් හරියට පින්කම් කරන්න. ගණ දෙවියන්ටත් අනුමෝදන් කරන්න. පොඩි දරුවන්ට පුලුවන් වෙලාවට රසවත් දෙයක් දීලා ගණ දෙවියන්ටත් පින් අනුමෝදන් කරන්න. ගණ දෙවියෝ ඒවට හරි කැමතියි !

#ගණදෙවියන් #ගණපති #lordGana #Ganapathi #Gana #Ganadeviyan

“ කටක “

 

කටක අය සාමාන්‍ය විදියට දාර්ශනිකව හිතන්න කැමති, බොහෝ වෙලාවට ලෞකික පැත්තට වඩා ලෝකෝත්තර පැත්ත ගැනත් හිතන ලක්ෂණ තියෙන අය වගේම, ව්‍යාපාර පැත්තට වැඩියෙන් කැමති සහ දක්ෂ අය වෙනව.

ලග්නාධිපති වෙන්නෙ සිතුවිලි වලට අධිපති “ චන්ද්‍රයා/ සඳු“ .

එනිසාම ගොඩක් වෙලාවට එක හිතක නැති වෙන ලක්ෂණ තියෙනව. එහෙම නැත්නම් ක්ෂණිකව වෙනස් වෙන ලක්ෂණ විශේෂයෙන් තියෙනව.
ජල රාශියක් වෙන සදු නිසා දියර සම්බන්ධ ව්‍යාපාර කරලත් දියුණු වෙන්න පුලුවනි ( කේන්දරයේ තත්වය අනුව වෙනස් වෙන්න පුලුවන්)

 හැබැයි, කටක රාශියට උච්ච වෙන, ගුරුගේ බලපෑම මත මේ තත්වය වෙනස් වෙන්න පුලුවන්.
ගුරු නීචව නම් ඉන්නෙ, ඔන්න එයා ලෞකික පැත්තට ගොඩක් බර කෙනෙක්.

● අනිත් අයට උපදෙස් දෙන්න පුදුම දක්ෂකමක් කටක ලග්න අයට තියෙනව. ඒත් තමන්ට ප්‍රශ්නයක් ආවම, ඒකට හරියටම මූණ දෙන්නෙ කොහොමද කියල බොහෝම හිතල, සමහරවිට මානසික පීඩන පවා ඇති කරගන්නව.
දෙයක් හංගගෙන ඉන්නත් අමාරුයි මේ අයට. හිතට එන දේ වැඩිය හිතන්නේ නැතිව කෙලින්ම කියන්නත් දක්ෂ නිසා නැති අවුල් ඇති කරගන්නත් පුලුවනි, හදිසි තරහ එහෙමත් තරමක් තියෙනව.
අනිත් අයට ගොඩක් අනුකම්පා කරනව. අසරණ වෙන අයට උදව් කරන්නත් කටක ලග්න අය හරි දක්ෂයි.
● කටක අයට, විශේෂයෙන්ම හොදයි ව්‍යාපාර ක්ෂෙත්‍ර.
රැකියා උනත් නරක නෑ. උපදේශන - ගුරු වෘත්තිය වගේ ඒවත්, ආහාර - දියර සම්බන්ධ ව්‍යාපාරත් හොදින් ගැලපෙනව.
● සමාජ සේවයට කොහොමත් ප්‍රියයි. ඒව නිසා පාඩුත් කරගන්නව වෙන්න පුලුවන්. නිතර සිතුවිලි වෙනස් කරලා හිත් අමාරුකම් හදාගන්න හරි දක්ෂයි.
● ආදර ප්‍රේමයෙදි ප්‍රතිපත්තිගරුකව ඉන්න කැමති මේ අය, එක එක වෙලාවට අවුල් දාගන්නත් දක්ෂයි. ඒවගේම ප්‍රේමයෙදි හරිම සංවේදි චරිත. 7 වැන්නාධිපති වෙන්නෙ සෙනසුරු නිසා, සාමාන්‍ය විදියට කටක ගෑණු ළමයෙක්ට නම් වඩාත් හොද වෙන්නෙ තමන්ට වඩා වයසින් දැනෙන තරමක් වැඩි, තමන්ම තේරුම් අරගෙන ආදරයෙන් බලාගන්න පුලුවන් කෙනෙක්. සෙනසුරුගේ බලපෑම නිසා විවාහයෙදි සැලකිලිමත් වෙන්න ඕන.

“ දුර්වලතා “
- ඕනවට වඩා වෙන අය ගැන හිතන්න ගිහින්, අනුකම්පා කරන්න ගිහින් නැති ප්‍රශ්න වගේම පාඩුත් සමහර වෙලාවට හිත් රිදවීම් නිසා මානසික පීඩනයත් ඇති කරගන්න පුලුවන්.
- අනිත් අයට උපදෙස් දුන්නට ඒව තමන්ගේ ජිවිතයෙදි වෙනස් කරගෙන අවුල් ඇති කරගන්න පුලුවන්.
- ඉක්මණ් කෝපය නිසාත් පාඩු කරගන්නවා, ඉක්මණ් කෝපය ගොඩක් වෙලාව නොගත්තට තරමක් වෙලා කෝපය නිසා හටගත්ත ආවේගශීලිත්වය වගේ දේවල් පාලනය කරගන්න අමාරුයි.

● කෙනෙක්ට උදව් කරද්දි, ඒක හොද හිතින් කරන්න, ඒත් රැවටෙන්න එපා. වශ්‍ය කෙනාට උදව් කරන්න. තමන් මොලයෙන් කල්පනා කරන දේ ක්‍රියාවට නංවන්න.
● තමන්ගෙ ජිවිතය සම්බන්ධ දේවල් වෙන අය එක්ක කියද්දි පරිස්සමට, ඒ අය ඒවා පස්සෙ කාලෙක තමන්ට විරුද්ධව පාවිච්චි කරන්න පුලුවන්.
● සිතිවිලි වේගයෙන් වෙනස් වන නිසා සහ එනිසාම ඇතිවන මානසික පීඩන තත්වයන් වලට, මෛත්‍රී භාවනාව හෝ බුද්ධානුස්සති භාවනාව වැනි භාවනාවක් ප්‍රගුණ කිරීම මැනවි.

* කටක ඔබට, සඳුදා, බ්‍රහස්පතින්දා සහ ඉරිදා දින යහපත්ය.
* ඔබට සෙනසුරාදා ශුභ කටයුතු වලට එතරම් යහපත් නැත.

- ලග්නාධිපතියා වන චන්ද්‍රයා, 22 දෙර්කාණාධිපතියා වැනි තත්වයක් වේ නම් ගැටළු ඇති වීමට බොහෝ ඉඩ ඇති නිසා, එම තත්වයන් ගැන සැලකිලිමත් විය යුතුය.

- අපි සිංහ ලග්නය ඊලගට බලමු.
#sinha #lka #srilanka

“ මිථුන “

 

මිථුන අය ටිකක් විතර දඟකාර, කටකාර වගේම සෙල්ලක්කාර ගති වැඩියෙන් තියෙන අය. එක වැඩකට නෙමෙයි වැඩ ගණනාවකට දක්ෂ අය මිථුන ලග්නයෙන් උපදිනවා.

ලග්නාධිපති වෙන්නෙ “ බුධ“ ග්‍රහයා. බුධ හරියට පොඩි ළමයෙක් වගේනේ.
එනිසා මිථුන ලග්න අයත් වෙලාවකට පොඩි ළමය වගේ හැසිරෙනව.
බුධ ග්‍රහයා, මිථුන රාශියෙදි ස්වක්ෂෙත්‍ර කියන බලවත් භාවයට පත් වෙනව. ඉතින් ලග්නාධිපතියා වෙන බුධ, මිථුන කෙනෙක්ගෙ බලවත් නම් එයා අධ්‍යාපනයෙන් ඉහලට යනව.

● මිථුන ලග්න අය ගොඩක් මනුස්සකම් වලින් පිරුණු අය. ජිවිතය ගැන ගැඹුරින් හිතනව. ඒවගේම අනුකම්පාව තියෙනව. බුධ බලවත් නම් අධ්‍යාපනයෙ ඉහලට යන්න පුලුවන් වගේම, උගත් - බුද්ධිමත් වෙන්න වැඩි ඉඩක් තියෙනව.
රවි - බුධ කියන භාග්‍ය යෝගය මිථුන අයට තියෙනව නම් ගොඩක් දුරට අධ්‍යාපනය පැත්තෙන් ඉහලට ගිහිල්ලා ප්‍රමාණික විද්තවෙක් වගේ වෙන්න පුලුවන්. ඒවගේම ව්‍යාපාර උනත් කරන්න පුලුවන්. කට නිසා ජයග්‍රහණ ලබන්න හැකියාවත් තියෙනව.

● ආර්ථික කළමනාකරණය වගේ දේවල් ගැන ඒ තරම්ම උනන්දුවක් නැතත්, ඒ ගැන හිතනව. අරපරිස්සම් වෙන්න බලනව.

● ආදරේ ලබන්න වගේම ආදරේ කරන්න හරිම කැමති ඒකට ආසා කරන අය තමයි මිථුන ලග්න අය. ලිංගික කටයුතු ගත්තත්, අනිත් ලග්න වලට සාපේක්ෂව වැඩියෙන් ඒ අංශ වලට බරයි. නිතරම විරුද්ධ ලිංගිකයන්ගේ ආකර්ෂණය දිනාගන්න එයාල දක්ෂයි. ගෑණු ළමයෙක් නම් විශේෂයෙන්ම ඔව්.

● යන එන තැන ප්‍රසිද්ධියට මෙයාල කැමතියි. අන් අය වෙනුවෙන් වැඩ කරන්නත් කැමතියි. ඒ තුලින් තමන්ට ප්‍රශංසා ලබන්නත් යටි හිතේ කැමැත්තක් තියෙනව. ඒව වැඩියෙන් කරන්න ගිහින් පාඩු - කරදර ඇති කරගන්නත් මිථුන ලග්න අය දක්ෂයි.

“ දුර්වලතා “

- මිථුන අය තමන්ගේ මතයේම එල්ලිලා ඉන්න අය නෙමෙයි. ඒත් එක ප්‍රතිපත්තියක - එක වැඩක එක දිගටම නොසැලී ඉන්න එයාලට අමාරුයි.
එහෙම ඉන්න උත්සාහ කරල ඒව වැරදුනොත් එයාල ගොඩක් මානසිකව වැටෙනව. සාංකාව වගේ තත්වයන් වලට පවා ගොදුරු වෙන්න වැඩ ඉඩක් තියෙනව.
- ආර්ථික කළමනාකරණය ගැන වැඩි උනන්දුවක් නැති නිසා වියදම් වැඩි වෙලා ඒවයෙන් ආයෙත් හිත් පීඩා එන්න ඉඩ තියෙනව.
- අනික මිනිස්සු විශ්වාස කරද්දි කීපවතාවක් හිතල ඒ තීරණ ගන්න.

● මූලිකව මානසික ඒකාග්‍රතාවය හදාගන්න වැඩ කරන්න ඕන. ඒකට සිහියෙන් ඉන්න එක වැදගත්. නැත්නම් එක වැඩක්වත් හරියට කරන්නෙ නැතිව ජිවිතයේ පස්සේ කාලෙක පසුතැවෙන්නත් ඉඩ තියෙනව.
එනිසා, හිත නිදහස් වෙන තැනකට සතියකට 2කට වතාවක්වත් ගිහින් ( මුහුදු වෙරළ, ආරණ්‍ය සේනාසන, පන්සල, පල්ලිය, කෝවිල, කඳු මුදුන් වගේ), නිදහසේ ඉන්න. එතන පරිසරය විඳින්න.
● භාවනාවක් කරන්න පුලුවන් නම් ආනාපානසති වගේ ගොඩක් හොදයි.
( මේෂ - වෘෂභ ලග්න එක්ක බැලුවාම ඒ තරම කෝපය, සැරපරුෂ නොවුනත් ( ග්‍රහ බලය අනුව වෙනස්), මෛත්‍රී භාවනාවත් හොදයි)
● වියදම් - ආදායම් ගැන වෙනම ලියල ඒව මාසයේ අන්තිමට පරික්ෂා කරන්න. ඒ කරල ආර්ථිකය කළමනාකරණය කරගන්න.

* මිථුන ලග්නයේ ඔබට බදාදා - සිකුරාදා දින සුභ කටයුතු වලට හොදයි.
* සෙනසුරාදා, අගහරුවාදා දින සුභ කටයුතු වලට එතරම් හොද නැහැ.

- මිථුන ලග්නයේ ලග්නාධිපති වන බුධ,  කේන්දරයේ දුර්වල නම්, දෘෂ්ටි වශයෙන් පීඩාකාරි නම් හෝ 22 දෙර්කාණාධිපති වගේ ගැටළුවක් නම් නිසි පින්කම් - පිලිවෙත් හරියටම කරල ඒ තත්වයන්ගෙන් මිදෙන්න කටයුතු කරන්න.

- අපි කටක ලග්නය ඊළගට බලමු.

#mithuna #lka #srilankan

“ මතු බුදු වන ශ්‍රී විෂ්ණු දෙවියන් “

 විෂ්ණු දෙවියෝ කොයි කාලෙත් හරිම වැදගත් දෙවි කෙනෙක් අපිට. බුදුන්වහන්සේ සම්බුදු සසුන රකින්න කියල, ශක්‍ර දෙවියන්ට කිව්වාම, සසුන රකින්න කියල ශක්‍ර දෙවියෝ පවරපු, “ උපුල්වන් දෙවියන්“ කියන්නේ විෂ්ණු දෙවියන්ටයි.

මේ කාලයේ තවත් වැදගත්. ඒ මොකද දන්නවද?

- මේ කාලයේ ලෝකයටම බලපාන පීඩාකාරි සෙනසුරු පීඩනයක් තියෙනව.
එතකොට, සෙනසුරු ග්‍රහ මණ්ඩලයට අධිපති වෙන්නේ විෂ්ණු දෙවියන් ( සෙනසුරුට විතරක් නෙමෙයි මුළු ග්‍රහ මණ්ඩලයටම අධිපති විෂ්ණු දෙවියන්).

මේ තියෙන දැඩි පීඩාකාරි සෙනසුරු පීඩනය සැප්තැම්බර් ඉවර වෙනකම්ම තියෙනව. රටේ පාලකයෝ අතිශයින් අධාර්මික වගේම, අමනොඥ ගමනක යන නිසා ඒකෙ විපාක ජනතාවට ඉතාම තදින් බලපානව.

ඉතින්, මේකෙන් තරමක හරි සහනයක් ගන්න නම්, එතනදි අපිට උදව් කරන්න පුලුවන්, ආශිර්වාද කරන්න පුලුවන් දෙවියන් තමයි විෂ්ණු දෙවියො කියන්නෙ.

- මේ කියන්නේ විෂ්ණු දෙවියන්ට පුද පූජා තියන්න, සල්ලි පිං කැටේට දාන්න කියල නෙමෙයි. දේවාලෙක පැවැත්මට සල්ලි දෙන එක වරදක් නෙමෙයි. පුද පූජා තිබ්බත් ඒක වරදක් නෙමෙයි. පූජා තියෙනව නම් ඒකෙන් තේරෙන්නෙ ඒ දෙවියන්ගෙ ලැබීම. ඒව සංසාරේ කරපු පිනට ලැබෙන දේවල්.
දෙවිවරු, විශේෂයෙන් බුදු බව පතන විෂ්ණු වගේ දෙවිවරු ඔය ලෞකික දේවල් වලට ආසාවෙන් ඉන්නෙ නෑ.
ඔබට සැබෑවට දෙවියන්ගේ ආශිර්වාද ලබන්න නම්, හිත පහදවාගෙන හොද දෙයක් කරන්න. කරල, හිතින් අධිෂ්ඨාන කරන්න, මේ කරන ලද පින්කම විෂ්ණු දෙවියන්ටද අනුමෝදන් වේවා කියල. එච්චරයි !

සම්බුදු සරණයි !

#Wishnu #deviyan #vishnu

“ වෘෂභ “

 

ඔය වෘෂභ ලග්න අය ඉන්නව නේද, එයාල හරි කැමතියි ලස්සනට, අඳින්න පලදින්න. ලස්සනට ඉන්න ඒ වෙනුවෙන් වියදම් කරන්න එයාල ලෝබ වෙන්නෙ නෑ.
ඒකට හේතුවක් තමයි, වෘෂභ ලග්නයේ ලග්නාධිපති තමයි “ සිකුරු “ .
සිකුරු, වෘෂභ රාශියෙදි ස්වක්ෂෙත්‍ර කියන බලවත් භාවයට එනව.

● වෘෂභ ලග්න අය තමන් ගැන හරි ආත්මාභිමානයකින් ජිවත් වෙන අය. ඒවගේම තමන්ගේ තීරණය - මතය ගැන ගොඩක් විශ්වාසය තියාගෙන වැඩ කරන අය. ආඩම්බරයි කිව්වත් හරි. වෘෂභ ලග්න ගෑණු ළමයි විශේෂයෙන් ආඩම්බර ගත තියෙන අය. අනුන්ගේ දේට වඩා තමන්ගේ දේ ගැන විශ්වාසයෙන් වැඩ කරන අය තමයි වෘෂභ ලග්නෙන් උපදින්නෙ.

● හිතේ ලොකු අධිෂ්ඨානයක් තියෙනව. එනිසා මොන කරදර ආවත්, ඒක අකාමකා කොහොම හරි තමන්ගෙ ඉලක්කයට යන්න දක්ෂයි. ඒවගේම කාත් එක්ක හරි කතා කරනව නම් බොහොම උනන්දුවෙන් අනිත් කෙනාගෙ හිතට තමන්ගෙ අදහස තේරුම් කරන්නත් දක්ෂයි.
වෘෂභ ලග්න අයට බොහෝම ගැලපෙන්නේ ව්‍යාපාර ක්ෂෙත්‍ර තමයි. රැකියා ක්ෂෙත්‍ර වල උනත් ඉහලටම ගිය වෘෂභ ලග්න අය අපි දන්නවා.

● ආදර - ප්‍රේම කතා වලදී සැලකිය යුතු තරම් ආත්මාර්ථකාමිව සහ බැදීමෙන් යුතුව වැඩ කරන වෘෂභ ලග්න අය, තමන්ගේ සැප පහසුවට අවශ්‍ය දේ කරගෙන ජිවිතය ඉදිරියට ගෙනියන්න කැපවෙලා වැඩ කරන අයයි.
නිතරම කේන්ති ආවෙ නැතත්, කේන්තිය ආවොත් තරමක් සැරපරුෂ ලක්ෂණ තියෙනව. වෙලාවකට කා එක්කවත් කතාවක් නැතිව නිහඬව ඉන්නත් දක්ෂයි.
කොහොම උනත්, වෘෂභ ලග්නයේ කෙනෙක්ව යටත් කරගන්න නම් ලේසි නෑ.

● සමාජ සේවා වලට කැමතියි. ඒවගේම සමාජයේ, අන් අය අතර කැපී පේන්න කැමතියි. මහන්සි වෙලා කටයුතු කරන්නත් දක්ෂයි. මොන දේ කරත් ඒ ගැන යම් සැලැස්මක් හිතේ තියාගෙනයි දේවල් කරන්නෙ.
ඉදහිට හෝ වෙන අයව විශ්වාස කරලා කරදර - පාඩු කරගන්න අවස්ථාත් තියෙනව.

“ දුර්වලතා “

- තමන්ගේ අදහසේම එල්ලිලා ඉන්න නිසා, තව හොද අදහස් ගැන දැනගන්න අවස්ථා නැති වෙන්න පුලුවනි. ඒවගේම ඒ මතය ගැන දැඩි විශ්වාසයකින් ඉදල වැරදුනොත් ලොකු මානසික පීඩා වලට පවා ලක් වෙන්න පුලුවන්.
- රැවටීම් වලටත් ලක් වෙන්න ඉඩක් තියෙනව.
- වියදම අධික නිසා, නිශ්ඵල දේට වියදම වැඩියෙන් කරන්නත් ඉඩ තියෙනව.

● සතියකට වතාවක්වත්, බෝධි පූජාවක් කරන්න. පන්සලකට ගිහින් පොලව අමදින්න. ඒ භූමිය පිරිසිදු කරන්න. කලබලයකින් තොරව. එහෙම කරල බලන්න මනසට ලොකු නිදහසක් දැනේවි - භාවනාව කියන්නෙ හරි සිහියෙන් වැඩ කරන එකයි.
●  තමන්ගේ වියදම් කළමනාකරණය කරගන්න. වියදම් පොතක ලියන්න - ආදායම - ලැබීම වගේම. මාසයේ අන්තිමට ඒව බලන්න.
●  හවුලේ කරන දේවල් වලදි ගොඩක් හිතල බලල තීරණ ගන්න.

* වෘෂභ ලග්න ඔබට සතියේ හොද දවස් , බදාදා සහ සිකුරාදා
  * බ්‍රහස්පතින්දා දවස ඒ තරම හොද නැහැ.

- වෘෂභ ලග්නයේ ලග්නාධිපති “ සිකුරු“.
සිකුරු කේන්දරයේ දුර්වල නම්, දෘෂ්ටි වශයෙන් පීඩාකාරි නම් හෝ 22 දෙර්කාණාධිපති වගේ ගැටළුවක් නම් නිසි පින්කම් - පිලිවෙත් හරියටම කරල ඒ තත්වයන්ගෙන් මිදෙන්න කටයුතු කරන්න.

- අපි මිථුන ලග්නය ඊළගට බලමු.

#Wushaba #lka #srilanka

“ මේෂ “

● මේෂ ලග්නය කිව්වාම, ලග්නාධිපති වෙන්නෙ කුජ/ අගහරු ග්‍රහයා. කුජට රතු ග්‍රහයා කියලත් කියනව. යුද්ධයට කැමතියි හරියට. කුජ, මේෂ රාශියට ස්වක්ෂෙත්‍රයි. ඒ කියන්නේ මේෂ රාශියෙදි කුජ හොදට බලවත්.
රවි ග්‍රහයා උච්ච වෙන්නෙත් මේෂ රාශියෙදි.

● අපි අත්දැකීමෙන් දන්න විදියට, මේෂ ලග්න අය ඉවසිලිවන්තකමෙන් අඩුයි. කේන්දරයේ ග්‍රහ බලය අනුව ඒක තරමක් වෙනස් උනත්, නිතර තරහ එන, ක්ෂණික කෝපය නිතරම තියෙන අය තමයි මේෂ ලග්නයේ තියෙන්නෙ.
හිත හොඳයි, මිනිසුන්ට උදව් කරනව. ඒ වෙනුවෙන් මහන්සි වෙනව. හැබැයි තරහ එනව. ඒවගේම ටිකක් විතර ආත්මාර්ථකාමියි. ආඩම්බර ගතිත් තියෙනව.

● මේෂ ලග්න අය ඉදිරියට යන්න, දියුණු වෙන්න හරි කැමතියි. එනිසා හරිම අධිෂ්ඨානශීලිව ඒ වෙනුවෙන් කැප වෙනව. අපි දැකල තියෙන මේෂ ලග්න ගොඩක් අය, තමන් මොන ක්ෂෙත්‍රයක හිටියත් ඒකෙ දියුණුවකට ආපු අය.
● මේෂ අයගෙ තව විශේෂ ලක්ෂණයක් තමයි, තමන්ගේ මතයේම ඉන්න පුදුම තරම් උත්සාහ ගන්න එක. ලේසියට වෙනත් මතයකට කැමති වෙන්නෙ නෑ.

● මේෂ අය සමාජශීලියි. එනිසා අන් අය එක්ක ඉක්මනට මිතුරු වෙනව. ක්‍රීඩාවට දක්ෂයි. ගමන් බිමන් - සංචාර වගේ ඒවටත් දක්ෂතා තියෙනව.
● නිතර අභිමානයෙන් ජිවත් වෙන්න හිතන මේෂ ලග්න හිමියන් තමන්ගේ කැපවීම  තුලින්ම දියුණුව අත්කර ගන්නටයි මූලිකව කැමති. එහෙම නැතිව වෙන මාර්ග වලින් හෝ අන් අයව කපලා දාලා දියුණු වෙන්න එයාලට  උවමනාවක් නෑ.

“ දුර්වලතා “

- තම මතයේම ඉන්න නිසා, අන් අයගේ හොඳ අදහසක් උනත් අහගන්න දැනගන්න ඉඩ අඩු වෙන්න පුලුවනි.
- ක්ෂණික කෝපය නිසා හිත් නොහොදකම් ඇති වෙන්න පුලුවන්. ඒ තත්වයන් ගැන අවදානමත් වෙන්න.
- අධික තරඟකාරීත්වයක් සිතේ තිබෙන නිසා එයින් මානසික පීඩනය ඇති වෙන්න පුලුවන්.
- පරාජයකදී, පසුබෑමකදී බොහෝම දුක් වෙනවා.

● නිතරම ඉවසිලිවන්ත වෙන්න හිතන්න ඕන. බුද්ධිමත් වෙන්න හිතන්න.
පුලුවන් නම් දවසට විනාඩි 5 - 10ක් ආනාපානසති භාවනාව, මෛත්‍රී භාවනාව වගේ භාවනාවක් කරන්න.
● ඔයා සමාජශීලි නිසා, අනිත් අයට උදව් කරන දේවල් වලට යන්න පුලුවන් වෙලාවට. එතකොටත් ඔය කලබල ගති නැති වෙනව.

* තමන්ගෙ සුභ කටයුත්තකට වඩාම හොඳ දවස  “ අඟහරුවාදා“
* ඒවගේම සුභ දේකට එතරම් හොඳ නැති දවස “ සෙනසුරාදා “

- මේෂ ලග්නෙට අධිපති වෙන්නෙ කුජ ග්‍රහයා. කේන්දරයේ කුජ දුර්වල නම්, එහෙම නැත්නම් 22 දෙර්කාණාධිපතියා වගේ අසුභ ඵල දෙන කෙනෙක් වෙලා නම්..., ඒ ගැන සැලකිලිමත් වෙලා නිසි පින්කම්, වත් පිලිවෙත් කරන්න ඕන !

අපි වෘෂභ ලග්නය ගැන ඊලග දවසක බලමු !

#mesha #lagna #lk