සතියේ ලග්න පලාපලය - ( ඔක් 31 - නොවැ 05)

මේ සතිය තුල සඳු/චන්ද්‍රයා  කුම්භ - මීන - මේෂ  රාශි වල ගෝචර වේ.
පොදු පලාපලයක් පමණි - කේන්දරය අනුව වෙනස් විය හැක.

-
● මේෂ
මේෂ ලග්නයේ සඳු 11-12-1  රාශි වල ගෝචර වේ.
ආදායම් මාර්ග වල ආදායම වැඩිවි ආර්ථික වාසි උදාවිය හැකි කාලයක් විය හැකිය.
රැකියාවේ බාධාකාරි තත්වයන් මග හැරි යා හැක.
නව රැකියා සොයන අයට නව රැකියා  උදාවිමට හැකි සතියකි. තරඟ විභාග ආදියට සහභාගි විමට ඉඩ කඩ ලැබිය හැකි වනු ඇත.
දරුවන්ගේ අධ්‍යාපන කටයුතු වෙනදාට වඩා වර්ධනයක් පෙන්නුම් කරයි. පවුලේ සමගිය වර්ධනය වේ. සමගියෙන් වැඩ කටයුතු කිරීමට වැඩි ඉඩක් ලැබිය හැක.
_

● වෘෂභ
වෘෂභ ලග්නයේ සඳු මෙම සතියේ 10-11-12 රාශි වල ගෝචර වේ.
නව ආදායම් මාර්ග වලින් යහපත් ප්‍රතිඵල ලබාගැනීමට හැකියාව ලැබිමට ඉඩ ඇත. ගේ දොර, ඉඩකඩම් මිලදී ගැනීමට අවස්ථාව උදාවිමට ඉඩ ඇත. නිශ්ඵල ලෙස මුදල් වැය වීමට හැකියාව ඇති වුවද, මනා කළමනාකාරිත්වයකින් කටයුතු  කලොත් අනවශ්‍ය වැයවීම් වලක්වා ගත හැක.
රැකියාවේ බාධා අඩු වෙයි. නව රැකියා සොයන අයට සුබයි. රැකියා වල යෙදෙන අයට සාමාන්‍ය ආකාරයට රැකියාව කරගෙන යාමට හැකියාව ලැබිමට ඉඩ ඇත.
ගෘහ ජිවිතය තුල සහෝදරයින්ගේ දියුණුව උදා වෙයි. ගේ දොර අලංකරණයට සිත යයි. උත්සව ප්‍රිය සම්භාෂණ ආදියට සහභාගි වීමට හැකියාව ලැබේ.


_


● මිථුන
මිථුන ලග්නයේ සඳු මෙම සතියේ 9-10-11 රාශි වල ගෝචර වේ.
නව ව්‍යාපාරික අරමුණු කරා යොමු වීමට කාලය උදා වීමට ඉඩ ඇත. තිබූ ආදායම් මාර්ග වල ආදායම වැඩි කර ගැනීමට අවස්ථාව උදා විය හැක.
රැකියා සොයන අයට තම සුදුසුකම් වලට සරිලන රැකියා අවස්ථා ලැබිමට හෝ කැදවීම් ලිපි ලැබිමට හැකි කාලයක් වනු ඇත. රැකියා කරන අයගේ රැකියාවල තිබූ ගැටලු විසඳා ගැනීමට අවස්ථාව උදාවේ.
ගෘහ ජිවිතය තුල ප්‍රිති උත්සවවලට සහභාගි වීමට ඉඩ ලැබිය හැක. තම දරුවන්ගේ අධ්‍යාපන කටයුතු සාර්ථක කර ගැනීමට හැකියාව ලැබේ.  


_

● කටක
කටක ලග්නයේ සඳු මෙම සතියේ 8-9-10 රාශි වල ගෝචර වේ.
ආර්ථිකය වර්ධනය කර ගැනීමට යම් පියවරක්  ගැනීමට සිදුවේ.  ව්‍යාපාර සැලසුම් කිරීමට කාලය උදා වේ. ඉඩමක් මිල දී ගැනීමට අවස්ථාවක් උදා විය හැක.
රැකියා ස්ථානයේ බාධා ඇතිවීමට ඉඩ ඇත. විදෙස් රැකියා බලාපොරොත්තුවෙන් සිටි අයගේ රැකියා ලැබිමට ඉඩ ඇත.
ගෘහ ජිවිතය තුල ඉවසීම අඩු වුවොත්, ඉක්මණ් තීරණ ගත්තොත් තමන්ට අවාසි සහගත දේ වීමට ඉඩක් පවති. තරුණ අයට ගැලපෙන මංගල යෝජනා උදා විය හැක.

_


● සිංහ
සිංහ ලග්නයේ මෙම සතිය තුල සඳු 7-8-9 රාශි වල ගෝචර වේ.
මෙතෙක් පැවති ආදායම් මට්ටම තරමක් පහල යාමේ හැකියාවක් පවති. එහෙත් ආර්ථික ප්‍රතිලාභ ලැබීමටත්, ව්‍යාපාර වල දියුණුවටත් කරුණු යෙදෙනු ඇත.
රැකියාවට තරමක් බාධා මතුවේ, කල්පනාකාරි විය යුතුය. රැකියා ස්ථානයේ මිතුරන්ගෙන් උදව් උපකාර ලබා ගැනිමේදී ප්‍රවේශම් විය යුතුය.
ඉගෙනීම් කටයුතු වලදී දරුවන් වෙනදාට වඩා උනන්දු විය යුතුය.ආදර සබදතා වලටද බාධා මතු විය හැක. පවුලේ සමගියට බාධා ඇතිවීමට ඉඩ ඇත.
_

● කන්‍යා
මෙම සතිය තුල සඳු 6-7-8 රාශි වල ගෝචර වේ.
පැවති ආදායම් තත්වය පහල බැසීමට කරුනු යෙදීමට ඉඩ ඇති බැවින් කල්පනාකාරී විය යුතුය. තිබෙන ප්‍රශ්න වලට බුද්ධිමත්ව විසඳුම් සොයා ගත යුතු වේ.
යහපත් රැකියා වලට අවස්ථා යෙදේ. රැකියාවේ බාධාවන් අඩු වී යාමෙන් සිතට සහනදායි බවක් ගෙන දෙනු ඇත.
ගෘහ ජීවිතය යහපත් සතියකි. මංගල යෝග උදාවෙයි. දරුවන්ගේ අධ්‍යාපනය සම්බන්ධ ගැටලු මතුවිමට ඉඩ ඇති සතියක් වනු ඇත.
_

● තුලා
තුලා ලග්නයේ සඳු මෙම සතියේ 5-6-7 රාශි වල ගෝචර වේ.
තම ආදායම් මාර්ගවල වැයපස ඉහළ යයි. ආදායමට වඩා වියදම වැඩි වුවද  තම ආදායම්වල වැඩි කර ගැනීමට අවස්ථාව උදා වීමට ඉඩ ඇත.
නව රැකියා උදා වේ. උසස්විම් තරග විභාග ආදියට යොමු වීමට ඉඩකඩ ලැබේ. රැකියා ස්ථානයේ දුර බැහැර ගමන් බිමන් යෙදිමට ඉඩ ඇත.
ගෘහ ජීවිතයේ දෙමාපියන්ගේ දෝෂාරෝපණ එල්ල වේ. අසල්වැසියන් සමඟ සිත් අමනාපකම් ඇතිවීමට ඉඩ ඇත. ප්‍රීති උත්සව ප්‍රිය සම්භාෂණ වලට සහභාගි වීමට ඉඩ ලැබේ.
 ඉගෙනුම ලබන දරුවන් ගේ අධ්‍යාපනය වර්ධනය වේ.
_

● වෘශ්චික
වෘශ්චික ලග්නයේ මෙම සතිය තුල සඳු 4-5-6 රාශි වල ගෝචර වේ.
  මෙතෙක් පැවති පැවති බාධක ඉවත් වී යාමට ඉඩ ඇත. තම ආදායම් තත්ත්වය  සරු කර ගැනීමට ඉඩ ලැබෙන කාලයක් විමට ඉඩ ඇත.
නව රැකියා ලැබීමෙන් හා කරන රැකියාව ද ස්ථාවර බව ඇති කිරීමෙන් රැකියාවේ  දියුණුව කරා යාමට හැකියාව ලැබීමට ඉඩ ඇත. උසස්වීම් තරඟ  විභාග ආදියට යොමු වීමට තිබූ බාධා ඉවත්වි යාමට ඉඩ ඇත.
ගෘහ ජිවිතයට පැවති බාධාකාරි තත්වයන් මග හැරිය හැක. තමන්ට විරුද්ධව සතුරු බලවේග මතුවිය හැක. බුද්ධිමත් වන්න. අධ්‍යාපන කටයුතු සාර්ථක කර ගැනීමට අවශ්‍ය කටයුතු කරන්න.
_


● ධනු
ධනු ලග්නයේ  3-4-5 රාශි වලට සඳු ග්‍රහයා පැමිණේ.
ආර්ථික වශයෙන් දියුණුවක් උදා කර ගැනීමට  ලැබෙන සතියක් විය හැකි ය. තිබු ගැටලු වලට ස්ථාවර විසඳුම් සොයා ගැනීමට අවස්ථාව උදා වේ.
රැකියා කටයුතුවල නිරත අයට ඒවාට එතරම් සුබ පල නොලැබෙන තත්ත්වයක් උදා වීමට ඉඩ ඇත, කල්පනාකාරීව කටයුතු කළ යුතු කාලයකි රැකියා බලාපොරොත්තුවෙන් සිටින අයට ඒ සඳහා යහපත් අවස්ථා උදා වේ.
පවුල් ජීවිතය ගත කිරීමේදී තමන් තුළ මතුවන දුර්වල ගති තුළින් සමගිය ට යම් යම් බාධාවන් ඇතිවේ.
තමන්ගේ වැඩිහිටි අයගේ උපදෙස් අනුව ක්‍රියා කිරීම තුළින්  ගැටලු විසඳා ගැනීමට ඉඩ සැලසෙනු ඇත.
_


● මකර
මෙම සතිය තුල මකර ලග්නයේ සඳු 2-3-4රාශි වල ගෝචර වේ.
දියුණුව උදා කර ගැනීමට උනන්දුවෙන් කටයුතු කරන සතියකි. නව ආදායම් මාර්ග වලට යොමු වීමට හැකියාව ලැබිමට ඉඩ  ඇත.
රැකියා දියුණුවට අවශ්‍ය මාර්ග වලට යොමු වීමට මෙම සතිය තුල හැකි වේ. නව රැකියාවලට යොමු වීමට  උත්සහ දරන අයගේ බලාපොරොත්තු සඵල විය හැක.
ගෘහ ජීවිතයේ පිටස්තර අය සමඟ සතුටු සාමීචියේ යෙදීමට වැඩි ඉඩක් ඇති කාලයක් උදා වෙයි. පවුලේ සමගියට බාධා ඇතිවීමට ඉඩ ඇත.

-
● කුම්භ
කුම්භ ලග්නයේ 1-2-3 රාශි වල මෙම සතියේ සඳු ග්‍රහයා ගෝචර වේ.
වෙනදාට වඩා තම වැඩකටයුතු වැඩ කටයුතු ඉක්මන් කිරීමට යාම තුළින් තරමක් ගැටලූ නිර්මාණය වීමට ඉඩ ඇත.
රැකියා බලාපොරොත්තු වන තරුණ තරුණියන්ට නව රැකියා ප්‍රමාද කිරීමට ඉඩ ඇත. රැකියා කරන අයට තරමක් සුබ සතියකි.
ගෘහ ජීවිතයේ තම පවුල වෙනුවෙන් වෙනදාට වඩා වෙහෙසීමට සිදුවන කාලයකි. අසල්වැසියන් සමග වෙනදාට වඩා සමීපව කටයුතු  කිරීමට ඉඩ ලැබිය හැක.

-

● මීන
මීන ලග්නයේ සඳු 12-1-2 යන රාශි වල මෙම සතියේ ගෝචර වේ.
ආදායම් මාර්ග වල දුර්වලතා හේතුවෙන් ණය ලබාගැනීමට සිදුවේ. ව්‍යාපාරික සැලසුම් ක්‍රියාත්මක කිරීමට සිදුවන කාලයකි.
නව රැකියා අවස්ථා වලට යොමු විමට  හැකියාව ලැබෙන කාලයකි. ස්ථාන මාරු ලැබිමට ඉඩ ඇති සතියකි.
ගෘහ ජීවිතයේ වැඩිහිටි අයගේ අවවාද ලැබේ. පවුලේ සමගිය වර්ධනය වේ.  දරුවන් වෙනුවෙන් වෙහෙසීමට සිදුවේ.


-

#ඉරු