“ බුධ මාරුව “

(2016 - මාර්තු 19)

ග්‍රහ ලොව සුරතලා වන බුධ ග්‍රහයා අද (මාර්තු 19) උදෑසන ස්වකීය
නීච රාශිය වූ මීන රාශියට පිවිසියා. එතන රවි ග්‍රහයා සිටින නිසා
රවි-බුධ යෝගයක් එනම් බුධ ආදිත්‍ය/භාග්‍ය යෝගයක්ද යෙදෙනවා.
කෙසේ වුවද බුධ නීච වීම පොදුවේ අශුභයි.
පවත්නා කාලය සති 2කට රටටම එතරම් ශුභ නැත.

* මැයි-ජුනි සිට රටටම ශුභ කාලයක් ක්‍රමිකව උදා වනු ඇත.
පුරා සති 2ක පමණ කාලයක් මේ ගෝචරය පැවැත් වේ.

ලග්න 12ට ඉතා කෙටියෙන් මෙසේ දක්වමු.
- මේ සියල්ල පොදු කරුනුය. කේන්දර සටහන අනුව වෙනස් විය
හැක.

● මේෂ
12 වැන්න වන වැයස්ථානයට බුධ පැමිණියේය.
මෙම මාරුව සමඵලයි. වියදම් කිරිමේදි බුද්ධිමත් වන්න.

● වෘෂභ
11 වැන්න වන අයස්ථානයට බුධ පැමිණියේය.
ශුභදායකයි. ආදායම් මාර්ග දියුණු කරගැනීමේ වාසනාව පවති.

● මිථුන
10 වැන්න වන රැකියා ස්ථානයට බුධ පැමිණීයේය.
ශුභයි. වාසනාවන්ත කාලයකි.

● කටක
9 වැන්න වන පෙර පින ගැන කියවෙන ස්ථානයට බුධ පැමිණියේය.
ශුභයි. පෙර පින් බලය මතුවන තරමක වාසනාවන්ත කාලයකි.

● සිංහ
8 වැන්න වන ආයුෂස්ථානයට බුධ පැමිණියේය.
ශුභදායකයි. රවි-බුධ යෝගය යෙදිම උසස් අයගේ අවධානය ඔබට
හිමි වන කාලයකි.

● කන්‍යා
7 වැන්න වන විවාහ ස්ථානයට බුධ පැමිණියේය.
සමඵලදායකයි. කටයුතු වල වෙනදාට වඩා ප්‍රගතියක් දකින්නට
ලැබෙනු ඇත.

● තුලා
6 වැන්න වන රෝගස්ථානයට බුධ පැමිණියේය.
ශුභයි. හදිසි ලාභ ලැබෙන්නට වාසනාව පවති.

● වෘශ්චික
5 වැන්න වන විද්‍යාස්ථානයට බුධ පැමිණියේය.
සමඵලදායකයි. අධ්‍යාපන කටයුතු වලට වෙනදාට වඩා කැපවන්න.

● ධනු
4 වැන්න වන දේපල ගැන කියවෙන ස්ථානයට බුධ පැමිණියේය.
ශුභයි. ආර්ථික මාර්ග දියුනු කරගැනිමේ වාසනාව පවති.

● මකර
3 වැන්න වන වික්‍රමස්ථානයට බුධ පැමිණියේය.
මිශ්‍රපලදායකයි. පොදුවේ සාමාන්‍ය පරිදි ගත කරන්නට හැක.

● කුම්භ
2 වැන්න වන ධනස්ථානයට බුධ පැමිණියේය.
ශුභපලදායකයි. නව ආදායම් අවස්ථා ඇතිවිමේ වාසනාව පවති.

● මීන
1 වැන්න වන ලග්නයට බුධ පැමිණියේය.
ශුභයි. නව කටයුතු ඇරඹීමට සුභයි.

#ඉරුසේවය Iru Astrology