●
මේෂ2025 පටන්ගනිද්දිම රවි 9 වැන්නෙත්, ධනය ලබාදෙන ගුරු 2 වැන්න වන ධනස්ථානයෙත් ඉන්නවා. ලග්නාධිපති කුජ ඉන්නෙ දේපල ගැන කියවෙන 4 වැන්නෙ.
කරන වැඩ මහන්සියෙන් කරලා දියුණුවක් ලබාගන්න පුලුවන්. මැයි - ජුනි මාසයෙන් පස්සේ කරන වැඩ වල වඩාත් සාර්ථක ප්‍රතිඵල ලැබෙනවා. වෙනදට වඩා හොද වැඩ කරන්න වගේම මෙච්චරකල් කරන්න ඕන කියල හිතපු වැඩ කරන්න හොද කාලයක්. ටිකෙන් ටික උනත් ආර්ථිකය දියුණු කරගන්න පුලුවන්. හැබැයි, ඉවසන්න ඕන.
මාර්තු වල සෙනසුරු ග්‍රහයා දැනට ඉන්න කුම්භ රාශියෙන් අයින් වෙලා මීන රාශියට එනවා. ඒකියන්නෙ මේෂ ලග්න අයගෙ 12 වැන්නට. 12ට ආවාම හිතට ටිකක් දුක්සහිත දේවල් වෙන්න පුලුවන්. ඒවගේම ලග්න ඒරාෂ්ටකයක් පටන් ගන්නවා ඒක අවු 7 හමාරක් තියෙනව.
අධ්‍යාපනයට හොදයි. ලෙඩ රෝග ගැන අවදානමත් වෙන්න ඕන. සෙම සම්බන්ධ රෝග ගැන විශේෂයෙන්.
හොදම දේ බෝධි පුජා සහ අසරණ අයට - අසරණ සතුන්ට උදව් කිරීම කෑම වගේ ඒවා දෙන එක ( කල හැකි සහ කල යුතු දේවල් කරන්න)
-
● වෘෂභ
2025 පටන් ගන්නෙ වෘෂභ අයට ගුරු 1 වැන්නේ ඉදගෙන. ඒක කෝටියක් දෝෂ භංග කරන පිහිටිමක්.
ලග්නාධිපති සිකුරු 10 වැන්නේ ඉන්න එකත් හොදයි. ඔබගෙ සබදතා දියුණු වෙනවා. සිතට සැනසීමක් සතුටක් ලබන්න පුලුවන් කාලයක් වෙනවා. සෙනසුරු මාරුවෙන් පස්සෙ ඒකියන්නෙ මාර්තුවෙන් පස්සෙ අතට මුදල් යහමින් ලැබෙනවා. සෙනසුරු කියන්නෙ වෘෂභ ලග්නයට උදව් කරන ග්‍රහයෙක්. ඒවගේම මාර්තුවෙන් පස්සෙ එයා එන්නෙ ආර්ථික ලැබීම් ගැන කියවෙන 11 වැන්නට. හොදට සැලසුම් කරලා කරන වැඩ වලින් ජය ලබන්න පුලුවන්. පවුල් ජිවිතයටත් හැමඅතින්ම හොදයි.
රුධිරය සහ ස්නායු සම්බන්ධ රෝගාබාධ ගැන සැලකිලිමත් වෙන්න. වෛද්‍ය පරික්ෂණ කරන්න එවන් රෝග තියෙනව නම්.
ඉගෙන ගන්න දරුවන්ට උදව් කරන්න පුලුවන් නම් හොදයි. ගොඩනැගිල්ලක අවශ්‍යතාවය තියෙන පාසලකට ඒක කරලා දෙන එක, පොත්පත් ගන්න අමාරු දරුවන්ට ඒකට සහනයක් දෙන්න පුලුවන් නම්, ඒවා මේ දවස් වල තියෙන යම් යම් බාධක දුරු වෙන්නත් හේතු වෙනවා.
-
● මිථුන
2025 ආරම්භයෙදි ලග්නාධිපති බුධ ඉන්නෙ 6 වැන්නෙ. සර්වාංග රෝග ගැනම සැලකිලිමත් වෙන්න හේතුවක් ඒක. හැබැයි ලොකු අවුලක් නෑ. 2024ට වඩා සැනසිලිදායක අවුරුද්දක් වේවි. වෙනදට වඩා හොද දේවල් කරන්න හිතට එන කාලයක්. පවුල් ජිවිතයට වගේම රැකියාවට, ව්‍යාපාර වලට හොදයි. සුභ ඵල තිබුනත්, මතක තියාගන්න හොදට කල්පනා කරලා, සැලසුම් සහිතව කරන වැඩ කරන්න. ප්‍රේම සබදතා - විවාහ කටයුතු වලටත් හොදයි.
ආ අධ්‍යාපන කටයුතු වලට හොදයි. විදේශගත අධ්‍යාපනයට වගේම විදේශගත වෙලා කරන රැකියා වලටත් සුබයි. පිටරට යන්නත් පුලුවන්.
මාර්තුවෙන් පස්සෙ සෙනසුරු 10ට එන එක හොදයි. නමුත් මහන්සියෙන් වැඩ කරන්න ඕන අපේක්ෂිත ප්‍රතිඵල වලට.
පුලුවන් විදියට සත්තුන්ට කන්න දෙන්න. බෝධියකට ගිහින් ( වැසි නැති දවසක) බෝධින්වහන්සේට පැන් වත් කරලා, කරණීයමෙත්ත පිරිත, ධජග්ග සූත්‍රය, අටවිසි බුදු පිරිත වගේ පිරිත් කීපයක් කියල එන්න.
-
● කටක
2025 පටන් ගනිද්දි පොඩි කලබල ගතියක්, තරහ යන ස්වභාවයක් තියෙන්න පුලුවන්. කුජ ඉන්නෙ ඔළුවෙ ( 1). ගුරු 11 වැන්නේ ඉන්නවා එනිසා ආර්ථික තත්වය හොදයි. කොහොම නමුත් මුදල් ලැබෙනවා. පිටරට යන්න හිටිය නම් ඒවත් මේ අවුරුද්දේ කරගන්න පුලුවන්. දුර්වලව තිබ්බ සෞඛ්‍ය තත්වය විශේෂයෙන් හොද තත්වයකට පත් වේවි.
කාලයක්ම 8 වැන්නේ ආයුෂ ගැන කියන තැන හිටිය සෙනසුරු පින ගැන කියවෙන 9 වැන්නට එනවා මාර්තුවෙන් පස්සෙ. එතකොට සහනයක් දැනෙන්න පටන්ගනිවි. ඉගෙනීමේ වැඩ වලටත් හොදයි. කොහොම උනත් මේ මාස 3 - 4 පරිස්සමට ගත කිරිමත් වටිනවා.
ආමාශගත රෝග වලින්, හන්දි කැක්කුම් වගේ ඒවයෙන් විශේෂයෙන් පරිස්සම් වෙන්න මේ දවස් වල.
මාර්තු පහුවෙනකම් දහමට අනුව වැඩ කරන්න තරමක් හෝ වැඩියෙන්. ඒකෙන් සහනය වගේම දෝෂ අඩුවිමත් වෙනවා.
පන්සලට ගිහින්, බෝධි පුජාවක් කරන්න, තමන්ට සෙත් පතන්න. ආශිර්වාද ලැබේවි. කරණීයමෙත්ත පිරිත, ජිනපඤ්ජර පිරිත, වට්ටක පිරිත වගේ පිරිත් සජ්ජායනය කරන්න.
-
● සිංහ
2025 පටන් ගන්නේ පින ඉස්මතු කරන ග්‍රහයෙක් වෙන ගුරු 10 වැන්නේ ඉදගෙනයි. ඒවගේම දුෂ්ට තැනක් වෙන 12 වැන්නේ කුජ ඉන්න එක ටිකක් හොද මදි. ලේ සම්බන්ධ රෝග ගැන පරිස්සම් වෙන්න. මාර්තුවෙන් පස්සේ අෂ්ටම ඒරාෂ්ටකය පටන් ගන්නවා සෙනසුරුගෙන්. එතකොට තරමක බාධා - ලෙඩ රෝග වගේ ඒවා එන්න පුලුවන්. නමුත් ඒවා අකාමකා ඉදිරියට යෑමේ වාසනාවත් සිංහ අයට තියෙනව. වෙනද උදව් නොකල අය උදව් කරාවි, කරන වැඩ හරියාවි, මොන දේ කලත් මහන්සි වෙන්න වෙනවා වගේම ඒ මහන්සියේ ප්‍රතිඵල ලැබේවි.
රැකියා ව්‍යාපාර දියුණුවට හොද කාලයක්. යකඩ වගේම කෘෂිකර්මය සම්බන්ධ ඒවටත් වඩා හොද කාලයක්.
අධ්‍යාපන කටයුතු වලත් ප්‍රගතියක් වේවි.
ආමාශය සහ ස්නායු සම්බන්ධ රෝග ගැන සැලකිලිමත් වෙන්න.
බෝධි පුජා කරන්න වෙනවා, සතියට එක දවසක්වත් පන්සලකට ගිහින් ඒවා කල යුතුමයි. අසරණ අයට, රෝගින්ට උදව් කරන්න. කරණීයමෙත්ත, රතන සූත්‍රය, අන්තරාය නිවාරණ පිරිත වගේ පිරිත් සජ්ජායනය කරන්න.
-
● කන්‍යා
කන්‍යා අයට 2025 පටන් ගන්නෙ ලග්නාධිපති බුද 3 ඉද්දි සහ 9 ගුරු ඉද්දි. සෙනසුරු 6 හිටියත්, මාර්තුවෙන් පස්සෙ සෙනසුරු 7ට එනවා. විවාහය ගැනත් යම් සුභවාදි දේවල් බලාපොරොත්තු වෙන්න පුලුවන් මෙතෙක් විවාහ නොවී නම් වගේම විශේෂයෙන් සෙනසුරු විවාහකාරකයා නම් සහ දසා අනුව විවාහයට සුභ කාලයක් ගත වෙනවා නම් විවාහය මේ වසරේ සිදුවන්නට වැඩි ඉඩක් තියෙනව. බැදල හිටියත් පවුල් ජිවිතය ශක්තිමත් සහ ආදරණීය වෙනවා. දරුවන්ටත් හොදයි. ව්‍යාපාර සහ රැකියා වල කටයුතු ටිකෙන් ටික හරියාවි. ලාබ වගේම වැටුප් වැඩිවීම් වලටත් වාසනාව තියෙනවා. ගොඩක් තරගකාරි දේවල් වලින් පවා ජය ලැබෙන වාසනාව තියෙනව. ඒ වෙනුවෙන් මහන්සි වෙන්න ප්‍රතිඵල ලැබේවි.
ස්නායු සහ සෙම් ආශ්‍රිත රෝග ගැන සැලකිලිමත් වෙන්න. කෑම ගැන සැලකිලිමත් වෙන්න.
මහා සංඝරත්නය උදෙසා දානමාන ඇතුළු ඕනැම පුජාවක් සද්සිතින් කරනවා නම් වටිනවා. ඒ පින ජිවිතය වඩා යහපත් වෙන්න හේතු වේවි.
-
● තුලා
2025 පටන් ගන්නෙ, ලග්නාධිපති සිකුරු 5 ඉන්නවා, සෙනසුරු එක්ක. ඒක නරක නෑ. හැබැයි තරමක් පීඩා තියෙනව. ගෙදර දියුණුවට යහපත්. වැඩිහිටි රෝගින් ඉන්නව නම් එයාලට උපස්ථානයක් කරන්න ඒක වටිනවා. මාර්තු වල සෙනසුරුගේ මාරුවෙන් පස්සෙ වඩාත් හොදයි.
රැකියාව ගැන කියන 10 කුජ ඉදිමත් හොදයි. කැපවෙලා කරන වැඩ වලින් ජය ලැබෙනවා. මොන අංශයෙන් කලත් දියුණුවක් ලැබෙන කාලයක්.
අධ්‍යාපනයට හොදයි. උසස් අධ්‍යාපන කටයුතු වලට මෙතෙක් නොතිබුනු අවස්ථා සහ ජයග්‍රහණ ලබන්න පුලුවන් කාලයක්.
කන කෑම ගැන සැලකිලිමත් වෙන්න. අවේලාවේ කෑම වගේ දේවල් වලින් වලකින්න. ඇගපත මහන්සිය වගේ තත්වයන් ඇති වෙන්න පුලුවන්. හදිසි ලාභ ලැබෙන්නත් පුලුවන්.
බෝධි පුජා කටයුතු කරන්න. කරලා පින් සියලු දෙවියන්ට අනුමෝදන් කරන්න. ඔප්පු නොකරපු භාරහාර තියෙනව නම් අනිවාර්යෙන්ම ඒවා ඔප්පු කරන්න.
-
● වෘශ්චික
2025 ඇරඹෙන්නෙ ඔබට ප්‍රසිද්ධිය වගේම සතුට ලැබෙන බවට ඉගි ලබාදෙමින්.
කලින්ට වඩා උද්යෝගිමත්ව වැඩ කරන්න ඔබ පෙළඹෙනවා. ව්‍යාපාර කටයුතු විශේෂයෙන් දියුණු කරගන්න පුලුවන්. රැකියා වලටත් හොදයි. ගෘහ ජිවිතය යහපත් වෙනවා. මාර්තුවෙන් පස්සෙ සෙනසුරුගෙ මාරුවෙන් වඩාත් හොදයි වගේම, කලින්ට වඩා සැනසිල්ලක් දැනේවි. ඒත් මැයි වල රාහු 4ට ඒමෙන් පොඩි පොඩි කරදර කලබල ඇතිවෙනවා හිතේ සහ වැඩ වල ඒවා මනාව කළමනාකරණය කරගන්න නැත්නම් පාඩු වෙන්න පුලුවන්. අන් අය විශ්වාස කරලා කරන කටයුතු වලදි පරිස්සම් වෙන්න.
කලාව සහ විසිතුරු දේට අදාල රැකියා ව්‍යාපාර වලින් දියුණුවක් ලැබේවි. අධ්‍යාපනයට කරනව නම් කැපවෙන්නම ඕන. ජිවිතය විදින්න වගේම ඒ වෙනුවෙන් මහන්සි වෙන්න ඕන බවත් හිතේ තබාගන්න.
මෞත්‍ර ලිංගික පද්ධතියට අදාල රෝග, සෙම් රෝග ගැන සැලකිලිමත් වෙන්න. මානසික තත්වය යහපත් තත්වයෙන් පවත්වා ගන්නත් වැඩ කරන්න.
වඩා හොදයි මානසික අවුලකින් හෝ එවන් අපහසුතා තියෙන අයට උදව් කරනව නම්. එවන් තැනකට ගිහින් උනත් කමක් නෑ එසේ කිරිම හොදයි. බෝධි පුජා කටයුතුත් කල යුතුයි. ඒ කරද්දි, තුන් සූත්‍රය සජ්ජායනය කරන්න.
-
● ධනු
ලග්නාධිපති ගුරු 6 කියන රෝගස්ථානයේ ඉද්දි පටන් ගත්තත් මේ වසර හොද වර්ෂයක් වෙනවා. රවි 1 ඉන්නෙ. ගොඩක් මහන්සියෙන් තමන්ගේ දියුණුවට වැඩ කරන කාලයක්. කලබල ගතියත් සෑහෙන තියෙවි එනිසා ඒක සන්සුන් කරගන්න වැඩ කරන්න. භාවනාව හොදයි. මැයි - ජුනි මාස වලින් පස්සේ වඩාත් හොදයි විශේෂයෙන් ආර්ථික තත්වයට. ඔය අතර වංචාකාරයන්ට අසුවීමත් යම් ඉඩක් තියෙනව.
රැකියාව ව්‍යාපාරයේ දියුණුව අපේක්ෂා කරන්න පුලුවන්. යම් ආයෝජන අවස්ථාත් ඒවි, ඒ සියල්ල බුද්ධිමත්ව කරන්න. අධ්‍යාපනයට හොදයි. මොලේ පාවිච්චි කරලා කරොත් කොයිතරම අමාරුකම් තිබ්බත් ජයක් ලැබේවි.
සෙම, ආමාශගත රෝග, ස්නායු රෝග යනාදිය ගැන සැලකිලිමත් වෙන්න.
අසරණ සතුන්ට කෑම සහ ඉන්න හිටින්නට තැන් සලසා දීම, දුගි මගී යාචක අයට හැකි තරම සත්කාර කිරිම වගේ ඒවා පුලුවන් තරම කරන්න. බෝධි පුජා කටයුතු හොදයි. ඒවා කරලා ලක්ෂ්මි මෑනියන්ට අනුමෝදන් කරලා ආශිර්වාද ඉල්ලන්න.
-
● මකර
මකර ලග්න අය සෑහෙන කට්ටක් පහුගිය කාලේ කෑවා, 2025දි ඒක වෙනස් වෙන්නට නියමිතයි.
ඔබ පසුගිය කාලවල තේරුම් ගත් ආකාරයට ධාර්මික ජිවිතය වඩා යහපත් බවත් එය වැඩිදුර ගෙන යා යුතු බවත් ඒ අනුව කටයුතු කල යුතු බවත් පැහැදිලි වේවි. මාර්තුවෙන් පස්සේ අවු 7 හමාරක් තිබ්බ ඒරාෂ්ටක තත්වය අවසන් වෙනවා. ඒ අනුව වෙනදාට වඩා කටයුතු පහසු වේවි. සතුටින් ඉන්න පුලුවන් පවුල සහ නෑදෑ හිතමිතුරන් එක්ක.
රැකියාවේ දියුණුව මෙන්ම ව්‍යාපාර වල වැඩි ලාභ හිමි වෙන කාලයකි. කුමන ක්ෂෙත්‍රයක වැඩ කලත් දියුණුවක් ලැබේවි. අධ්‍යාපන කටයුතු වලටත් හොදයි.
සෙම, හෘද රෝග තත්වයන් ගැන විසේසයෙන් සැලකිලිමත් වෙන්න.
බෝධි පුජා කරන්න. අටවිසි පිරිත 9 වතාවක් සජ්ජායන කරන්න. පන්සල් මළුව පිරිසිදු කරන්න.
-
● කුම්භ
2025 ආරම්භයෙදි ලග්නාධිපති ශනි ඉන්නෙ සිකුරු එක්ක 1 වැන්නෙ. ඒකියන්නෙ ඔළුවෙ. ඒරාෂ්ටකයේ මැදක තමයි දැන් ඉන්නෙ. නමුත් ලග්නාධිපති සෙනසුරු නිසාම ලොකු පීඩාවක් නෑ. 4 වැන්නේ ගුරු සිටිමත් බොහොම හොදයි. රාහු 2 සිටිම තුල තරමක මතභේදාත්මක කතා හෝ හිත් අමනාපකම් ඇතිකරගන්නත් පුලුවන් කතාවෙන්. ඒ ගැන සැලකිලිමත් වෙන්න. මාර්තුවෙන් පස්සේ ඒරාෂ්ටක අපලය තවදුරටත් අඩු වෙනව වගේම මැයි වලින් පසුවට වේගයෙන් වැඩකටයුතු කරගන්නත් පුලුවන් වෙනවා.
රැකියාවේ සහ ව්‍යාපාරයේ දියුණුව අපේක්ෂා කරන්න පුලුවන්. නමුත්, ගැටළු ඇතිවෙන්න ඉඩක් තියෙන නිසා පරිස්සම් විය යුතුයි. ලාභ තිබුනත් කරන කටයුතු හරියටම බලල නිවරදි විදියටම නීතියට අනුව කරන්න. නැති කරදර ඇතිවිමේ යම් අවදානමක් තියෙනව. ණය ගැනීම් සහ ණයට දීම් ආදියෙන් පරිස්සම් වෙන්න.
කැපවීමෙන් කරනවා නම් ඉගෙනීමෙ වැඩ වලින් දියුණුවක් අපේක්ෂා කරන්න පුලුවන්.
හෘදය සම්බන්ධ රෝග, මුහුණ සම්බන්ධ රෝග යනාදිය ගැන පරිස්සම් වෙන්න.
-
● මීන
ලග්නාධිපති, ගුරු 03 වැන්නේ ඉදන් පටන් ගැනීම එතරම් හොද නැතත්, ගුරුගෙන් අයහපතක් වෙන්නෙ නෑ. ටිකක් ආර්ථික අපහසුතා ආවත් ඔබගේ කැපවීම මත මග හරවා ගන්න පුලුවන්. සෙනසුරු ඒරාෂ්කයේ මුල් වසර 2 හමාර මාර්තු මාසයෙන් අවසන් වනු ඇත. තවත් වසර 5ක් ගත කරන්නට තිබේ. වෙනදාට වඩා පන්සල් - පල්ලි යෑම සහ සිතට සහනය දෙන දේ කිරිම වඩාත් හොදයි.
රැකියාවේ සහ ව්‍යාපාරයේ කටයුතු වලට දියුණුව ඇතිවෙයි. උසස් අයගේ - හිතවතුන්ගේ උදව් උපකාර ලැබෙන කාලයකි. කරන කටයුතු බුද්ධිමත්ව සිතා බලා කල්පනාවෙන් කල යුතුය. වසර මැද සිට ප්‍රඥාගෝචර කටයුතු කිරිම වඩාත් සුදුසුය.
අධ්‍යාපන කටයුතු වලටද යහපත්ය.
පාද ආශ්‍රිත වේදනා, කොදු ඇට පෙල ආශ්‍රිත වේදනා, වළලුකර සහ අන් අයගේ ඊර්ෂ්‍යාවට ලක්වීමේ අවදානම පවති. ඒ ගැන අවදානමත් වන්න.
බදාදා සහ සෙනසුරාදා දිනවල බෝධි පුජා කටයුතු එකදිගට 9ක්වත් කරන්නේ නම් මැනවි. ඒ අතර අසරණ අයට සහ සතුන්ට කෑමබීම දෙන්න. කරණීයමේතත පිරිත සජ්ජායනය කරන්න.
** මේ සියලු කරුණු ලග්නයට අදාල පොදු කරුණුය !!!
ඔබගේ කේන්දර සටහන අනුව මෙම පලාපල වෙනස් විය හැක.
#ඉරු
කේන්දරයේ සම්පූර්ණ පලාපල විස්තරය ලබාදෙන, Word Document සේවාව අපල ආදියට කල යුතු ශාන්ති කර්ම, යහපත් පැවැත්ම, අපල සමනයටත්, අදාල ග්‍රහයාගේ සුභ පල ලබාදීමටත් ලබාදෙන යන්ත්‍ර, ආරක්ෂණ යන්ත්‍ර, පැලදිය යුතු ස්වර්ණාභරණ, මැණික් වර්ගය යනාදිය ඇතුළු සියලුම සේවාවන් සදහා, inbox කරන්න.
irusewaya@gmail.com
