● මේෂ
ආර්ථිකය : යහපත්ව පවතී.
එසේම නව ආදායම් මාර්ග වලට ඔබට යොමුවීමට සිතෙනවා ඇත. එසේම විදේශ ගතව රැකියා කරන අයටත් මේ කාලය හොදයි. භූමි ලාභ සැප සම්පත් ලැබෙනවා ඇත.
ගෘහ ජිවිතය : ඉතාම හොද ආකාරයෙන් ගත වේ.
ගැටළු තිබෙනවා නම් ඒවා නිරාකරණය කිරීමටද අවස්ථාව ලැබේ. මේෂ ලග්නයේ ගැබිණි මව්වරුන් සිටී නම්, ඔවුන්ට වාසනාවන්ත දරු උපත් සිදුවේ. ප්‍රේම සබදතා සඵල වන අතර, ජූනි මසින් පසුව විවාහ කටයුතු වලට බොහෝ සෙයින් හිතකරයි. අධ්‍යාපනය ලබන දරුවන්ගේ දැනුම වැඩිවන අතර තරග විභාග ආදියෙන් සමත් වේ.
සෞඛ්‍ය : වෙනදා මෙන්ම බරපතල ගැටළු නැති අතර, උදරාබාධ සහ වාත අමාරු සම්බන්ධව සැලකිලිමත් වන්න.
සුභ දින - අඟහරුවාදා, බ්‍රහස්පතින්දා
සුභ වර්ණය - කහ
සුභ දිශාව - නැගෙනහිර
● වෘෂභ
ආර්ථිකය : මේ වසරේදි ආර්ථික තත්වය ඉතාම ප්‍රවේසම් සහගතව පවතී.
ඔබට කලින් වසරේ උනු ආර්ථික අපහසුතා සිදුවන්නේ නැත. තිබෙන මුදල් ආරක්ෂා වීමද එසේම අලුත් මුදල් හම්බ කිරීමද සිදුවේ. නව රැකියා තත්ව යෑමට හොද කාලයයි. ජූලි මසින් පසු භූමි ලාභ, දේපල ලාභ එසේම උරුමහරුමකම් නිසා ඔබ දියුණුවට පත්වෙනු ඇත.
ගෘහ ජිවිතය : ඉතා වාසනාවන්තයි.
වෘෂභ ලග්න පෙම්වතුන්ට ඉතාමත් හොද කාලයකි. වැඩිහිටි කැමැත්ත, ආශිර්වාදය ඔබට ලැබෙනු ඇත. ඔබට තරග විභාග ආදිය සමත් වීමට වාසනාව ලැබේ. එසේම ජුලි මසින් පසුව සමාජයේ යම්කිසි ආකාරයකට ඔබ ජනප්‍රිය චරිතයක් වෙනු ඇත.
සෞඛ්‍ය තත්වය : තරමක දුර්වලයි.
සෙම් අමාරු, තවද විවිධාකාරයේ රෝගාබාධ ඔබට වැළදීමට පුලුවන්. නමුත් මෙම වසරේ ජුලි මසින් ඔබට එම තත්වයන් අවම වේ.
සුභ දින - බදාදා, සිකුරාදා
සුභ වර්ණය - නිල්
සුභ දිශාව - ඊසාන
● මිථුන
ආර්ථිකය : ඉතාම ශුභදායක තත්වයක පවතී.
එසේම සියලු තත්වයන් කෙරෙහි ඔබගේ වාසනාව එල්ල වේ. නව ආදායම් මාර්ග ලැබෙන අතර, පවතින ආදායම් මාර්ග දියුණු කරගැනීමට හැකියාව ලැබෙනු ඇත. රැකියා කටයුතු ගැටළුවකින් තොරව කරගෙන යාමට හැකියාව ලැබේ. එසේම විදේශ රැකියා වල නියුතු අයටත් හොදයි. ධන ධාන්‍ය තත්වය ගැන, ජූලි මසින් පසු ප්‍රවේසම් වීම ඔබගේ වාසියට හේතු වෙනවා ඇත.
ගෘහ ජිවිතය : ඔබට සතුට සමාදානය ඇතිවේ.
ගැටළු මතුවන්නේ නැත. නමුත් ජුලි මසින් පසු, සමහර දේවල් වලට යම් යම් බාධක කරදර එල්ල වීමට පුලුවන්. ඒ ගැන සැලකිලිමත් වන්න. ප්‍රේම සබදතා වලට සහ මංගල යෝග වලට පවතින ග්‍රහචාරයේ කිසිම අසුබ බලපෑමක් නැති බව සලකන්න.
අධ්‍යාපනික කටයුතු, වෙනදා වගේම කරගෙන යාමට පුලුවන්. ප්‍රබල බාධක නොමැත.
සෞඛ්‍ය : ප්‍රබල ගැටළු නොමැත.
ජුලි මසින් පසු තමාගේ පුද්ගලික සෞඛ්‍ය මෙන්ම ලෙඩ රෝග ගැනද වැඩි අවධානයෙන් සිටිය යුතුයි. විශේෂයෙන්ම මිථුන ලග්නයේ තරබාරු අය තමාගේ ශරීර ස්වභාවය ගැන යම්කිසි අවධානයකින් සිටීම මැනවි.
සුභ දින - බදාදා, සිකුරාදා
සුභ වර්ණය - කොළ
සුභ දිශාව - උතුර
● කටක
ආර්ථිකය : ඉතාම ශුභයි.
මෙතෙක් පොදුවේ ගත්කල පැවති ශුභමය තත්වයන්, ඉදිරියටද පවතී. නව ආදායම් මාර්ග එසේම ආර්ථික තත්වයේ ශුභමය තත්වයන් ඔබට වෙනදා මෙන්ම පවතී. ජුලි මසින් පසු ආර්ථික තත්වයේ කැපී පෙනෙන වෙනසක් මෙන්ම අලුත් ආදායම් මාර්ග හිමිවේ. ව්‍යාපාරික ක්ෂෙත්‍රයේ අයට ඉතාම ශුභයි.
රැකියා කරන අයට තත්වයෙන් උසස්වීම්, නිලතල ලැබීම්, ඊට සමාන්තරව වැටුප් වර්ධක හිමිවීම පෙන්වයි.
ගෘහ ජිවිතය : ඉතාම ප්‍රීතියෙන් ගත වේ.
ඔබගේ පවුලට අලුත් වාසස්ථාන හෝ භූමි ලාභ හිමි කරගැනීමට මෙම කාලය තුලදී හැකියාව ලැබේ. ප්‍රේම සබදතා සම්බන්ධව පැවති ගැටළු නිරාකරණය වන අතර, අවිවාහක අයට මංගල යෝග උදාවීම නියතයි. එසේම තරග විභාග වලින් සමත්වීම ඉගෙන ගන්නා දරුවන්ගේ කැපී පෙනෙන දියුණුව වසර පුරාම පවතී.
සෞඛ්‍ය : ඉතාම යහපත් වේ.
නිදන්ගත රෝග ඇති අය ඒවා පාලනයට උනන්දු වන්න. වෙනත් ගැටළුවක් නොමැත.
සුභ දින - අඟහරුවාදා, බ්‍රහස්පතින්දා
සුභ වර්ණ - කහ, රතු
සුභ දිශාව - නැගෙනහිර
● සිංහ
ආර්ථිකය : ඉතාම ශුභ ආකාරයට පවතී.
එසේම 2015 වසරේ ජුලි මසින් පසුව කරන කියන කටයුතු පෙරට වඩා දියුණු වේ. ව්‍යාපාරිකයන්ට සුභයි. විදෙස් රැකියා කරන අයටද සුභයි. තමන්ගේ උත්සහයේ උනන්දුවේ හැටියට ප්‍රතිඵල ලැබෙනු ඇත. අප්‍රේල්, මැයි මාස තුල ධන හානි ඇතිවිමට ඉඩ ඇති බැවින් ප්‍රවේසම් වන්න. රැකියා කරන අයටද ඉතාම හොදයි.
ගෘහ ජිවිතය : පැවති බාධක ක්‍රමානුකූලව අඩුවේ.
භූමි ලාභ, එසේම දේපල සම්බන්ධව තිබුනු යම් යම් ප්‍රශ්න නිරාකරණය වෙයි. එසේම පිට පලාත් වල ඇවිදින්නට සංචාරයේ යෙදෙන්නට කාලය ලැබෙයි. අඹුසැමි ප්‍රේමය වර්ධනය වන අතර, අවිවාහක අයට මංගල යෝජනාද උදාවේ. සමහරවිට නිවසේ සිටින වැඩිමහල් කෙනෙකුට කරදර අනතුරු වීමට ඉඩ තිබේ.
අධ්‍යාපනික තත්වය වෙනසක් නොමැතිව පවතී. සෙනසුරු මහ දසාව සහ රාහු මහ දසාව ගත කරන අයගේ ඉගෙනීමෙට ප්‍රබල බාධාවක් මතුවීමට ඉඩ ඇත. ඒ ගැන විමසිල්ලෙන් සිටිය යුතුයි.
සෞඛ්‍ය : අයහපත් නැත.
උෂ්ණාධික රෝග සහ බෝවන අසනීප වැළදීමට ඉඩ ඇත. එසේම අප්‍රේල්, මැයි කාලය තුල උළුක්කුවීම් සහ අස්ථි අමාරු මතුවිමට පුලුවන්.
සුභ දිනය - අගහරුවාදා
සුභ වර්ණ - රතු
සුභ දිශාව - උතුර
● කන්‍යා
ආර්ථිකය : යම් ගැටළු ඇතිවනු ඇත.
විශේසයෙන්ම මෙම වසරේදි මාස 6ක් ඇතුලත, දැනට තිබෙන ආර්ථිකය යහපත් වුවද ඉතිරි මාස 6දි එම ආර්ථික තත්වය පිරිහිමට පුලුවන්. ව්‍යාපාරික ඔබගේ ආර්ථිකය පිරිහිමට මෙන්ම, විශාල වශයෙන් ණය වීමට පුලුවන්. එසේම ව්‍යාපාරය කඩා වැටෙන තත්වයක් පෙන්වාවි. එම තත්වය ගැන සැලකිලිමත් වන්න. රාහු මහ දසා ගත කරන අය හිතුමතයට කටයුතු කිරීම ඉතාම අයහපත්. ජෝතිෂ්‍යය උපදෙස් පතන්න.
විදෙස් රැකියා කරන අයට ප්‍රීතීමත්ව කාලය ගත කල හැක. රැකියා කරන අයගේ දියුණුව සාමාන්‍ය පරිදි වේ. සමහරවිට ජුලි මසින් පසු එහි යම් යම් ගැටළුකාරි තත්ව මතුවිමට ඉඩ තිබේ.
ගෘහ ජිවිතය : ගැටළු තත්ව මතුවිමට ඉඩ ඇත.
ඔබගේ අධික කලබලකාරිත්වය නිසා ඔබට කිසියම් ආකාරයක ගැටළු තත්ව මතුවිමට පුලුවන්. ප්‍රේම සම්බන්ධතා බිදී යාමට ඇති ඉඩකඩ වැඩී. විවාහක ඔබ සහකරු/සහකාරිය කෙරේ පවතින විශ්වාසය ගැන සැලකිලිමත් වීම හොදයි. එසේ නොවුනොත් දෙදෙනා අතර, ආරවුල් මතුවීමට පුලුවන්.
අධ්‍යාපනික කටයුතු වලට බාධක එල්ල වන්නේ, විශේෂයෙන්ම රාහු මහ දසාව ගත කරන අයටයි.
තරග විභාග වලින් අසමත් වීමට ඉඩ ඇත, ඒ අධික කලබලය හින්දාය.
සෞඛ්‍ය : මානසික තත්වය සම්බන්ධව ගැටළු පවති.
අධික කෝපය, ඔබට අධික කෝපය නිසා යම් ගැටළු මතුවිමට පුලුවන්.
සුභ දින - බදාදා, සිකුරාදා
සුභ වර්ණ - ලා නිල් පාට, ලා කොළ පාට
සුභ දිශාව - නැගෙනහිර
● තුලා
ආර්ථිකය : ආර්ථිකය යහපත්ය.
ව්‍යාපාරික කටයුතු කරන අයට යම්කිසි එහි පිබිදීමක් පෙන්නුම් කරයි. අවහිරව තිබූ ආදායම් මාර්ග සම්බන්ධව සුභදායක තත්වයන් මතුවේ. රැකියා කරන අයට උසස්වීම් ලැබේ. එසේම වැටුප් වර්ධක හිමිවේ. එසේම තුලා ලග්නයේ ගෘහණියන්ට තමාගේ ස්වාමියාගෙන්, සහෝදරයෙන්ගෙන් යම් යම් මුදල් උපකාර හිමිවේ.
ගෘහ ජිවිතය : තමන්ගේ තිබුනු බොහෝ ගැටළු තත්වයන් නිරාකරණය වේ.
උරුමහරුමකම් සම්බන්ධව තිබුනු ගැටළු නිරාකරණය වන අතර, තමාගේ දේපල සම්බන්ධව තිබුනු යම් යම් ප්‍රශ්නද නිමාවට පත්වේ. ප්‍රේම සබදතා යහපත් ආකාරයට පවතින අතර, මේ වසරේ ජුලි මසින් පසුව ඔබට මංගල යෝග උදාවේ. බොහෝම හොදයි.
අධ්‍යාපනික තත්වයන් සම්බන්ධව ශුභදායකව කල්පනා කිරීමට පුලුවන්. තරග විභාග ආදියෙන් සමත්වීම සිදුවේ.
සෞඛ්‍ය : ඉතාම යහපත්.
තිබුනු රෝග සුව වේ. පාද වල තිබුනු වේදනා ක්‍රමානුකූලව අවසන් වී යයි. ඔබට ශුභදායක කාලයක් උදාවේ.
සුභ දින - සෙනසුරාදා, බදාදා
සුභ වර්ණ - නිල්
සුභ දිශාව - උතුර
● වෘශ්චික
ආර්ථිකය : ඉතාම ශුභ බව කිව යුතුයි.
පවතිනවාට වඩා හොද ආර්ථික තත්වයක් නිතැතින්ම උදාවේ. දැනටද ඔබගේ බඹරය කැරකෙන්නේ වැල්ලේය. ඊට වඩා සිය දහස් ගුණයකින් දියුණුවීම පෙන්නුම් කරයි. නව ආදායම් මාර්ග මෙන්ම දෙන දෙයියෝ ටොකු ඇණ ඇණ දෙනවා මෙන් පිට පිට වාසි සැලසේ. හදිසි ධනලාභ, භූමි ලාභ ඔබට ලගාවේ. මා සිතනා ආකාරයට 2015 ඔබට ජයෙන් ජය ලැබෙන වසරකි. ඒ මන්ද 2011, 2012 වසර වල ඔබ තරම් පීඩාවට පත්වූ තව කෙනෙක් නොමැති වූ නිසාය. රැකියා වලටත් ඉතා හොදයි. ජුලි මසින් පසු සමහර අයට විදෙස් රැකියා හිමිවීමට පුලුවන්.
ගෘහ ජිවිතය : ප්‍රීතිය වර්ධනය වේ.
එසේම අඹුසැමි සමගිය, ප්‍රීතිය දෙගුණ තෙගුණ වේ. වසර පුරාම එම බැදීම යහපත් ආකාරයට පවතී. අලුත් ඥාති මිත්‍ර සම්බන්ධකම් ගොඩ නැගේ. අවිවාහක අයට මංගල යෝග මෙන්ම සියලුම ප්‍රීතියෙන් සිටිමට අවශය කරුණු කාරණා යෙදේ. ශනි මහ දසා ගත කරන අයට පමණක් තරමක දුෂ්කරතා වලට මුහුණ පෑමට සිදුවේවි.
අධ්‍යාපනය ලබන දරුවන්ගේ දියුණුව සැලසේ. එසේම තමන්ට තරග විභාගාදියෙන් ඉහලින් සමත්වීමට වාසනාව ලැබේ.
සෞඛ්‍ය : ඉතාම යහපත්ව පවති.
ඉරුවාරදය, හිසේ කැක්කුම සම්බන්ධ ගැටළු ඇත්නම් ඒ ගැන සැලකිලිමත් වන්න. වෙන ගැටළු නැත.
සුභ දින - බ්‍රහස්පතින්දා, සදුදා
සුභ වර්ණ - කහ, ඇත් දළ පාට
සුභ දිශාව - උතුර
● ධනු
ආර්ථිකය : මධ්‍යස්ථ ආර්ථික තත්වයක් පවතී.
යම් යම් ගැටළුකාරි තත්ව පැවතුනද ඔබගේ දැඩි කල්පනාව සහ අවධානයෙන් බොහෝ දේවල් යටපත් කල හැක. ඔබ තුල නිවරදි කළමනාකරණයක් ඇත්නම් පවතින බොහෝ ආර්ථික ගැටළු වලට විසදුම ඔබ ලගම පවතී. මෙම වසර තුල එසේ නොමැති වුවහොත් ඔබට ධන හානි, පාඩු, අලාභ සිද්ධ වීමට ඉඩකඩ වැඩිය. ඔබගේ කේන්දරයට අනුව සෙනසුරු හෝ රාහු මහ දසා ගතවේ නම් විමසිලිමත් විය යුතුයි. රැකියා වල සුරක්ෂිත භාවය ගැන උනන්දු වන්න.
ගෘහ ජිවිතය : ඔබගේ භූමිකාව වඩා ඉවසිලිමත්ව තිබීම ශුභයැයි සිතමි.
අඹුසැමි ගැටළු, ප්‍රශ්න මතුවිය හැක. දෙදෙනා අතර ලිංගික සබදතා පවා අවම විය හැක. එසේම දුවාදරුවන්ගේ ප්‍රශ්න වලට මැදිහත්වීමට ඉඩ තිබේ. මෙම සියලුම කටයුතු සම්බන්ධව ඉතාම බුද්ධිමත්ව මනස යොමුකිරීම යහපත්ය. දුවාදරුවන්ගේ අධ්‍යාපනික කටයුතු වලට බාධක ඇත. මතක ශක්තිය හීනවීමට පුලුවන්. එසේම ගෙදර රැදීම ඉතාම අඩුවිය හැක.
සෞඛ්‍ය : ගැටළු ඇත.
රෝග පීඩා, එසේම සෙම් අමාරු, දෙපා යටිපතුල් ආශ්‍රිත රෝග ඇතිවිමට පුලුවන්. පරිස්සම් වන්න.
සුභ දිනය - බ්‍රහස්පතින්දා, බදාදා
සුභ වර්ණය - කහ , ඇත්දළ පාට
සුභ දිශාව - උතුර
● මකර
ආර්ථිකය : ආර්ථික තත්වය හොදයි.
හවුල් ව්‍යාපාර කරන අයට මනාව ලාබ ලැබේ. එසේම නව ව්‍යාපාරික කටයුතු ආරම්භ කිරීමට අවුරුද්දේ මුලදී ලැබේ. උත්සහයේ උනන්දුවේ හැටියට ප්‍රතිඵල ලැබේ. තවද වාසි සහගත ගිවිසුම් වලට එළඹීමට පුලුවන්. රැකියා කරන අයට හොදයි, වැටුප් වර්ධක හිමිවේ. උසස් වීම් හිමිවේ. ව්‍යාපාරික ක්ෂෙත්‍ර වල අයට විදේශ ආනයන, අපනයන තත්ව හිමිවේ.
ගෘහ ජිවිතය : ප්‍රීතිමත්ව ගත වේ.
අවිවාහක අයට මංගල යෝග උදාවේ. එසේම ප්‍රේම සබදතා සම්බන්ධයෙන් තිබුනු ගැටළු වලට වැඩිහිටියන්ගෙන් ආශිර්වාදය ලැබේ. පිට පලාත් වල සංචාරය සිදුවේ. විදෙස් ගතවීමටද පුලුවන්. සමහරවිට ජුලි මසින් පසු වැඩිහිටියන්ගේ උරුමහරුමකම් සහ මලගිය ඇත්තන්ගේ උරුමහරුමකම් තමාට ලැබේ.
අධ්‍යාපනික කටයුතු වලට ඉතාම හොදයි. තරග විභාග සමත්වීම, ධාරණ ශක්තිය වැඩිවිම ඇතිවේ. විශ්ව විද්‍යාල අධ්‍යාපනයේ නියුතු අයටත්, උසස් අධ්‍යාපනයේ නියුතු අයටත් හොදයි.
සෞඛ්‍ය : ඉතාම යහපත් වන අතර සැලකිලිමත්ව සිටින්න.
සෞඛ්‍ය තත්වය යහපත්ය. ජුලි මසින් පසුව උළුක්කු වීම්, පාද වල වේදනා අනතුරු සම්බන්ධයෙන් සැලකිලිමත් වන්න.
සුභ දින - බදාදා, සිකුරාදා
සුභ වර්ණය - කොළ පාට
සුභ දිශාව - උතුර
● කුම්භ
ආර්ථිකය : දැනට පවතිනවාට වඩා වසර මැදෙන් පසු ශුභ වනවා ඇත.
එසේම ඔබගේ හවුල්කාර පාර්ශව සමග ඉතාම අවබෝධයෙන් කටයුතු කිරීමට ලැබෙනවා. ආදායමට තිබුනු බාධක සම්බන්ධයෙන් ගැටළු නිරාකරණය වනු ඇත. එසේම ඔබට වසර මැදදී නව ආදායම් මාර්ග වලට අවතීරණ වෙනවා. රැකියා කරන අයටද තිබුනු බාධක දුරුවන්නේ වසර මැදින් පසුවය. එතෙක් එතරම් හොදකුත් නෑ, නරකකුත් නැහැ.
ගෘහ ජිවිතය : ඔබ සාමාන්‍ය පරිදි හැසිරෙනවා.
සමහරවිට වසරේ මධ්‍ය කාලය තෙක්ම ඔබට නිවසේ වැඩිපුර රැදී සිටීමට නොහැකියි. ඊට ප්‍රධානම හේතුව ග්‍රහයන්ගේ පවතින තත්වයන්ය. නමුත් ජුලි වලින් පසු ඔබට මංගල යෝග උදා වනව. නව ඥාති සබදකම්, එසේම නව තත්වයන් හිමි වෙනව. ඔබට හොදයි.
අධ්‍යාපනික කටයුතු වල නියුතු අයට තිබුනු බාධා ක්‍රමානුකූලව ඉවත් වෙනවා. මතක ශක්තිය වර්ධනය කරගැනීමට අවශ්‍ය කටයුතු කරගන්න. අතපසුවීම් ඇති කරගන්න එපා.
සෞඛ්‍ය : දැනට පවතින තත්වයට වඩා ජුලි වලින් පසු හොද වනු ඇත.
ආමාශගත රෝග, ආහාර ජීර්ණගත රෝග සම්බන්ධයෙන් ඔබගේ සැලකිල්ල යොමුවිය යුුතුය.
සුභ දිනය - සිකුරාදා
සුභ වර්ණය - කොළ
සුභ දිශාව - උතුර
● මීන
ආර්ථිකය : ඉතාම යහපත් භාවයක් පවතිනවා.
2015 වසර තුල නව ආදායම් මාර්ග හිමි වෙනවා. ව්‍යාපාරික ක්ෂෙත්‍ර වල නියුතු අයට, එසේම ජලය සම්බන්ධව ව්‍යාපාරික කටයුතු කරන අයට ඉතාම හොද තත්වයක් ඒ තුලින් උදා වෙනවා. රැකියා කරන අයට සහ විදෙස් රැකියා කරන අයට ඉතාම කලබලකාරිව ජිවිතය ගත උනත් යම්කිසි දියුණුවක් හිමි වෙනවා. ආර්ථික තත්වයට ශුභදායකයි. ජුලි මසින් පසුව සතුරු කරදර නිසා ඔබගේ ආදායම් මාර්ග කිසියම් ආකාරයකට අවහිර වීමක් සිදුවන්නට පුලුවන්. ඒ සම්බන්ධව සැලකිලිමත් වන්න.
ගෘහ ජිවිතය : හොදයි.
වසරේ මැද කොටස වෙන තෙක්ම පවුලේ දියුණුව සහ දරුවන්ගේ දියුණුව ඇතිවෙනවා. තවද විදේශ ගත වෙලා සිටින අයට මව් රටට ඒමට පුලුවන්. දුවාදරුවන්ගේ කටයුතු සම්බන්ධව සිතට ප්‍රීතිය ඇතිවේ. තරග විභාග ආදියට ඉදිරිපත් වී සිටින දරුවන්ට යම් හොද බලාපොරොත්තු ඇති කරගන්නට පුලුවන්.
දියුණුව සම්බන්ධව පවතින තත්වයන් ඉතාම හොදයි. ප්‍රේම සබදතා යහපත් වෙනව. ඒවාට වැඩිහිටියන්ගේ ආශිර්වාදය වසර පුරාම ලැබේ. අවිවාහක අයට මංගල යෝග උදා වේ. ඉතාම ශුභ කාලයකි.
සෞඛ්‍ය : ලොකු අවදානමක් නැහැ.
හිස සම්බන්ධ රෝග එසේම, සෙම් අමාරු ඇතිවිය හැක. මීන ලග්නයේ ගැබිණි මව්වරුන් සැලකිලිමත් විය යුතුයි, උදරාබාධ සම්බන්ධව. වෙනත් ප්‍රබල ගැටළු නැහැ.
සුභ දිනය : බ්‍රහස්පතින්දා, අගහරුවාද
සුභ වර්ණය : කහ, ඇත් දළ පාට
සුභ දිශාව : නැගෙනහිර
*** මෙම ලග්න පලාපලය සැකසුවේ පවතින තත්කාල ග්‍රහචාරයත් 2015 වසරට ග්‍රහයන් හැසිරෙන ආකාරයටත් අනුව පොදු මතයක සිටය.
මෙම තත්වයන් තමාගේ උප්පත්ති ග්‍රහ බලය සමග යම්කිසි වෙනසකට භාජනය වීමට පුලුවන්.
පොදුවේ දැක්වූ පලාපලයක් නිසා තමාගේ කේන්දරයත් සමගම පලාපල බලාගැනීම ශුභ වන අතර, මෙම කාරණාව පල කලේ සමහර අය තොරතෝංචියක් නොමැතිව ඔවුන්ගේ කාලයද අපගේ කාලයද විනාශ කරමින් අපව එක එක ප්‍රශ්න අසා අපගේ කාලය නාස්ති කරන බැවිනි.
එනිසා බුද්ධිමත්ව කල්පනා කර මේ පලාපලය තම උප්පත්ති කේන්දරේ පලාපලය සමග බලා තීන්දු තීරණ ගන්න.
තෙරුවන් සරණයි !
