“ රවි මාරුව “ ( දෙසැ 16 දක්වා)

ග්‍රහ ලොව අධිපති රවි ග්‍රහයා සිකුරුට හිමි, තුලා රාශියෙන් මිදී කුජට හිමි වෘශ්චික රාශියට පැමිණ,  බුධ සමග සංයෝග වේ.
  2017/11/16 සිට 2017/12/16 දින දක්වා ගෝචරය වෙයි.

ලංකා කුම්භ ලග්න කේන්ද්‍රයේ 10 වැන්නට රවි පැමිණේ. ජනතාවට සහනදායී කාලයක් උදාවිමට ඉඩ ඇත. තරමක් කාලගුණයද වෙනදාට වඩා යහපත් විය හැක.
-

● මේෂ
මේෂ ලග්නයේ හිරු 8 වැන්නට පැමිණේ.
  නව ව්‍යාපාර සැලසුම් කිරීමට සුබ කාලයකි. යහපත්  ආර්ථික මට්ටමක් පවත්වා ගෙන යාමේ දී  බාධා පැමිනේ.
රැකියා දියුණුව ලැබීමට දරන උත්සාහයන් ගෙන් යම් ප්‍රතිඵලයක් ලැබීමට හැකි කාලයක්  වේ.
ගෘහ ජීවිතයේ උදරය ආශ්‍රිතව අසනීප ඉස්මතු වීමේ අවදානමක් ඇත.
 ගේ දොර සමගියට බාධා මතු විය හැක.

      _
● වෘෂභ
වෘෂභ ලග්නයේ රවි 7 වැන්නට පැමිණේ.
ආදායම් මාර්ග වලින් යහපත් ප්‍රතිඵල ලැබීමට අවස්ථා උදා විය හැක. මූල්‍යය  ආයතන වලින් ණය ලැබිමට ඉඩ ඇත. එහෙත් මූල්‍ය කලමනාකරන‍යේ   පාඩු පෙන්වයි.
රැකියාව සොයන අයට සුබ රැකියා ලැබිමට හැකි කාලයකි. කරදර බාධක මග හැරී යයි. ප්‍රධානීන්ගේ  පැසසුම් ලැබිමට ඉඩ ඇත.
ගෘහ ජීවිතයේ පවුලේ  සුලු පවුල් ආරවුල් ඇතිවීමට ඉඩ ඇත. ඉවසීමෙන් කටයුතු කල යුතු වේ.
    _

● මිථුන
මිථුන ලග්නයේ රවි 6 වැන්නට පැමිණේ.
     ආදායම් මාර්ග වල අවහිරතා පෙන්නුම් කරයි. තරමක් වියදම වැඩි වන කාලයකි.
රැකියාවේ බාධා පැමිණිය හැක, ප්‍රශ්න වලට මුහුණ  දීමට සිදුවේ. නව රැකියා අවස්ථා උදා විය හැක.
  පවුලේ සමගිය වර්ධනය  වේ. සුව පහසුවෙන් සිටීමට හැකි කාලයක් වේ. මංගල කටයුතු ප්‍රමාද විය හැක.

   _
● කටක
කටක ලග්නයේ රවි 5 පැමිණේ.
    ණය ලැබේ. ආර්ථිකය යහපත් වේ. විශේෂ ආර්ථික දියුණුවක් ලැබීම හැකි කාලයක් වීමට ඉඩ ඇත. මෙතෙක් පැවති බාධා ඉවත් වේ.
රැකියා ස්ථානයේ ගැටලු නිරාකරණය විය හැක.  නව රැකියා අවස්ථා උදා කර ගැනීමට හැකි වේ. රැකියාව කාර්යබහුල වීමට ඉඩ ඇත.
පවුල් ජීවිතයේ සමගිය ඇතිවන කාලයක් වීමට ඉඩ ඇත. මංගල යෝග උදාවෙයි. ඉගෙනීම් කටයුතු වලට වෙනදාට වඩා අවධානයක් යොමු කල යුතු  කාලයක් විය හැක.

    _
● සිංහ
සිංහ ලග්නයේ ලග්නාධිපති 4 වැන්නට පැමිණේ.
    ආර්ථික ගැටලු විසඳා ගැනීමට  හැකි වේ. නව ආදායම් මාර්ග උදාවෙයි. ආර්ථික වාසි සැලසේ. නව ව්‍යාපාර සැලසුම් කිරීමට සුබ කාලයකි. තිබු බාධාවන් අඩු වී යයි.
නව රැකියා ප්‍රමාද කරයි. රැකියාව බාධා මැද කර ගෙන යාමට සිදු විය හැක.
පවුල් ජීවිතයේ සමගිය ඇතිවන කාලයක් විය හැක.  මංගල යෝග උදාවෙයි. උත්සව අවස්ථාවලට සම්බන්ධ වීමට සිදු වන කාලයක් විය හැක.


     _
● කන්‍යා
කන්‍යා ලග්නයේ රවි 3 පැමිණේ.
    නව ආදායම් මාර්ග උදාවෙයි. ණය ලැබීමට ඉඩ ඇත. ව්‍යාපාර ක්ෂේත්‍රයේ  නව  පියවරක් ගැනීමට සුබ කාලයකි.  භූමිය සම්බන්ධ ව්‍යාපාර වලට සුබ කාලයක් විය හැක.
රැකියා  කරන අයට දියුණුව ලබා ගැනීමට හැකි වේ. රැකියාවේ  බාධාවන් අඩු වී යයි.
මංගල  උදාවෙයි. ඒවායේ ගැටලු විසඳා ගැනීමට හැකි වීමට  ඉඩ ඇත.

   
   _
● තුලා
  තුලා ලග්නයේ රවි 2 වැන්නට පැමිණේ.
ආදායම් මාර්ගවලට යොමු වීමට උත්සහ දරන අයට ඒ සඳහා  බාධා පැමිණේ.  නිවාස මිල දී ගැනීමට යොමු විමට  ඉඩ ඇති කාලයකි.
සුදුසුකම් වලට සරිලන රැකියා අවස්ථා උදා කර ගැනීමට හැකි වීමට ඉඩ ඇත. රැකියාවේ උසස් වීමක්  හෝ වෙනස් වීමක් සිදු වන කාලයක් විය හැක.
පවුලේ  සමගිය වර්ධනය වේ. මිතුරන් ඥාතීන්   අතර හොඳ හිත වර්ධනය  විය හැක.

  _
● වෘශ්චික
වෘශ්චික ලග්නයේ රවි ලග්න ගත වේ.
ආර්ථික ගැටලු විසඳා ගැනීමට  හැකි වීමට ඉඩ ඇත. නව ආදායම් මාර්ග උදාවෙයි. ණය ලැබේ. ව්‍යාපාර  ක්ෂේත්‍රයේ  නව  පියවරක් ගැනීමට සුබ කාලයකි.
රැකියාව කිරීමේදී තරමක බාධා පැමිණේ. කල්පනාකාරී විය යුතුය. නව රැකියා උදාවිමට ඉඩ ඇත.
තම පවුල තුල   වගකීම් වැඩි වේ. පවුලේ අයගේ සහයෝගය අඩුවේ, අනාගතය පිළිබඳ වැදගත් තීරණ කිහිපයක් ගැනීමට ඉඩ ඇත.



     _
● ධනු
ධනු ලග්නයේ රවි පැමිණෙන්නේ 12 වැන්නටය.
  නව ව්‍යාපාර ආරම්භ කිරීම  නොකල යුතුය. කල්පනාකාරී විය යුතුය.
රැකියාවේ බලාපොරොත්තු වන ප්‍රතිඵල ලැබීමට හැකි කාලයකි. කාලයක් තිස්සේ පැවතී ගැට‍ළු  විසඳා ගැනීමට හැකි කාලයක් විය හැක.
  ඉගෙනීම් කටයුතු වලදී සැලකිලිමත් විය යුතුය.  පවුලේ සමගිය ඇතිවීමට ඉඩ ඇත .
 
_
● මකර
රවි මකර ලග්නයේ 11 වැන්නට පැමිණේ.
  වෙනදාට වඩා මුදල් වැය වීමට කරුණු යෙදෙනු ඇත.  වියදම් පාලනය කර ගත යුතු වේ. බලාපොරොත්තු නො වුන ගැට‍ළු ඇතිවීමට ඉඩ ඇත.
රැකියා සොයන අයට  නව රැකියා උදාවෙයි. රැකියාවේ දුර ගමන් යෙදීමට ඉඩ ඇත.
මානසික නිදහස අඩුවේ. නෑදෑ හිත මිත්‍ර ආදීන්  නිසා  තරමක කරදර කාලයක් උදා විය හැක .


    _
● කුම්භ
කුම්භ ලග්නයේ රවි 10 වැන්නට පැමිණේ.
   තමන් ගන්නා තීරණ  නිසා තමන්ට අර්බුදකාරී තත්වයට මුහුණ පෑමට  සිදුවේ. ආදායම් මාර්ග වල නිසි පල ලබාගැනීමට යම් පියවරක් ගැනීමට  ඉඩ ඇත.
රැකියාවේ තිබු ගැටලුකාරි තත්වයන් නැති වී යාමට ඉඩ ඇත. තරග විභාග ආදියට යොමු විමට අවස්ථාවක්  උදා වීමට ඉඩ ඇත.
ගෘහ ජීවිතයේ   තම විවාහය පිළිබඳ  තීන්දු තීරණ  ගැනීමට හැකියාව ලැබෙන කාලයක් විය හැක.  පවුලේ සමගිය වර්ධනය  වීමට ඉඩ ඇත.


   _
● මීන
මීන ලග්නයේ රවි 9 වැන්නට පැමිණේ.
   පැවති බාධා ඉවත් වේ. ආදායම් මාර්ග යහපත් කර ගැනීමටත් වැඩි දියුණු කර ගැනීමටත්  හැකි වීමට ඉඩ ඇත.
රැකියා ස්ථානයේ බලාපොරොත්තු නොවන ගැට‍ළු නිසා සිත් වේදනා ඇතිවෙයි සුදුසුකම් වලට සරිලන රැකියා අවස්ථා උදා කර ගැනීමට හැකි වේ.
ගෘහ  ජීවිතයේ උත්සව සහ ප්‍රිය  සම්භාෂණ අවස්ථා වලට සහභාගී වීමට ලැබෙන කාලයකි.
_